قازاقستان • 06 ناۋرىز، 2019

سولتۇستىك قازاقستان وبلىسىندا العاش رەت سويا ەگىلەدى

774 رەتكورسەتىلدى

قىزىلجار وڭىرىندە استىق سالاسىن ءارتاراپتاندىرۋ تۋرالى ەلباسىنىڭ تاپسىرماسى  ويداعىداي ورىندالىپ كەلەدى.

ونىڭ ماڭىزىن اگرارشىلار دا تۇسىنە باستاعان سەكىلدى. بۇرىندارى بىرىڭعاي بيداي ءوسىرىلىپ كەلسە، بۇگىندە مايلى داقىلدار كولەمى ءبىر ميلليون گەكتار القاپتى قۇراپ وتىر.

ەندى  اۋىل شارۋاشىلىعىن ءارتاراپتاندىرۋ جۇمىستارىن ودان ءارى دايەكتى تۇردە  جالعاستىرۋ ءۇشىن  بيىلدان باستاپ الەمدىك نارىقتا ۇلكەن سۇرانىسقا يە سويا ەگىلەدى. وبلىستىق اكىمدىكتىڭ  وتىرىسىندا كوكتەمگى ەگىس جۇمىستارىنا دايىندىق بارىسى تالقىلانعاندا ايماق باسشىسى قۇمار اقساقالوۆ وسىلاي مالىمدەدى.      

«بيىل 10 مىڭ گەكتار اۋماققا سويا ەگىلەدى. كەلەسى جىلى ونىڭ كولەمىن 150 مىڭ گەكتارعا جەتكىزەتىن بولامىز. بيدايدىڭ اۋماعىن ازايتىپ، جوعارى تابىستى ءارى ەكسپورتقا باعىتتالعان داقىلداردى كوبىرەك  وسىرەمىز. سويا ۇلكەن سۇرانىسقا يە، قازىر نارىقتا 1 تونناسى 150 مىڭ تەڭگە تۇرادى»، دەدى ق. اقساقالوۆ.

اكىمدىك وتىرىسىندا  كوكتەمگى دالا جۇمىستارىنا دايىندىقتىڭ وزگە دە ماسەلەلەرى پىسىقتالدى. جوسپار بويىنشا 2،7 ميلليون گەكتار ەگىستىككە  150 مىڭ توننا مينەرالدى تىڭايتقىش سىڭىرىلەدى.

قۇمار ىرگەباي ۇلى اگروونەركاسىپ جەتىستىكتەرىنە زاماناۋي تەحنولوگيالاردى جۇزەگە اسىرۋدىڭ ارقاسىندا جەتكەنىمىزدى ايتا كەلىپ، اگروتەحنيكالىق تالاپتاردى قاتاڭ ساقتاۋدى ەسكەرتتى. كوكتەمگى ەگىس ناۋقانىنا 13،6 مىڭ تەحنيكا جۇمىلدىرىلماق. 30 ميلليارد تەڭگەنىڭ 1،6 مىڭ  جاڭا تەحنيكاسى ساتىپ الىنادى. 200-گە جۋىعى اكەلىنگەن.

بيىل 4،9 ميلليون گەكتار القاپتىڭ 4،1 ميلليون گەكتارىنا  اۋىل شارۋاشىلىعى داقىلدارى ەگىلەدى.

ءومىر ەسقالي،

«ەگەمەن قازاقستان»

سولتۇستىك قازاقستان وبلىسى

سوڭعى جاڭالىقتار

الەمدەگى احۋال قانداي؟

كوروناۆيرۋس • بۇگىن، 10:57

قىزىلوردا: تاعى 3 ادام تىركەلدى

ايماقتار • بۇگىن، 09:57

مما: UFC-ءدى سىنعا الدى

سپورت • بۇگىن، 09:20

جۇدىرىقتاي جۇمىلايىق

رۋحانيات • بۇگىن، 07:45

كاسىپكەرلەر تىلەگى ەسكەرىلدى

بيزنەس • بۇگىن، 07:40

«موسكۆانىڭ» ماسەلەسى كوپ

ايماقتار • بۇگىن، 07:36

زاۋالدى بىرلىك جەڭەدى

قوعام • بۇگىن، 07:35

ۇقساس جاڭالىقتار