قازاقستان • 05 ناۋرىز، 2019

رومان سكليار: 2015 جىلدان بەرى جەلىلەردىڭ توزۋى 67%-تەن 57%-كە دەيىن تومەندەدى

836 رەتكورسەتىلدى

«نۇرلى جول» ينفراقۇرىلىمدى دامىتۋدىڭ 2015–2019 جىلدارعا ارنالعان مەملەكەتتىك باعدارلاماسىن ىسكە اسىرۋ بارىسى تۋرالى ۇكىمەت وتىرىسى ءوتىپ جاتىر. وندا يندۋستريا جانە ينفراقۇرىلىمدىق دامۋ ءمينيسترى رومان سكليار جىلۋمەن، سۋمەن جابدىقتاۋ جۇيەلەرىن جاڭعىرتۋ سالاسىندا بيۋدجەتتىك كرەديتتەۋ جانە سۋبسيديالاۋ مەحانيزمدەرى ىسكە اسىرىلىپ جاتقانىن سوز ەتتى.

«مەملەكەتتىك باعدارلاما باستالعالى بەرى (2015-2018 جىلدارى) 230 ملرد تەڭگەنىڭ 404 جوباسى ىسكە اسىرىلدى. 3 259 كيلومەتر 700 مەتر جىلۋمەن، سۋمەن جابدىقتاۋ جانە سۋ تارتۋ جەلىلەرى، 24 قازاندىق، 71 باسقا قۇرىلىس نىساندارى سالىندى»، دەدى رومان سكليار.

ونىڭ ايتۋىنشا، قابىلدانعان شارالاردىڭ ناتيجەسىندە 2015 جىلدان بەرى جەلىلەردىڭ توزۋى 67%-تەن 57%-كە دەيىن تومەندەگەن.

«2019 جىلى 175 كيلومەتر ينجەنەرلىك جەلىنى (41 كم جىلۋ جەلىلەرى، 135 كم سۋمەن جابدىقتاۋ جانە سۋ بۇرۋ جەلىلەرى، سونداي-اق 3 بىرلىك باسقا وبەكتىلەر) قايتا جاڭعىرتۋعا جانە سالۋعا 37 ميلليارد 9 ميلليون تەڭگە كوزدەلگەن» دەدى مينيستر.

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار