قازاقستان • 04 ناۋرىز، 2019

شىمكەنتتە كوممۋنالدىق تاريفتەر تومەندەتىلدى

833 رەتكورسەتىلدى

مەملەكەت باسشىسى نۇرسۇلتان نازارباەۆتىڭ  وتكەن جىلى  7 قاراشاداعى قاۋىپسىزدىك كەڭەسىندە بەرگەن تاپسىرمالارىن ورىنداۋ بويىنشا 2019 جىلدىڭ 1 قاڭتارىنان باستاپ شىمكەنت قالاسىندا بارلىق كوممۋنالدىق قىزمەتتەر تاريفتەرى تومەندەتىلدى. الايدا، ءار اي سايىنعى كوممۋنالدىق تولەم تۇبىرتەكتەرىنە شامادان تىس تولەم قوسىپ شىعاراتىن مونوپوليست مەكەمەلەردىڭ جاۋاپسىز قىزمەتىنە قالا تۇرعىندارى ءالى دە كوڭىلى تولماي وتىر.

قالا تۇرعىندارى قاڭتار ايىنا ارنالعان تۇبىرتەكتەردە كوممۋنالدىق قىزمەتتەر تاريفتەرىنىڭ تومەندەگەنىن كورە الادى. 2018 جىلدىڭ جەلتوقسان ايىنىڭ تۇبىرتەكتەرىمەن سالىستىرعاندا بيىل قاڭتار ايىنىڭ تۇبىرتەكتەرىندەگى كورسەتىلەتىن قىزمەتتەردىڭ 1 شارتتى بىرلىگىنە تاريفتەر مىناداي دەڭگەيدە تومەندەتىلگەن.  

شىمكەنتتەگى «قۋاتجىلۋورتالىق-3» مكك–نىڭ جىلۋمەن جابدىقتاۋ بويىنشا ورتاشا ءتاريفى تۇرعىندارعا 1 گكال ءۇشىن 6055،48 تەڭگەدەن 4910،28 تەڭگەگە نەمەسە 18،9 پايىزعا، سونىمەن قاتار ەسەپتەۋىش قۇرالدارى جوق تۇرعىندار ءۇشىن 1 شارشى مەترگە 142،31 تەڭگەدەن 110،78 تەڭگەگە نەمەسە 22،16 پايىزعا تومەندەدى. ال، توزىعى جەتكەن ۇيلەردە 1 شارشى مەترگە 118،58 تەڭگەدەن 92،31 تەڭگەگە نەمەسە 22،15 پايىزعا ارزانداعان. زاڭدى تۇلعالار ءۇشىن ورتاشا تاريف 1 گكال ءۇشىن 17319،26 تەڭگەدەن 15587،34 تەڭگەگە نەمەسە 10 پايىزعا تومەندەگەن.

سونىمەن قاتار سۋمەن جابدىقتاۋ بويىنشا «سۋ رەسۋرستارى-ماركەتينگ» جشس-ءنىڭ ءتاريفى تۇرعىندارعا 1 م3 ءۇشىن 97،97 تەڭگەدەن 88،17 تەڭگەگە نەمەسە، ال زاڭدى تۇلعالارعا 1 م3 ءۇشىن 333،96 تەڭگەدەن 300،56 تەڭگەگە تومەندەدى. سۋدى بۇرۋ بويىنشا تاريف تۇرعىندارعا 1 م3 ءۇشىن 39،03 تەڭگەدەن 35،13 تەڭگەگە، زاڭدى تۇلعالارعا 1 م3 ءۇشىن 170،26 تەڭگەدەن 153،24 تەڭگەگە تومەندەدى.

قالادا گازبەن جابدىقتاۋ بويىنشا تاريف قۇنى نەبارى 2 تەڭگەگە تومەندەگەن. الايدا شاھار تۇرعىندارىنىڭ «قازترانسگازايماق» اق ءشوف-نىڭ قىزمەت كورسەتۋىنە ۇنەمى سىن ايتىپ كەلەدى. 

«ەنەرگوپوتوك» جشس-ءنىڭ ەلەكتر ەنەرگياسىمەن جابدىقتاۋ بويىنشا ءتاريفى دە بولماشى تيىن عانا تومەندەگەن. اتاپ ايتار بولساق، ەلەكتر پليتالارىن پايدالاناتىن تۇرعىندار ءۇشىن 1 كۆت.ساعاتقا 110 كۆت/ساع-قا دەيىن – 12،9360 تەڭگەدەن 12،0512 تەڭگەگە، 110 -نان 170 كۆت/ساع-قا دەيىن - 18،8720 تەڭگەدەن 17،5840 تەڭگەگە، 170 كۆت/ساع-تان جوعارى - 23،5872 تەڭگەدەن 21،9744 تەڭگەگە تومەندەگەن.

ەلەكتر پليتالارىن پايدالانبايتىن تۇرعىندار ءۇشىن 1 كۆت.ساعاتقا 70 كۆت/ساع-قا دەيىن – 14،4816 تەڭگەدەن 13،4960 تەڭگەگە، 70 -تەن 140 كۆت/ساع-قا دەيىن - 18،8720 تەڭگەدەن 17،5840 تەڭگەگە، 140 كۆت/ساع-تان جوعارى - 23،5872 تەڭگەدەن 21،9744 تەڭگەگە ارزانداعان.

نۇرشات توكەن،

«Egemen Qazaqstan»

شىمكەنت

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ۇقساس جاڭالىقتار