سپورت • 05 ناۋرىز، 2019

«سارىارقا» كەلەسى كەزەڭگە شىقتى

748 رەتكورسەتىلدى

جوعارى حوككەي ليگاسىندا (جحل) ونەر كورسەتىپ جۇرگەن قاراعاندىنىڭ «سارىارقا» كلۋبى پلەي-وفف دوداسىنىڭ شيرەك فينالىنىڭ جولداماسىنا يەلىك ەتتىك. 

وسى مەجەدەگى سوڭعى ويىنىن ءوز مۇز ايدىنىندا وتكىزگەن جەرلەستەرىمىز حانتى-مانسيسكىنىڭ «يۋگراسىن» 4:1 ەسەبىمەن ۇتتى. بۇل باسەكەدە قاراعاندىلىق ويىنشىلار اراسىنان پاۆەل ماحانوۆسكي، ارتۋر سارۆاروۆ، كيريلل تامبيەۆ جانە ارتۋر زيازوۆ مەرگەندىك تانىتتى. تاعى ءبىر ايتا كەتەرلىك جايت، تامبيەۆ بۇل ماتچتا تەك گول عانا سوعىپ قانا قويماي، ءوز ارىپتەستەرىنە ءۇش رەت ناتيجەلى پاس بەردى.

بۇعان دەيىن «سارىارقا» ايتۋلى كوماندانى ەكى مارتە ۇتقان بولاتىن. قوناقتا وتكەن قوس ويىن 2:1 (وۆەرتايم) جانە 3:2 ەسەپتەرىمەن قاراعاندىلىقتاردىڭ پايداسىنان شەشىلگەن ەدى. ال سوڭعى كەزدەسۋدەگى جەڭىستەن سوڭ جەرلەستەرمىز شيرەك فينالعا جولداما الدى.

 عالىم سۇلەيمەن،

«Egemen Qazaqstan»

سوڭعى جاڭالىقتار

ۇقساس جاڭالىقتار