قازاقستان • 05 ناۋرىز، 2019

سەنات دەپۋتاتى ءا.بەكتاەۆ كەنتاۋ قالاسىندا اكتيۆپەن كەزدەستى

859 رەتكورسەتىلدى

پارلامەنت سەناتىنىڭ دەپۋتاتى ءالي بەكتاەۆ تۇركىستان وبلىسىنا جۇمىس ساپارى اياسىندا كەنتاۋ قالاسىندا بولىپ، وبلىستىق جانە قالالىق ءماسليحات دەپۋتاتتارى، قالا جانە اۋىلدىق وكرۋگتەردىڭ، مەكەمەلەر مەن ءوندىرىس ورىندارىنىڭ جانە شارۋا قوجالىقتارىنىڭ باسشىلارى، ساياسي پارتيالار مەن قوعامدىق ۇيىمداردىڭ جانە بۇقارالىق اقپارات قۇرالدارىنىڭ وكىلدەرىمەن كەزدەستى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.

سەناتور جۇرتشىلىقپەن جۇزدەسۋدە مەملەكەت باسشىسىنىڭ «نۇر وتان» پارتياسىنىڭ حVIII سەزىندە ايتقان الەۋمەتتىك باستامالارىن جان-جاقتى ءتۇسىندىردى جانە پارلامەنت سەناتىنداعى زاڭ شىعارۋ جۇمىستارىنىڭ بارىسىمەن تانىستىردى. ءا.بەكتاەۆ سەزدە ايتىلعان نەگىزگى ءۇش الەۋمەتتىك باستامالارعا ايرىقشا توقتالىپ، از قامتاماسىز ەتىلگەن وتباسىلاردىڭ الەۋمەتتىك جاعدايىن جاقسارتۋ، تابىسى تومەن وتباسىلاردى باسپانامەن قامتاماسىز ەتۋ، ءبىلىم بەرۋ جانە دەنساۋلىق ساقتاۋ سالاسىنىڭ ساپاسىن جاقسارتۋعا، جەرگىلىكتى ايماقتاردى كەشەندى دامىتۋ ماسەلەلەرىنە باسا نازار اۋدارىلاتىنى جانە الداعى ۋاقىتتا اتقارىلاتىن شارۋالار كوپ ەكەنىن ايتتى.

كەزدەسۋ بارىسىندا بىرقاتار ساۋالدار دا قويىلدى. كەنتاۋ قالالىق ارداگەرلەر كەڭەسىنىڭ توراعاسى ي.جۇماباەۆ دەپۋتاتقا كەنتاۋ-تۇركىستان اۆتوجولىن كۇردەلى جوندەۋدەن وتكىزۋگە ىقپال جاساعانى ءۇشىن العىسىن ءبىلدىردى. سونىمەن قاتار، كەنتاۋ قالاسىن ەكولوگيالىق ايماققا ەنگىزۋ ماسەلەسىنىڭ ۇكىمەت دەڭگەيىندە شەشىلۋىنە كومەكتەسۋدى سۇرادى.

كەنتاۋ قالالىق اقساقالدار القاسىنىڭ توراعاسى م.ابدۋللاەۆ قالانى تابيعي گازبەن قامتاماسىز ەتۋ ماقساتىندا قۇرىلىس جۇمىستارى ءجۇرىپ جاتقانىن، الداعى ۋاقىتتا وسى سالادا توتەنشە جاعدايلاردىڭ الدىن-الۋ، گازدى پايدالانۋ ەرەجەلەرىن حالىققا كەڭىنەن ءتۇسىندىرۋ ماقساتىندا ارنايى «گاز ينسپەكتسياسى» مەكەمەسىن قۇرۋعا جاردەمدەسۋدى ءوتىندى. سونىمەن قاتار، تۇرعىندار تاراپىنان مەرەكەلىك شارالاردا وت شاشۋ، ولاردى پايدالانۋ بارىسىندا بىرنەشە وقىس جاعدايلاردىڭ ورىن الۋعا بايلانىستى ارنايى مامانداندىرىلعان مەكەمە ارقىلى وتكىزۋ مۇمكىندىگىن جانە ولاردى تۇرعىندارعا ساتۋعا تىيىم سالۋ قاجەتتىگىن ايتتى.

قالالىق ءماسليحاتتىڭ دەپۋتاتى م.تۇرىسبەكوۆ جۇمىسسىزدىق ماسەلەسىنە، از قامتاماسىز ەتىلگەن وتباسىلاردى الەۋمەتتىك قولداۋ شارالارىنا توقتالدى جانە ءبىلىم بەرۋ مەن دەنساۋلىق ساقتاۋ سالاسى قىزمەتكەرلەرىنىڭ ەڭبەكاقىسىن كوتەرۋ، جاستاردى باسپانامەن قامتاماسىز ەتۋ ماقساتىندا ۇكىمەت تاراپىنان ارنايى جۇمىسشى توبىن قۇرىپ، ءتيىستى مونيتورينگ جۇرگىزۋدى ءوتىندى. سونىمەن قاتار، كەنتاۋ قالاسىنىڭ ەكولوگيالىق ماسەلەسىن ۇكىمەت دەڭگەيىندە شەشۋگە ىقپال ەتۋدى سۇرادى.

كەنتاۋ قالاسى، بۇرگەم ەلدى مەكەنىنىڭ تۇرعىنى ق.ايتباەۆ قالاعا قاراستى مولتەك اۋدانداردا مال شارۋاشىلىعىن دامىتۋ ءۇشىن قوسىمشا جايىلىمدىق جەرلەردى قاراستىرۋدى سۇرادى. قالالىق ارداگەرلەر كەڭەسىنىڭ مۇشەسى س.ادىرشاەۆ فيزيكا، ماتەماتيكا جانە حيميا پاندەرىن ءۇش تىلدە وقىتۋ ماسەلەسى بويىنشا ۇستازداردى كەڭىنەن دايىنداۋ قاجەتتىگىن، قالالىق مۇگەدەكتەر قوعامىنىڭ مۇشەسى ر.نۇرىللا مۇگەدەكتەر قوعامدىق بىرلەستىگىنىڭ ماسەلەسى بويىنشا جەكە قابىلداۋدى ءوتىندى.

«قالالىق اجەلەر القاسى» قوعامدىق بىرلەستىگى اتىنان جازباشا سۇراق بەرىلىپ، اتاۋلى الەۋمەتتىك كومەكتى تاعايىنداۋ جانە ونى تولەۋ ءتارتىبى بويىنشا ۇسىنىس ءبىلدىردى.

كەزدەسۋ بارىسىندا ايتىلعان ۇسىنىس-پىكىرلەرگە، سۇراقتارعا سەناتور ءا.بەكتاەۆ جاۋاپ بەردى. جۇزدەسۋگە قاتىسقان قالا اكىمى ع.رىسبەكوۆ كەزدەسۋدى قورىتىندىلاپ، سەنات دەپۋتاتى ءا.بەكتاەۆقا العىس ءبىلدىردى جانە جۇمىستارىنا تابىس تىلەدى. 

سوڭعى جاڭالىقتار

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

تاسقىننىڭ بۇگىنگى احۋالى

ايماقتار • بۇگىن، 15:42

سالەحاردتان كەلگەن تسيكلون

ايماقتار • بۇگىن، 15:30

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

ۇقساس جاڭالىقتار