قازاقستان • 03 ناۋرىز، 2019

سىر وڭىرىندە دومبىراعا ۇقساس كونە جادىگەر تابىلدى

787 رەتكورسەتىلدى

قىزىلوردالىق ارحەولوگ ءازىلحان تاجەكەەۆ سىر وڭىرىندەگى جەتىاسار قالاشىعىنان كەزىندە تابىلعان قازاقتىڭ مۋزىكالىق اسپابى - دومبىراعا ۇقسايتىن كونە جادىگەر تۋرالى جاريا ەتتى، دەپ حابارلايدى قازاقپارات ءتىلشىسى. 

سىر وڭىرىندە قانشاما قۇپيانى ىشىنە بۇككەن كونە شاھارلار از ەمەس. بۇگىنگى تاڭدا سول كيەلى مەكەندەردى عالىمدار تاراپىنان زەرتتەلىپ كەلەدى. مۇنداي عىلىمي زەرتتەۋلەر كەڭەس وداعى تۇسىندا دا جاسالدى. دەگەنمەن وندا جاسالعان كەيبىر جۇمىستار جۇرتشىلىق نازارىنان تىس قالىپ قويدى. «1973 جىلى قىزىلوردا وبلىسى اۋماعىندا حورەزم ەكسپەديتسياسى ارنايى زەرتتەۋ شارالارىن جۇرگىزدى. سول جۇمىستار بارىسىندا جەتىاساپ قالاشىعىندا دا قاجەتتى ءىس-شارالار اتقارىلدى. اتالمىش شارا بارىسىندا دومبىراعا ۇقسايتىن ۇقسايتىن دۇنيە كوزگە تۇسكەن. مەن بۇل جايىندا بىلتىر ءبىلدىم. ارحيۆتە قاجەتتى مالىمەتتەرگە كوز سالىپ وتىرعان ساتتە دومبىراعا ۇقسايتىن دۇنيە نازارىمدى ەرەكشە اۋداردى.  اسپاپتا قاسقىردىڭ سۋرەتى ويىلىپ سالىنعان. قازاق شەرتەر مەن دومبىرانىڭ قوسىندىسىن قوسساز دەپ اتايدى. تابىلعان اسپاپتىڭ ۇزىندىعى 65 سانتيمەترگە جۋىق. دەمەك، بۇل اسپاپ قوسساز دومبىرا بولۋى مۇمكىن جانە ونىڭ ەجەلگى تۇرلەرى بولعانىن دالەلدەيدى. اسپاپ ءبىزدىڭ زامانداعى ءتورتىنشى عاسىرعا جاتادى. ەگەر وسى دەرەكتى ناقتىلاي الساق، سىر وڭىرىندە دومبىرانىڭ ەجەلگى نۇسقاسى تابىلدى دەگەن ءسوز. ونى بابادومبىرا اتاۋعا نەگىز بار»، - قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىӊ قازاقستان تاريحى كافەدراسىنىӊ اعا وقىتۋشىسى، «ارحەولوگيا جانە ەتنوگرافيا» عىلىمي-زەرتتەۋ ورتالىعىنىӊ جەتەكشىسى، PhD دوكتورانتى ءازىلحان تاجەكەەۆ.

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ۇقساس جاڭالىقتار