ۇكىمەت • 04 ناۋرىز، 2019

ۆيتسە-پرەمەرلەر مەن كەڭسە باسشىسىنىڭ اراسىنداعى مىندەتتەر ءبولىندى

838 رەتكورسەتىلدى

قر پرەمەر-ءمينيسترى اسقار مامين «پرەمەر-ءمينيستردىڭ، پرەمەر-ءمينيستردىڭ ورىنباسارلارىنىڭ جانە قازاقستان رەسپۋبليكاسى پرەمەر-ءمينيسترى كەڭسەسىنىڭ باسشىسىنىڭ اراسىندا مىندەتتەردى ءبولۋ تۋرالى» وكىمگە قول قويدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى. 

 

پرەمەر-ءمينيستردىڭ جەتەكشىلىگىنە - ەكونوميكالىق، قارجىلىق، قازىنالىق جانە كەدەن ساياساتى، مەملەكەتتىك بيۋدجەتكە قاتىستى ستراتەگيالىق ماسەلەلەر، مەملەكەتارالىق قارىم-قاتىناستار مەن حالىقارالىق ىنتىماقتاستىق، شەتەلدىك ينۆەستيتسيالار تارتۋ جانە ينۆەستيتسيالىق احۋالدى جاقسارتۋ، مەملەكەتتىك اكتيۆتەردى باسقارۋ ماسەلەلەرى كىرەدى.

سونىمەن قاتار مىندەتتەر قاتارىنا قورعانىس-ونەركاسىپ كەشەنى، عارىش قىزمەتى، تۋريزم، بايلانىس، سالالاردى تسيفرلاندىرۋ جانە تسيفرلىق ەكونوميكانى دامىتۋ، مەملەكەتتىك ورگانداردىڭ اكىمشىلىك رەفورمالارىن ىسكە اسىرۋ جانە باسقالارى كىرەدى. پرەمەر-ءمينيستردىڭ ءبىرىنشى ورىنباسارى ءا. سمايىلوۆتىڭ قىزمەت سالاسىنا قارجى سەكتورىنىڭ، ماكروەكونوميكالىق ساياسات، بيۋدجەت، سالىق جانە كەدەن ساياساتى، مەملەكەتتىك جوسپارلاۋ جۇيەسى، ساۋدا ساياساتى، شاعىن جانە ورتا كاسىپكەرلىكتى دامىتۋ ماسەلەلەرى كىرەدى. ءا. سمايىلوۆتىڭ قۇزىرەتىنە سونىمەن قاتار مەملەكەتتىك-جەكەمەنشىك ارىپتەستىكتى دامىتۋ ماسەلەلەرى، ونىڭ ىشىندە كونتسەسسيالار، تابيعي مونوپوليالاردى رەتتەۋ، باسەكەلەستىكتى دامىتۋ جانە تۇتىنۋشىلاردىڭ قۇقىعىن قورعاۋ، تاريف ساياساتى جانە باسقالارى كىرەدى.

پرەمەر-ءمينيستردىڭ ورىنباسارى گ. ابدىقالىقوۆاعا ءبىلىم مەن عىلىمدى دامىتۋ، دەنساۋلىق ساقتاۋ، الەۋمەتتىك ساياسات جانە جاڭعىرتۋ، جۇمىسپەن قامتۋ، مەملەكەت پەن ازاماتتىق قوعامنىڭ ارەكەتتەستىگى، مەملەكەتتىك جاستار جانە وتباسى ساياساتى، رۋحاني جاڭعىرۋ، كونفەسسياارالىق جانە ەتنوسارالىق كەلىسىمدى قامتاماسىز ەتۋ، مادەنيەت جانە سپورتتى دامىتۋ جانە باسقالارى جۇكتەلدى. پرەمەر-ءمينيستردىڭ ورىنباسارى ج. قاسىمبەك ەكونوميكانى جانە وڭىرلىك ساياساتتى جەدەل باسقارۋ، كولىك ينفراقۇرىلىمىن جانە لوگيستيكانى دامىتۋ، قۇرىلىس جانە تۇرعىن ءۇي-كوممۋنالدىق شارۋاشىلىعىن جاڭعىرتۋ، ەنەرگيا ۇنەمدەۋدى دامىتۋ جانە جاڭارتىلاتىن ەنەرگيا كوزدەرىنىڭ ەنەرگيا تيىمدىلىگىن ارتتىرۋ، كومىر ونەركاسىبى، اتوم ونەركاسىبى جانە يادرولىق ەنەرگەتيكا ماسەلەلەرىن ۇيلەستىرەدى. ونىڭ مىندەتتەرىنىڭ قاتارىنا سونىمەن قاتار ونەركاسىپتى دامىتۋ، يننوۆاتسيالار، تەحنيكالىق رەتتەۋ، ەلەكتر ەنەرگەتيكاسى، گەولوگيا جانە جەر قويناۋىن پايدالانۋ، مۇناي حيمياسى جانە ەكسپورتتىق باقىلاۋ، التىن ءوندىرۋ سالاسى، تاۋارلاردى ساتىپ الۋ كەزىندە قازاقستاندىق قامتۋ ۇلەسىن ارتتىرۋ بويىنشا مەملەكەتتىك ساياساتتى ىسكە اسىرۋ، توتەنشە جاعدايلار جانە جۇمىستى جۇمىلدىرۋ، جىلىتۋ ماۋسىمىنا ازىرلىك جانە ونى وتكىزۋ جانە باسقالارى كىرەدى.

پرەمەر-مينيستر كەڭسەسىنىڭ باسشىسى د. كالەتاەۆ پرەمەر-ءمينيستردىڭ جانە ۇكىمەتتىڭ قىزمەتىن اقپاراتتىق-ساراپتامالىق، قۇقىقتىق، ۇيىمداستىرۋشىلىق، حاتتامالىق، قۇجاتتىق، ماتەريالدىق-تەحنيكالىق جانە باسقا دا قامتاماسىز ەتۋگە جاۋاپتى. ونىڭ فۋنكتسيالارىنا سونىمەن قاتار ورتالىق جانە جەرگىلىكتى اتقارۋشى ورگانداردىڭ، ۆەدومستۆولاردىڭ جۇمىسىن ۇكىمەتتىڭ شەشىمدەرىن ازىرلەۋ جانە ولاردىڭ ورىندالۋىن ۇيىمداستىرۋ بويىنشا ۇيلەستىرۋ، مەملەكەتتىك جانە اتقارۋشىلىق ءتارتىپتى ورىنداۋ ماسەلەلەرى بويىنشا، مەملەكەتتىك قۇپيالاردى ساقتاۋ جانە اقپاراتتىق قاۋىپسىزدىكتى قامتاماسىز ەتۋ جانە باسقالارى كىرەدى.

سوڭعى جاڭالىقتار

ۇعىنا بىلگەنگە – ۇلت تاعدىرى

ساياسات • بۇگىن، 06:57

كوڭىلگە مەدەت بولعان ماقالا

رۋحانيات • بۇگىن، 06:56

54 ادام جازىلىپ شىقتى

كوروناۆيرۋس • بۇگىن، 06:39

ەل بولىپ ەڭسەرەمىز

ساياسات • بۇگىن، 06:20

بۋمەرانگ

رۋحانيات • بۇگىن، 05:54

قورعاۋشىلارعا دا قولداۋ قاجەت

ايماقتار • بۇگىن، 05:46

تويدىڭ سوڭى توپىرلاعان سىرقات

ايماقتار • بۇگىن، 05:43

اقيرەكتە – ارىستان باب...

تانىم • بۇگىن، 05:33

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار