قازاقستان • 04 ناۋرىز، 2019

قاراعاندىعا قارا قاسقىردى سىيعا تارتتى

1491 رەتكورسەتىلدى

قاراعاندىنىڭ حايۋاناتتار باعى كانادالىق قارا قاسقىرمەن جانە مايمىلدىڭ ەرگەجەيلى يگرۋنكا دەگەن تۇرىمەن تولىقتى. بۇلاردىڭ ەكەۋى دە رەسەيدىڭ ءنوۆوسىبىر قالاسىنان جەتكىزىلگەن: قاسقىردى جەرگىلىكتى حايۋاناتتار باعى سىيعا تارتسا، مايمىل ساتىپ الىندى.

قاراعاندىداعى حايۋاناتتار باعىندا ۆيليا ەسىمدى ۇرعاشى ينگرۋنكا بار ەكەن. ول سەگىز جىلعا جۋىق ۋاقىت جالعىز ءوزى ءومىر ءسۇرىپ كەلگەن. ەندى ونىڭ نوۆوسىبىردەن كەلگەن ميگەل ەسىمدى دوسى پايدا بولدى.

 – ميگەلدىڭ جاسى بىرگە تولدى، ءوزى وتە شيراق. ەكىگە تولعانىندا جىنىستىق قابىلەتى دامي باستايدى. ءساتىن سالسا، بۇلاردان ۇرپاق الامىز با دەگەن ويىمىز بار، – دەيدى مايمىل جانە اكۆاريۋم زالى ءبولىمىنىڭ مەڭگەرۋشىسى ەلەنا موروزوۆا.

 جالپى، مايمىلدىڭ بۇل ءتۇرى برازيليادا مەكەن ەتەدى ەكەن. ون بەسكە دەيىن مايمىلدان تۇراتىن ۇيىردە ءبىر عانا جۇپ ومىرگە ۇرپاق اكەلەتىن كورىنەدى. بۇل مايمىلدىڭ بالالارى ءۇش ايعا دەيىن سۇتپەن قورەكتەنىپ، ودان كەيىن بارىپ قۇرت-قۇمىرسقاعا كوشەدى، دەيدى ماماندار.

كانادا قارا قاسقىرىنىڭ سىيعا كەلگەن ۇرعاشىسى وسىنداعى حايۋاناتتار باعىن جەتى جىل جالعىز مەكەن ەتكەن تۇقىمداسىمەن وداق قۇردى. ەكەۋىنىڭ قازىر جۇبى جازىلمايدى. بۇلار دا ومىرگە ۇرپاق اكەلەدى دەگەن ۇمىتتەگى حايۋاناتتار باعى قىزمەتكەرلەرىنىڭ قۋانىشىندا شەك جوق.

 

قايرات ءابىلدا،

«ەگەمەن قازاقستان»

قاراعاندى

 

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار