قازاقستان • 04 ناۋرىز، 2019

بۇۇ-نىڭ قاۋىپسىزدىك كەڭەسىندەگى قىزمەتىنىڭ نەگىزگى قورىتىندىلارى قارالدى

945 رەتكورسەتىلدى

بۇگىن ماجىلىستە «قازاقستان رەسپۋبليكاسىنىڭ 2017 - 2018 جىلدارى بۇۇ-نىڭ قاۋىپسىزدىك كەڭەسىندەگى قىزمەتىنىڭ نەگىزگى قورىتىندىلارى» تاقىرىبىندا ۇكىمەت ساعاتى ءوتتى. بۇل تۋرالى ءماجىلىستىڭ ءباسپاسوز قىزمەتى حابارلادى. 

وتىرىستى جۇرگىزگەن ءماجىلىس توراعاسىنىڭ ورىنباسارى ۆ. بوجكو ءبىرىنشى كەزەكتە تاۋەلسىزدىك جىلدارى ەلباسى نۇرسۇلتان ءابىش ۇلى نازارباەۆتىڭ حالىقارالىق ءومىردىڭ بارلىق سالاسىن قامتيتىن، ەلىمىزدىڭ الەم مەن ادامزات تاعدىرىنا تەرەڭ الاڭداۋشىلىعىن بىلدىرەتىن ستراتەگيالىق ماڭىزدى بىرقاتار سىرتقى ساياسي باستامامەن ءسوز سويلەگەنىن ەرەكشە اتاپ ءوتتى.

وتىرىستا سىرتقى ىستەر ءمينيسترى بەيبىت اتامقۇلوۆ قازاقستان رەسپۋبليكاسىنىڭ 2017 - 2018 جىلدارى بۇۇ-نىڭ قاۋىپسىزدىك كەڭەسىندەگى قىزمەتىنىڭ نەگىزگى قورىتىندىلارى تۋرالى كەڭىنەن باياندادى. قازاقستان رەسپۋبليكاسىنىڭ پرەزيدەنتى ن.ءا. نازارباەۆتىڭ كەڭەس مۇشەلەرىنە ارناعان «قاۋىپسىز، ءادىل جانە وركەندەگەن الەم قۇرۋ ءۇشىن جاھاندىق ارىپتەستىكتى نىعايتۋ جونىندەگى قازاقستاننىڭ تۇجىرىمدامالىق كوزقاراسى» اتتى ساياسي ۇندەۋىن تولىققاندى ىسكە اسىرۋ ماقساتىنا قۇرىلعان جۇمىستار تۋرالى بايانداعان مينيستر قازاقستان ءوز ميسسياسىن ابىرويمەن ورىنداعانىن نىق سەنىممەن ايتتى. سونىمەگن قاتار، ءبىزدىڭ قاۋىپسىزدىك كەڭەسىنە مۇشەلىگىمىز جاھاندىق ساياسي پروتسەستەردەگى شيەلەنىستەردىڭ بۇرىن-سوندى بولماعان دەڭگەيىنە جانە الەمدىك دەرجاۆالاردىڭ اراسىنداعى قايشىلىقتاردىڭ اسقىنۋى كەزەڭىنە ءدوپ كەلدى.

بىرىككەن ۇلتتار ۇيىمىنىڭ قاۋىپسىزدىك كەڭەسى قابىرعالارىنداعى سترەسس تەستەر ەلباسىنىڭ سىرتقى ساياساتتاعى باعىتىنىڭ ستراتەگيالىق دۇرىستىعى مەن سىندارلىلىعىنىڭ تاعى ءبىر رەت راستاعانىنا كۇمانىم جوق. پراگماتيزم قاعيداتتارىنا حالىقارالىق بەيبىتشىلىك پەن قاۋىپسىزدىكتى نىعايتۋ ماقساتىندا ءوزارا ءتيىمدى ىمىرانى ىزدەۋگە باعىتتالعان تەڭگەرىمدى جانە بەيبىتسۇيگىش سىرتقى ساياساتىمىز مەملەكەتىمىزدىڭ ستراتەگيالىق جاعىنان ساۋاتتى كورسەتۋگە مۇمكىندىك بەردى. ارىپتەستىكتى، ونىڭ ىشىندە يادرولىق دەرجاۆالار مەن ارىپتەستىكتى جاڭا قىرلارىمەن بايىتتى. مەملەكەتىمىزدىڭ ساياسي بەدەلىن كۇشەيتتى. سونداي-اق، ەلباسىنىڭ توراعالىعىمەن وتكىزىلگەن «جاپپاي قىرىپ-جويۋ قارۋىن تاراتپاۋ: سەنىم شارالارى» تاقىرىبىنداعى جوعارى دەڭگەيلى بريفينگ ءبىزدىڭ قاۋىپسىزدىك كەڭەسىندەگى جۇمىسىمىزدىڭ شارىقتاۋى بولدى. قازاقستاننىڭ تاجىريبەسى نەگىزىندە نۇرسۇلتان ءابىش ۇلى نازارباەۆ ءوز ءسوزىن يادرولىق قارۋدى تاراتپاۋ رەجيمىن نىعايتۋعا سەنىمنىڭ ەرەكشە ءرولىن دە ارناۋعا شەشىم قابىلداپ، سول ارقىلى يادرولىق قارۋدان ازات الەمنىڭ ستراتەگيالىق ماقساتىنىڭ قولجەتىمدىلىگىن اتاپ كورسەتتى. قازاقستان باسشىسى توراعالىق ەتكەن وتىرىس ءوزارا تۇسىنىستىك اتموسفەراسىندا وتكەن جانە كورەي تۇبەگىندەگى جاعدايدى قوسا العاندا، وسى زامانعى وزەكتى سىن تەگەۋىرىندەردى ساپالىق جاعىنان جاڭا تۇرعىدا قاراۋعا مۇمكىندىك بەرگەن قاۋىپسىزدىك كەڭەسىنىڭ ازداعان ءىس-شارالارىنىڭ ءبىرى بولدى.

تۇتاستاي العاندا بىرىككەن ۇلتتار ۇيىمىنىڭ قاۋىپسىزدىك كەڭەسىنە تۇراقتى ەمەس مۇشەلىگىمىز ەلىمىزدىڭ بەلسەندى جانە جاۋاپتى حالىقارالىق ويىنشى رەتىندەگى بەدەلىن نىعايتۋعا، قاۋىپسىزدىك سالاسىنداعى حالىقارالىق ىنتىماقتاستىقتى دامىتۋعا، وڭىرلىك ماسەلەلەردىڭ شەشىمىن تابۋعا جاڭا ەكپىن بەرۋگە، بىرەگەي پراكتيكالىق تاجىريبە نەگىزىندە وتاندىق ديپلوماتيانىڭ كاسىبيلىگىن ساپالىق جاڭا دەڭگەيگە شىعارۋعا، ماماندارىمىزدى بىرىككەن ۇلتتار ۇيىمىنىڭ قۇرىلىمىنا ىلگەرىلەتۋگە، ماڭىزدى حالىقارالىق پروبلەمالار جونىندەگى جەدەل اقپاراتقا قول جەتىمدىلىك الۋعا مۇمكىندىك بەردى. وتىرىستا قوسامشا بايانداما جاساعان ءماجىلىستىڭ حالىقارالىق ىستەر، قورعانىس جانە قاۋىپسىزدىك كوميتەتىنىڭ توراعاسى م.ەرمان قازاقستانداعى 2017-2018 جىلدارداعى بۇۇ قاۋىپسىزدىك كەڭەسىنىڭ جۇمىسىنىڭ ناتيجەلەرىنەن تۋىندايتىن بىرقاتار ماڭىزدى اسپەكتىگە توقتالدى.

قاۋىپسىزدىك كەڭەسىنە مۇشە بولعان قازاقستاننىڭ الدىنان كوپتەگەن جاھاندىق جانە وڭىرلىك پروبلەمانى شەشۋدىڭ، سونداي-اق قازىرگى الەمنىڭ اسا ىقپالدى ەلدەرى قاۋىپسىزدىك كەڭەسىنىڭ تۇراقتى مۇشەلەرىمەن ءوزارا قارىم-قاتىناستاردى ساپالى جۇرگىزۋدىڭ جاڭا مۇمكىندىكتەرىنە جول اشىلدى. جانە ەڭ ماڭىزدىسى، ءبىز بۇل مۇمكىندىكتەردى تولىق قولدانا الدىق، - دەدى م. ەرمان.

ۇكىمەت ساعاتىنىڭ قورىتىندىسى بويىنشا دەپۋتاتتار 2017-2018 ج.ج. بۇۇ قاۋىپسىزدىك كەڭەسىنە قازاقستاننىڭ تۇراقتى ەمەس مۇشەلىگى شەڭبەرىندە سىرتقى ساياسي باستامالاردى جۇزەگە اسىرۋدا سىرتقى ىستەر مينيسترلىگىنىڭ جانە باسقا دا مەملەكەتتىك ورگانداردىڭ جۇمىسىنا وڭ باعا بەردى.

سوڭعى جاڭالىقتار

تويدىڭ سوڭى توپىرلاعان اۋرۋ

ايماقتار • بۇگىن، 10:22

ۇعىنا بىلگەنگە – ۇلت تاعدىرى

ساياسات • بۇگىن، 06:57

كوڭىلگە مەدەت بولعان ماقالا

رۋحانيات • بۇگىن، 06:56

54 ادام جازىلىپ شىقتى

كوروناۆيرۋس • بۇگىن، 06:39

ەل بولىپ ەڭسەرەمىز

ساياسات • بۇگىن، 06:20

بۋمەرانگ

رۋحانيات • بۇگىن، 05:54

قورعاۋشىلارعا دا قولداۋ قاجەت

ايماقتار • بۇگىن، 05:46

تويدىڭ سوڭى توپىرلاعان سىرقات

ايماقتار • بۇگىن، 05:43

اقيرەكتە – ارىستان باب...

تانىم • بۇگىن، 05:33

تەاتردىڭ ونلاين تارتۋى

رۋحانيات • كەشە

ۇقساس جاڭالىقتار