ايماقتار • 04 ناۋرىز، 2019

«باتىس» بارلاۋشىلارى ءۇندىستاندا وتەتىن حالىقارالىق ارميا ويىندارىنا دايىندالۋدا

893 رەتكورسەتىلدى

«باتىس» وڭىرلىك قولباسشىلىعىنىڭ «قاراباتان» وقۋ-جاتتىعۋ پوليگونىندا ارميالىق حالىقارالىق ويىندارى – 2019 باعدارلاماسىنا كىرەتىن «اسكەري بارلاۋ ۇزدىكتەرى» بايقاۋىنىڭ ىرىكتەۋ كەزەڭى وتۋدە.

ىرىكتەۋ كەزەڭىندە وڭىرلىك قولباسشىلىقتىڭ نامىسىن قورعاۋ ءۇشىن اقتاۋ، اتىراۋ جانە اقتوبە گارنيزوندارىنان 12 اسكەري قىزمەتشىدەن 4 كوماندا تارتىسقا تۇسەدى. كوماندا قۇرامىنا توپ كومانديرى، اعا بارلاۋشى، ساپەر، مەرگەن، سانيتار، وقشاشارشى، اتقىش، گراناتااتقىش، بايلانىسشى، سونداي-اق رەزەرۆتەگى 2 اسكەري قىزمەتشى كىرەدى.

سايىس بارىسىندا بارلاۋشىلارعا 5 شاقىرىمدىق جۇگىرۋ ورىنداۋعا، «بارلاۋشىنىڭ سوقپاق جولى» كەدەرگىلەر كەشەنىنەن وتۋگە، ءجاجم جۇرگىزۋ ماشىقتارىن پاش ەتۋگە جانە ءارتۇرلى كىرىسپە مىندەتتەردى پىسىقتاۋعا، ونىڭ ىشىندە، شارتتى قارسىلاسقا تورۋىل ۇيىمداستىرۋعا تۋرا كەلەدى.

كونكۋرس تالاپتارىنا سايكەس، بارلاۋشىلار بارلىق كەدەرگىلەردى تولىق كيىم-كەشەكتە ەڭسەرۋلەرى ءتيىس. ونىڭ سالماعى شامامەن 25 كەلىنى قۇرايدى. بۇل قارۋ-جاراق، مينا-جارىلعىش جانە ينجەنەرلىك قۇرالدار، كيىم جانە مەديتسينالىق م ۇلىك، سونداي-اق ءبىر تاۋلىكتىك قۇرعاق ازىق.

بيىلعى جىلى «اسكەري بارلاۋ ۇزدىكتەرى» حالىقارالىق بايقاۋى ءۇندىستاننىڭ دجايسالمەر قالاسىندا وتەدى، ول ولكەدەگى سايىسقا ءشولدى جەردەگى تۇنگى بارلاۋ ەتاپىن قوسۋ ماسەلەسى دە قاراستىرىلۋدا. كەزەكتى V «ارمي-2019» حالىقارالىق ارميا ويىندارى 2019 جىلدىڭ 3-17 تامىز كۇندەرى وتەدى دەپ جوسپارلانعان. بيىل ويىندار ءازىربايجان، ارمەنيا، بەلارۋسيا، يران، ءۇندىستان، قازاقستان، قىتاي، مونعوليا، رەسەي جانە وزبەكستان سىندى10 مەملەكەتتىڭ اۋماعىنا وتەدى.

گۇلايىم شىنتەمىرقىزى،

«ەگەمەن قازاقستان»

ماڭعىستاۋ وبلىسى

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار