ايماقتار • 03 ناۋرىز، 2019

قوعامدىق دەرتكە قارسى ءىس-شارالار جۇرگىزىلۋدە

885 رەتكورسەتىلدى

بۇگىنگى كۇنى قر مەملەكەتتىك قىزمەت ىستەرى جانە سىبايلاس جەمقرولىققا قارسى ءىس-قيمىل اگەنتتىگىنىڭ اقتوبە وبلىسى بويىنشا دەپارتامەنتى ءوز قىزمەتتەرىن 4 باستى باعىت بويىنشا جۇرگىزىپ كەلەدى. ونىڭ ءبىرى ءوز اتاۋىنان كورىنىپ تۇرعانداي سىبايلاس جەمقورلىققا قارسى ءىس-شارالار كەشەنى. بۇل باعىتتا قوعامدىق دەرتتىڭ الدىن الۋعا باسىمدىق بەرىلگەن. وسى ورايدا ينۆەستورلاردى سىبايلاس جەمقورلىققا قارسى سۇيەمەلدەۋ مەن يكەمدەۋ جوباسىنىڭ ورنى ايىرىقشا دەۋگە بولادى.

         اقتوبە ايماعىندا اتالعان جوبانى ىسكە اسىرۋ مەرزىمى وتكەن 2018 جىلدىڭ شىلدە ايىنان بەرى قولعا الىنعان. مۇنداعى باستى ماقسات ينۆەستورلاردى سىبايلاس جەمقورلىق تاۋەكەلدەرىنەن جانە اكىمشىلىك كەدەرگىلەردەن قورعاۋ. قازىرگى كەزدە جوبانىڭ ءجۇرۋ بارىسى وڭ ناتيجەلەر كورسەتۋدە. بۇل وبلىس اكىمدىگى جانە «اقتوبە الەۋمەتتىك كاسىپكەرلىك كورپوراتسياسىمەن»، سونداي-اق «اتامەكەن» وبلىستىق كاسىپكەرلەر پالاتاسى ءارى «كازينۆەست» اق وبلىستىق بولىمشەسىمەن بىرلەسكەن ورتاق جوبا.

         ونىڭ ايتۋىنشا بۇگىنگى كۇنگە دەيىن دەپارتامەنت ۇجىمى ماماندارى كوتەرىلگەن ماسەلەگە وراي 24 ينۆەستيتسيالىق كومپانيامەن كەلىسىم جاساپ، جالپى سوماسى 4،2 تريلليون تەنگە قۇرايتىن قاراجاتتى مەملەكەت قورعاۋىنا العان. سونىمەن بىرگە اتالعان جوبا اياسىندا بۇگىنگى كۇنگە دەيىن 25 ارىز-شاعىمدار ءتۇسىپ، 23-ءى قىسقا مەرزىم ىشىندە ءوز شەشىمىن تاۋىپتى.

         سونداي-اق دەپارتامەنت جەتەكشىلەرىنىڭ باستاماسىمەن جانە «قازاقستان تەمىر جولى» اق مەن كولىكتى باقىلاۋ ينسپەكتسياسىنىڭ قاتىسۋى ارقىلى جۇرگىزىلگەن «ادال جول» جوباسىن ىسكە اسرىۋ بارىسىندا انىقتالعان تەرىس كورىنىستەر دە از ەمەس. بۇل رەتتە «بيلەتسىز ءجۇرىس جوق» بىرلەسكەن اكتسياسى ويعا ءبىرىنشى ورالادى. بۇعان قوعامدىق ۇيىمدار مەن جۇرتشىلىق وكىلدەرى دە كەڭىنەن تارتىلعان. وسى كەزدە الماتى-اتىراۋ، ماسكەۋ-تاشكەنت، تاشكەنت-ۋفا باعىتتارىنداعى پويىزدارعا بيلەتسىز وتىرعان جولاۋشىلار انىقتالىپتى. سوعان سايكەس 3 جولسەرىككە 7 ايلىق ەسەپتىك كورسەتكىش نەگىزىندە ايىپپۇلدار سالىنعان.

         بۇعان قوسا رەيدتىك تەكسەرۋلەر كەزىندە اقتوبە-ماڭعىستاۋ، اقتوبە –اتىراۋ جانە اقتوبە-الماتى باعىتىنداعى پويىزدار دا مۇمكىندىگى شەكتەۋلى جولاۋشىلار ءۇشىن قاجەتتى جاعداي تۋعىزىلماعانى دا بەلگىلى بولىپ وتىر. سوعان سايكەس اكىمشىلىك قۇقىق بۇزۋشىلىق تۋرالى قۇقىق تالاپتارى مەن باپتارى بويىنشا «جولاۋشىلار تاسىمالى» اق 35 ايلىقتىق ەسەپتىك كورسەتكىش نەگىزىندە ايىپپۇلعا تارتىلعان.

تەمىر قۇسايىن،

«Egemen Qazaqstan»

اقتوبە

سوڭعى جاڭالىقتار

تەاتردىڭ ونلاين تارتۋى

رۋحانيات • بۇگىن، 20:42

ءۇي جانۋارىنان ۆيرۋس جۇعا ما؟

كوروناۆيرۋس • بۇگىن، 18:39

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

ۇقساس جاڭالىقتار