مەديتسينا • 06 ناۋرىز، 2019

كوپبالالى انا: وسكەلەڭ ۇرپاقتى ەڭبەك ەتۋگە باۋلىپ ءجۇرمىن

678 رەتكورسەتىلدى

سەگىز بالانى دۇنيەگە اكەلگەن كوپبالالى انا شولپان قاليەۆا كاسىپكەرلىكتە مەملەكەتتىك قولداۋدى جاقسى سەزىنىپ وتىرعانىن ايتادى.

كاسىپكەرلىك سالاسىن دامىتۋ باعىتىندا ەلىمىزدە ءتۇرلى مەملەكەتتىك باعدارلامالاردىڭ قولعا الىنۋى ايماقتاعى كاسىپورىندار قاتارىن ارتتىرۋعا دا ۇلكەن سەپ بولدى. ۇلكەن دەمەۋ باردا نەگە ءىس باستاماسقا دەگەن وي كەلدى. وسىلايشا 2001 جىلى مەن دە كاسىپكەرلىك سالاسىن دامىتۋعا دەن قويۋدى ءجون كوردىم. وسى رەتتە ءوز كاسىبىمدى مال شارۋاشىلىعى باعىتىندا باستاپ، كەيىن مەملەكەتتىك باعدارلامالاردىڭ كومەگىنە جۇگىندىم. 2015 جىلى «قۇلان» باعدارلاماسىمەن 10 ملن تەڭگە نەسيە الىپ، ءتيىستى قاراجاتقا 36 باس جىلقى ساتىپ الدىم. قازىرگى تاڭدا شارۋاشىلىقتىڭ شارۋاسى شيراپ، مال باسى دا ارتىپ كەلەدى. مۇنىڭ ءبارى ۇلكەن قولداۋدىڭ جەمىسى دەپ بىلەمىن.

وبلىستا سوڭعى ءۇش جىلدى «جاپپاي كاسىپكەرلىكتى دامىتۋ جىلى» دەپ جاريالاعان. بۇل باستاما ىسكەر ازاماتتار مەن كاسىپكەرلىككە دەن قويعان جانداردى قۋانتىپ وتىر.

بۇل كاسىبىم ءوز كەزەگىندە ءبىر جاعىنان تابىسقا جەتۋگە الىپ كەلسە، كەلەسى كەزەكتە وسكەلەڭ ۇرپاقتى ەڭبەك ەتۋگە باۋلىپ ءجۇرمىن. ماڭگىلىك ەلدىڭ بولاشاعى بۇگىنگى جاستار ەكەنىن ەسكەرسەك، ولارعا ارقايسىمىز وسىنداي ءبىر ءىز قالدىرىپ كەتۋگە ءتيىسپىز دەپ ەسەپتەيمىن دەيدى ول.

باقتيار تايجان،

«Egemen Qazaqstan»

قىزىلوردا وبلىسى

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار