تەحنولوگيا • 05 ناۋرىز، 2019

الماتىدا Olshem.kz سايتى ىسكە قوسىلدى

1104 رەت كورسەتىلدى

قازاقستاندا جەتەكشى اقپاراتتىق پورتالداردىڭ باستى كورسەتكىشتەرىن ولشەۋگە ارنالعان سايت جۇمىس ىستەي باستادى.

وlshem.kz سايتى دەرەكتەر اناليتيكاسى سالاسىنداعى Chartbeat اتتى وزىق كومپانيامەن بىرلەسە وتىرىپ جۇزەگە اسىرىلدى. كومپانيانىڭ قىزمەتتەرىن اقش مەديا نارىعىنىڭ 75%-ى قولدانادى. اشىق، ايقىن ءارى كاسىبي مەديا نارىعىن قالىپتاستىرۋ ماقساتىندا جەتەكشى قازاقستاندىق ينتەرنەت-باسىلىمداردىڭ بىرلەسكەن شەشىمى رەتىندە قۇرىلعان بۇل ۆەب-سايت ءوز جۇمىسىندا ەڭ ۇزدىك حالىقارالىق ستاندارتتاردى قولداناتىن بولادى.

Chartbeat تەحنولوگيالارى وتاندىق باق-قا ءوز وقىرماندارىنىڭ شىنايى قاجەتتىلىكتەرىن ەسكەرە وتىرىپ، بيزنەس ۇدەرىستەردى ورناتۋ ارقاسىندا جارناما بەرۋشىلەردى كەڭىنەن تارتۋعا مۇمكىندىك بەرەدى. زاماناۋي قۇرالدار مەن وزىق تەحنولوگيالاردى قولدانۋ جۋرناليستيكا ساپاسىن كوتەرىپ، وتاندىق باق نارىعىنىڭ كاسىبي دەڭگەيىنىڭ وسۋىنە اكەلمەك.

«قازاقستان تاريحىندا تۇڭعىش رەت 25 وتاندىق ينتەرنەت باق وقىرماندارمەن جانە جارناما بەرۋشىلەرمەن ءوز قاتىناسىندا ادالدىقتى ۇستاناتىندىعىن اشىق تۇردە كورسەتۋ جونىندە ءوز ەركىمەن شەشىم قابىلدادى. Chartbeat تەحنولوگيالارى ارقاسىندا ولار ءوز ستاتيستيكاسىنىڭ كورسەتكىشتەرىن، سونىڭ ىشىندە بۇعان دەيىن جاريالانباعان كورسەتكىشتەردى اشىپ كورسەتپەك. بۇل وقىرمانداردىڭ قاجەتتىلىكتەرىن تەرەڭىرەك ءتۇسىنىپ، اۋديتوريانى تارتۋ، قازاقستاندىقتار ءۇشىن شىنىمەن دە ماڭىزدى ءارى قاجەتتى رەپورتاجدار مەن لونگريدتەردى دايىنداۋعا باعىتتالعان كوبىرەك كونتەنتتى جاساپ شىعارۋ ءۇشىن قازاقستاندىق جۋرناليستەرگە ارنالعان بىرەگەي مۇمكىندىك»، دەپ ءوز بويىمەن ءبولىستى Chartbeat جوباسى قامقورشىلار كەڭەسىنىڭ توراعاسى ميحايل دوروفەەۆ.

سايت قازاقستانداعى Chartbeat اپتالىعى اياسىندا ىسكە قوسىلدى. 4 ناۋرىزدان باستاپ ءبىلىم بەرۋ باعدارلامالارى جونىندەگى اعا باسشى دجيلل نيكولسون جانە كليەنتتەرمەن جۇمىس جۇرگىزۋ جونىندەگى مەنەدجەر كارا ماككلوۋسكي الماتى جانە استانا قالالارىندا ءبىلىم بەرۋ ترەنينگتەرىنىڭ توپتاماسىن وتكىزىپ، جوبا قاتىسشىلارىنىڭ رەداكتسيالارىندا بولىپ قايتادى. سونداي-اق، ساپار اياسىندا جارناما نارىعىنىڭ قاتىسۋشىلارى ءۇشىن Chartbeat سەرۆيسىنىڭ قۇرالدارىنا ارنالعان سەمينارلار جانە اقپارات جانە قوعامدىق دامۋ مينيسترلىگىمەن كەزدەسۋ وتەدى.

«قازاقستانداعى اقش ەلشىلىگى قازاقستان حالقى مەن ۇكىمەتى ءۇشىن ماڭىزدى بىرقاتار باستامالارعا ۇلكەن ماقتانىشپەن قولداۋ كورسەتۋدى جالعاستىرىپ كەلەدى. وسىنداي باستامالاردىڭ ءبىرى – ەل ىشىندە مىقتى ءارى كاسىبي جۋرناليستيكانى ىلگەرىلەتۋ. قازاقستان ۇكىمەتى جانە قازاقستاندىق قوعام اقش-تا قولدانىلاتىن يننوۆاتسيالار مەن تەحنولوگيالارعا قىزىعۋشىلىق تانىتىپ وتىر. اقش باس كونسۋلى رەتىندە مەن بۇل جوبا وسى تەحنولوگيالاردىڭ كەيبىرەۋىن ەندىرىپ، وسىلايشا قازاقستانداعى مىقتى جۋرناليستيكان قولداعا ءوز ۇلەسىن قوسادى دەپ ۇمىتتەنەمىن»، دەپ اتاپ ءوتتى اقش باس كونسۋلى ەريك مەيەر.

وlshem.kz رەسۋرسى جارناما نارىعىنا جوباعا قاتىساتىن پورتالداردىڭ وقىرماندار اۋديتورياسى جايلى شىنايى اقپارات الۋعا مۇمكىندىك بەرمەك. بۇل باق-تا جاريالاناتىن ماتەريالداردىڭ ماقساتقا باعىتتىلىعىن ارتتىرماق. Chartbeat سەرۆيستەرىن قولداناتىن مەديا رەسۋرستار جارناما نارىعىمەن تولىق ءارى ناقتى اناليتيكامەن بولىسەتىن بولادى. ولار كونتەنت ساپاسىن جاقسارتىپ، رەداكتسيالىق ساياساتتى جاڭا جاعدايلارعا سايكەس بەيىمدەيتىن بولادى. سەرۆيس قاتىسۋشىلار اراسىندا كاسىبي قاتىناستاردى قۇرۋعا كومەكتەسىپ، رەداكتسيالىق ساياساتتا مەتريكالاردىڭ كەڭىنەن قولدانىلۋىنا جاعداي جاساماق.

«Chartbeat كومپانياسى قازاقستاندىق باق-قا بۇكىل الەمدەگى ەڭ ءىرى رەداكتسيالاردا تابىستى تۇردە قولدانىلىپ وتىرعان دەرەكتەردى تالداۋ سالاسىنداعى وزىق تەحنولوگيالاردىڭ ارتىقشىلىقتارىن قولدانۋعا كومەكتەسە وتىرىپ، ولارمەن جۇمىس جاساۋعا مۇمكىندىك الىپ وتىرعانىنا قۋانىشتى. قازىرگى تاڭدا جۋرناليستيكا ساپاسى بۇرىنعىدان اسا ۇلكەن ماڭىزعا يە، سوندىقتان وسى سەرىكتەستىك اياسىندا ءىرى نە شاعىن بولسىن، 25 باسىلىمنىڭ ارقايسىسىنا ءوز وقىرماندارىنا ەرەكشە دەڭگەيدە اسەر ەتۋگە جانە جۇمىس ساپاسىن كوتەرۋگە كومەكتەسپەك»، دەپ اتاپ ءوتتى دجيلل نيكولسون.

جاڭا رەسۋرس ناقتى ۋاقىت رەجىمىندە دەرەكتەر اناليتيكاسىن كەلەسى بەس باستى كورسەتكىش بويىنشا كورسەتەدى: سايتقا كىرۋشىلەر، بىرەگەي قولدانۋشىلار، گەودەرەكتەر، تراففيك كوزدەرى، 24 ساعات، 7 كۇن جانە 30 كۇن ىشىندەگى ەڭ ۇزدىك جاريالانىمدار تۋرالى اقپارات. سايتقا كىرۋشىلەرگە قاتىسۋشى پورتالدار اراسىندا ۇسىنىلعان كورسەتكىشتەر بويىنشا سالىستىرمالى اناليز جاساۋ، سونداي-اق، ءبىر اي ىشىندەگى اناليتيكانى جۇكتەپ الۋ مۇمكىندىگى قولجەتىمدى بولادى.

سوڭعى جاڭالىقتار

تاريحي نىساندار جاڭعىرتىلۋدا

قازاقستان • بۇگىن، 13:05

شەكتەن شىققان احۋال جوق

ايماقتار • كەشە

اتىراۋدا ەگىز ۇل امان-ەسەن تابىلدى

ايماقتار • 25 قىركۇيەك، 2020

اتىراۋدا جول بويىندا تراكتور اۋدارىلدى

ايماقتار • 25 قىركۇيەك، 2020

شىعىستا جازۋشى ءمۇسىنى تۇعىرعا قوندى

رۋحانيات • 25 قىركۇيەك، 2020

ۇقساس جاڭالىقتار