قازاقستان • 05 ناۋرىز، 2019

2025 جىلعا دەيىن جەرگىلىكتى ماڭىزى بار اۆتوجولداردىڭ 95%-نىڭ جاعدايى جاقسارتىلماق

840 رەتكورسەتىلدى

باسەكەگە قابىلەتتىلىك گلوبالدى يندەكسىندە اۆتوموبيل جولدارى جاعدايىنىڭ رەيتينگى ستاتيستيكالىق كورسەتكىشتەرى بويىنشا 59-ورىندا. بۇل تۋرالى ۇكىمەت وتىرىسىندا يندۋستريا جانە ينفراقۇرىلىمدىق دامۋ ءمينيسترى ر.سكليار «نۇرلى جول» مەملەكەتتىك باعدارلاماسىن جۇزەگە اسىرۋ بارىسى تۋرالى بايانداماسىندا مالىمدەدى.

ءمينيستردىڭ ايتۋىنشا، ارنايى ساۋالناما ناتيجەسىندە حالىقتىڭ جەرگىلىكتى جەلىدەگى جولداردىڭ جاعدايىنا قاناعاتتانۋ دەڭگەيى 106-شى ورىندا تۇر.

«وسىعان بايلانىستى، ايماقارالىق ينفراقۇرىلىمدى جۇيەلىك دامىتۋ بويىنشا مەملەكەت باسشىسىنىڭ تاپسىرماسىن ورىنداۋ ماقساتىندا جەرگىلىكتى جەلىدەگى اۆتوجولداردى قارجىلاندىرۋ 2018 جىلى پاريتەتتىك نەگىزدە 156 ملرد. تەڭگەگە دەيىن جەتكىزىلدى، ول 4 مىڭ شاقىرىمنان استام جولدى جوندەۋگە مۇمكىندىك بەردى.

بيىلدان باستاپ قىمبات كۇردەلى جوبالاردان سۋىق رەسايكلينگ ءادىسى بويىنشا ۇنەمدى ورتاشا جوندەۋگە وتەمىز.

جەرگىلىكتى جەلى جولدارىن دامىتۋعا قوسىمشا قارجى بولۋگە قاتىستى مەملەكەت باسشىسىنىڭ «نۇر وتان» پارتياسىنىڭ سەزىندە بەرگەن تاپسىرماسىن ورىنداۋ اياسىندا قارجىلاندىرۋ جىل سايىن 200 ميلليارد تەڭگەگە ارتاتىن بولادى» دەدى ول.

وسىنداي قارقىن كەلەسى جىلداردا دا ساقتالماق. بۇل 2025 جىلعا دەيىن شامامەن 35 مىڭ شاقىرىم جولدى جوندەۋگە جانە 95% جەرگىلىكتى ماڭىزى بار اۆتوجولداردىڭ جاعدايىن جاقسارتۋعا مۇمكىندىك بەرەدى ەكەن.

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

ۇقساس جاڭالىقتار