ايماقتار • 05 ناۋرىز، 2019

سەناتورلار الماتىعا جۇمىس ساپارىمەن باردى

815 رەتكورسەتىلدى

پارلامەنت سەناتىنىڭ دەپۋتاتتارى بىرعانىم ءايتىموۆا، باقىتجان جۇماعۇلوۆ، دينار نوكەتاەۆا مەن نۇرلان قىلىشباەۆ جۇمىس ساپارىمەن الماتى وبلىسىندا بولدى. ساپار اياسىندا دەپۋتاتتار ەلباسىنىڭ «نۇر وتان» پارتياسىنىڭ XVIII سەزىندە ايقىنداعان الەۋمەتتىك قولداۋ شارالارىنىڭ ورىندالۋى جونىندە ءتۇسىندىرۋ جۇمىستارىن جۇرگىزىپ، پرەزيدەنت تاپسىرمالارىنىڭ ورىندالۋى بارىسىمەن تانىستى.

سەناتور بىرعانىم ءايتىموۆا ءوڭىر باسشىسى ا.باتالوۆپەن كەزدەسۋ بارىسىندا ساپاردىڭ نەگىزگى ماقساتى – تۇرعىنداردىڭ اۋداندىق، وبلىستىق نەمەسە رەسپۋبليكالىق دەڭگەيدە شەشىلەتىن، نەمەسە قولدانىستاعى زاڭناماعا وزگەرتۋ ەنگىزۋدى تالاپ ەتۋ تۇرعىسىندا شەشىمى تابىلاتىن ماسەلەلەردى ايقىنداۋ ەكەنىن اتاپ ءوتتى.

اماندىق باتالوۆ وبلىستى گازبەن قامتاماسىز ەتۋ جانە پرەزيدەنتتىڭ 5 الەۋمەتتىك باستامالارىن ىسكە اسىرۋ جونىندەگى دەپۋتاتتاردىڭ ساۋالدارىنا جاۋاپ بەرىپ، تەكەلى قالاسىنىڭ دامۋ كورسەتكىشتەرى تۋرالى ايتىپ بەردى. ءوڭىر باسشىسى قالا تۇرعىندارىن جۇمىسپەن قامسىزداندىرۋ ماسەلەسىندە «سۋففلە» قازاقستاندىق اشىتقى شىعارۋ زاۋىتى، شويىن زاۋىتى، تاۋ-كەن وڭدەۋ كەشەنى سياقتى كاسىپورىنداردىڭ الاتىن ورنى تۋرالى ايتىپ بەردى.

سەناتورلار سونداي-اق «Green House – جاسىل ءۇي» جىلىجايى مەن تەكەلى تاۋ-كەن ءوندىرۋ كەشەندەرىندە بولىپ، مەتاللۋرگ ىقشام اۋدانىنىڭ جىلۋ جەلىلەرىن قايتا جاڭعىرتۋ جۇمىستارىنىڭ بارىسىمەن تانىستى. سونىمەن قاتار تەكەلى قالالىق اۋرۋحاناسىندا، بالالار مەن جاسوسپىرىمدەر ءتۋريزمى جانە ولكەتانۋ ورتالىعىندا، ورتالىق ازيا ۋنيۆەرسيتەتىنىڭ قۇرىلىس الاڭىندا بولدى.

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار