قازاقستان • 02 ناۋرىز، 2019

قازاقستاندىق ديپلومات يىۇ باس حاتشىسىنىڭ ورىنباسارى رەتىندە انت بەردى

548 رەت كورسەتىلدى

بۇگىن، 2019 جىلعى 2 ناۋرىزدا يسلام ىنتىماقتاستىعى ۇيىمىنىڭ سىرتقى ىستەر مينيسترلەرى كەڭەسىنىڭ 46-شى سەسسياسى بارىسىندا قازاقستاندىق ديپلومات اسقار مۋسينوۆ يىۇ باس حاتشىسىنىڭ ورىنباسارى رەتىندە انت بەردى. بۇل لاۋازىمدا ول يسلام الەمىندەگى عىلىم جانە تەxنولوگيالاردى دامىتۋ سالاسىنداعى ماسەلەلەرگە جاۋاپتى بولادى.

ا.مۋسينوۆ بانگلادەشتىڭ داككا قالاسىندا وتكەن يىۇ سىرتقى ىستەر مينيسترلەرىنىڭ 45-ءشى سەسسياسى بارىسىندا سايلاندى. ءبىزدىڭ ەلىمىزدىڭ تاريحىندا تۇڭعىش رەت قازاقستاندىق ديپلومات يىۇ-دا وسىنداي جوعارى لاۋازىمعا يە بولدى.

ءبىزدىڭ قۇرمەتتى ارىپتەسىمىزدى اسقار احمەت ۇلىن جوعارى لاۋازىمعا تاعايىندالۋىمەن قۇتتىقتايمىز.

اسقار مۋسينوۆ كادرلىق ديپلومات بولىپ تابىلادى، بۇرىن قازاقستان سىرتقى ىستەر مينيسترلىگىندە ءتۇرلى لاۋازىمداردا قىزمەت اتقاردى، قازاقستاننىڭ مىسىرداعى، ساۋد ارابياسىنداعى، بىرىككەن اراب امىرلىكتەرىندەگى ەلشىسى، سىرتقى ىستەر مينيسترلىگىنىڭ جاۋاپتى حاتشىسى جانە ءمينيستردىڭ ورىنباسارى بولدى.

سوڭعى جاڭالىقتار

ارالدا توتەنشە جاعداي جاريالانادى

ەكولوگيا • 18 ماۋسىم، 2021

ۇقساس جاڭالىقتار