قازاقستان • 06 ناۋرىز، 2019

الماتى اكىمى قالا كوشەلەرىن جوندەۋ ماسەلەلەرى بويىنشا جۇمىس كەڭەسىن وتكىزدى

609 رەتكورسەتىلدى

الماتى اكىمى الداعى كەزدە قالا كوشەلەرى مەن تروتۋارلاردى جوندەۋ ماسەلەلەرى بويىنشا جۇمىس كەڭەسىن وتكىزدى. بيىلعى جىلى ۇزىندىعى 111 كم بولاتىن 120-دان استام كوشەگە ورتاشا جوندەۋ جۇمىستارى جۇرگىزىلەدى. بۇلاردان وزگە قالانىڭ 10 ىقشام اۋداندارىندا ۇزىندىعى 100 شاقىرىمنان اساتىن جاڭا كوشەلەر سالىنادى.

مەگاپوليس باسشىسى كوكتەم شىعىسىمەن ورتالىق داڭعىلدار مەن اۋداندىق ءمانى بار كوشەلەردەگى ليۋكتار مەن ولارعا قاتىستى شاعىمداردىڭ كوپ تۇسكەنىن اتاپ ءوتتى.

«قالالىقتار كۇزدە ەمەس، جازدىڭ وزىندە جاڭا جولدارمەن جۇرۋلەرى ءتيىس، سوندىقتان ورتاشا جوندەۋدەن وتەتىن ءار ۋچاسكەنىڭ جوندەلۋ مەرزىمى، ولاردا جۇمىس جاسايتىن ادامدار مەن تەحنيكا الدىن الا بەلگىلەنۋى ءتيىس. اعىمداعى جوندەۋ جۇمىستارىنا قاتىستى ۇزاق مەرزىمدى كەلىسىمدەر جاسالدى، ياعني كومپانيالار زاماناۋي تەحنيكا الۋ مەن ساپانى قامتاماسىز ەتۋدى ينۆەستيتسيالايدى. ەگەر مەردىگەر جۇمىستى بەلگىلەنگەن مەرزىمىندە ورىنداماسا ايىپپۇل سالىنادى. اۋداندار اكىمدەرى ءار ۋچاسكەنى جەكە وزدەرى ارالاپ، عيماراتتاردىڭ سىرتىن رەتكە كەلتىرۋلەرى، زاڭسىز سالىنعان قۇرىلىستاردى سۇرۋلەرى، ءتۇرلى قىزمەتتەردىڭ جۇمىستارىن ۇيلەستىرۋلەرى ءتيىس»، - دەدى باۋىرجان بايبەك.

قالالىق موبيلدىلىك باسقارماسىنىڭ باسشىسى ساعىندىق تەلىباەۆ ءوزىنىڭ سوزىندە اۋا رايى قولايلى بولسا ماگيسترالدى كوشەلەردە اعىمداعى جوندەۋ جۇمىستارىنىڭ 10 كۇن ىشىندە اتقارىلاتىنىن ايتتى.

اۋدارىلعان ليۋكتاردى قالپىنا كەلتىرۋ ءۇشىن مەردىگەر ۇيىمدار ارنايى ارنايى تەحنيكالار الۋدا. بۇعان ەلىمىزدە العاش رەت ءمجا جوباسى بويىنشا ءتورت كومپانيامەن 4،5 جىلعا ورلاردى جوندەۋگە قاتىستى جاسالعان كەلىسىم بويىنشا قولجەتتى.

اتالاعان شارا ۇزاق مەرزىمدە جولداردى جەدەل جوندەۋگە جانە رەتكە كەلتىرۋگە مۇمكىندىك بەرەدى. سونىمەن، ءتورت جىل ىشىندە «ەسىك جولدارى» جشس (مەدەۋ جانە تۇركسىب اۋداندارى)، «دسۋ-13» جشس (بوستاندىق جانە المالى اۋداندارى)، «كونفورس» جشس (اۋەزوۆ جانە ناۋرىزباي اۋداندارى)، «رسۋ» جشس (الاتاۋ جانە جەتىسۋ اۋداندارى) جوندەۋ جۇمىستارىن جۇرگىزەدى.

ورتاشا جوندەۋ كەزىندە ەسكى بورديۋرلەر، ارىق ناۋالارى، ءتىپتى فرەزەرلەنگەن اسفالت قالاعا قوسىلعان اۋدانداردىڭ كوشەلەرىندە پايدالانىلادى.

الماتىدا باستالعان «Vision Zero» باعدارلاماسى بويىنشا ورتاشا جوندەۋ جۇمىستارى بارىسىندا قاۋىپسىز ينفراقۇرىلىم جاسالىپ، اپاتتىڭ الدى الىنادى، جاياۋ جۇرگىنشى جولدارى اباتتاندىرىلادى. بۇلاردان وزگە، ادامداردىڭ ءوتۋ قاۋىپسىزدىگىن قامتاماسىز ەتۋ ءۇشىن بۇرىلىستارداعى اينالىم راديۋستارى قىسقارادى.

باۋىرجان بايبەك جۇمىس كەڭەسى بارىسىندا جولداردى جوندەۋگە جاۋاپتى مەملەكەتتىك ورگانداردىڭ جانە مەردىگەرلىك ۇيىمدار باسشىلارىنىڭ بايلانىس نومىرلەرى جازىلعان ارنايى ستەندتەر ورناتۋدى، اۋماقتى كوگالداندىرۋدى، بۇرىن جوندەلىپ، كەپىلدى مەرزىمگە قويىلعان جولداردى تەكسەرۋدەن وتكىزۋدى اتاپ ءوتتى.

ايتا كەتەرلىگى، الماتىدا سوڭعى جىلدارى 600 كوشە مەن 1400-دەن استام ەسكى اۋلالار جاڭاردى. 300 كم ارىق، 1000 كم ينجەنەرلىك جەلىلەر جوندەلدى. قالانىڭ بارلىق وتپەلى جولدارى قايتا جاسالدى. بۇلاردان وزگە، نازارباەۆ داڭعىلى تەمىرجول ەستاكاداسى ارقىلى جانسۇگىروۆ كوشەسىنە دەيىن جانە حمەلنيتسكي كوشەسى ءسۇيىنباي داڭعىلىنان جاس قانات ىقشام اۋدانىنا دەيىن ۇڭگىلەندى.

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

ۇقساس جاڭالىقتار