بوكس • 06 ناۋرىز، 2019

اقتاۋلىق بوكسشىلار امەريكاعا اتتاندى

809 رەتكورسەتىلدى

اتاقتى باپكەر مارات جاقيەۆتىڭ قول استىندا جاتتىعاتىن ءتورت بوكسشى امەريكاعا اتتاندى. سول جاقتا ولار اقش-تىڭ كاسىپقوي بوكسشىلارىمەن بىرلەسكەن جاتتىعۋ جيىنىن وتكىزەدى. 

امەريكاعا ساپار شەككەن قانداستارىمىزدىڭ ەسىمى جانكۇيەرلەرگە جاقسى تانىس. كەزىندە جاستار بۋىنى اراسىنداعى جارىستاردا جاسىنداي جارقىراعان ءساماتالى (60 كيلو) مەن ءساناتالى تولتاەۆ (64 كيلو)، بەكزات نۇرداۋلەتوۆ (91 كيلو) جانە ايبولدى داۋرەن ۇلىنىڭ (+91 كيلو) بارلىعى دا ەرەسەكتەر دۋىنا ەركىن قوسىلىپ، بۇل كۇندەرى ۇلتتىق قۇراما ساپىندا ونەر كورسەتىپ ءجۇر. ولاردىڭ بارلىعى دا اقتاۋ قالاسىندا بەلگىلى باپكەر مارات جاقيەۆتىڭ قول اسىتندا جاتتىعۋدا. سول ورەندەر ەندى شەبەرلىكتەرىن ودان ءارى شىنداي ءۇشىن اقش-تا بارىپ جاتتىعۋدى ءجون كورىپ وتىر. 

ولار كاليفورنيا شتاتىنداعى وكسنارد قالاسىنا اتتاندى. سول جەردە ورنالاسقان ايگىلى بازادا مايكي گارسيا، ۆاسيلي لوماچەنكو، الەكساندر ۋسيك، الەكساندر گۆوزديك جانە تاعى باسقا كاسىپقوي بوكستىڭ شوق جۇلدىزدارى جاتتىعادى. سونداي-اق، وكسناردتا ءبىزدىڭ مەيىرىم نۇرسۇلتانوۆ پەن ماديار اشكەەۆ تە دايارلانۋدا. كاسىپقوي بوكسشىلارمەن بىرگە جاتتىعۋ تەحنيكالىق تا، فيزيكالىق تۇرعىدان دا وتە ءتيىمدى. ونداي جيىنداردىڭ ءبىزدىڭ جىگىتتەرگە بەرەرى كوپ. سول سەبەپتى دە مارات جاقيەۆ وسىنداي ۇسىنىس بىلدىرگەندە، مەن بىردەن ءوز كەلسىمىمدى بەردىم، – دەيدى قازاقستان ۇلتتىق قۇراماسىنىڭ باس باپكەرى عالىمبەك كەنجەباەۆ.

مۇحيتتىڭ ارعى بەتىندە ايتۋلى بوكسشىلار ءبىر اي جاتتىعادى. سودان كەيىن ولار ەلگە ورالادى. ال وتاندىق بىلعارى قولعاپ شەبەرلەرى ءۇشىن الداعى ۋاقىتتاعى باستى سىناق – ازيا بىرىنشىلىگى. سول جارىستا الەم چەمپيوناتىنىڭ جولدامالارى ساراپقا سالىنادى.         

عالىم سۇلەيمەن،

«Egemen Qazaqstan»

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار