ايماقتار • 05 ناۋرىز، 2019

بالاباقشا تاربيەشىسى بۇلدىرشىنگە قول جۇمسادى

952 رەتكورسەتىلدى

اقتوبە ايماعىندا الەۋمەتتىك جەلىلەر ارقىلى تاراتىلعان بەينەجازبا بارلىق ءوڭىر تۇرعىندارى مەن اتا-انالاردىڭ نارازىلىعىن تۋعىزدى. پەداگوگيكالىق ادەپپەن مۇلدەم سىيىسپايتىن كورىنىس قارعالى اۋدانىنا قاراستى بادامشا اۋىلىندا بولعان.

وسى اۋىلداعى «ايگولەك» بالاباقشاسىندا پەداگوگيگكالىق ءوتىلى جيىرما جىلعا جۋىقتاعان جوعارى ساناتتاعى تاربيەشى بەس جاسار قىزعا قول جۇمساعان. بۇل وقيعا وتكەن  جىلدىڭ قىركۇيەگىندە بولسا دا، جابۋلى قازان جابۋلى كۇيىندە قالا بەرگەن. تاجىريبەلى دەگەن تاربيەشى دە تۇك بولماعانداي قىزمەتىن بۇگىنگى كۇنگە دەيىن اتقارىپ كەلىپتى. ول ءوزىنىڭ دورەكى ءىس-قيمىلى الەۋمەتتىك جەلىلەردە ءمالىم بولعاننان كەيىن عانا قىزمەتىنەن بوساتىلعان. وسىناۋ تەرىس قۇبىلىستىڭ جارتى جىل وتكەننەن كەيىن عانا انىقتالۋى وڭىردەگى ءبىلىم مەن تاربيە بەرۋ ۆەدومستۆولارىنىڭ ءوز ىستەرىنە سالعىرت قاراپ كەلگەنىن، وقۋ مەن تاربيە جۇمىستارىن جەتكىلىكتى باقىلامايتىندىعىن كورسەتەدى. قازىرگى كۇنى وڭىردە بالاباقشا تاربيەشىسىنىڭ بەس جاسار بالاعا قارسى كۇش قولدانۋى - الدىن الۋ جۇمىستارى جۇرگىزىلمەگەندىكتەن. ارينە، بۇل جاعداي ءوز كەزەگىندە وبلىستىق ءبىلىم باسقارماسىنا ۇلكەن سىن ەكەنى ايتپاسا دا تۇسىنىكتى.

پرەزيدەنت جارلىعىنا سايكەس اقتوبە وبلىسى اكىمى بولىپ تاعايىندالعان وڭداسىن ورازالين بادامشا اۋىلىندا بولعان وقيعادان ءتيىستى قورىتىندى شىعارىلۋ كەرەكتىگىن ايتتى. سونىمەن بىرگە ءوڭىردىڭ جاڭا باسشىسى الەۋمەتتىك جەلىدە كوپشىلىكتىڭ نازارىن اۋدارعان ماسەلە قۇقىق قورعاۋ ورگاندارىنىڭ ايرىقشا باقىلاۋىندا بولۋ كەرەكتىگىن جەتكىزدى. مۇنداي جاعدايدا وبلىستىق ءبىلىم باسقارماسى مەن قالا، اۋدان اكىمدىكتەرى بادامشا وقيعاسىنىڭ قايتالانباۋى ءۇشىن ءتيىستى ءىس-شارالار كەشەنىن بەلگىلەگەنى ءجون. سوندىقتان دا قازىرگى كۇنى وبلىستىڭ بارلىق مەكتەپتەرى مەن مەكتەپكە دەيىنگى بالالار مەكەمەلەرىندە قاجەتتى شارالار قابىلدانۋ ۇستىندە.

اقتوبە وبلىستىق پوليتسيا دەپارتامەنتى بۇگىنگى بولعان وقيعانىڭ مان-جايىن ناقتىلاۋ جۇمىستارىن جۇرگىزۋدە. وسىعان وراي قىلمىستىق كودەكسىنىڭ «كامەلەتكە تولماعانداردى تاربيەلەۋ تۋرالى مىندەتتەمەسىن ورىنداماۋ» تۋرالى 140-بابىنىڭ 2-بولىگى بويىنشا الدىن الا تەرگەۋ جۇمىستارى باستالعان. دەمارتامەنت پەن وبلىس اكىمىنىڭ ءباسپاسوز قىزمەتىنەن تۇسكەن حابار وسىنداي.

تەمىر قۇسايىن،

«ەگەمەن قازاقستان»

اقتوبە وبلىسى

 

سوڭعى جاڭالىقتار

مەشىتتە بەتپەردە تسەحى اشىلدى

ايماقتار • بۇگىن، 07:35

اۋدان ءومىرىنىڭ ايناسى

ايماقتار • بۇگىن، 07:27

ارمان الاسارماسىن

رۋحانيات • بۇگىن، 07:22

ديقان ديزەلدى تومەن باعاعا الادى

ەكونوميكا • بۇگىن، 07:11

كوروناۆيرۋسسىز قوستاناي

ايماقتار • كەشە

ۇقساس جاڭالىقتار