ايماقتار • 02 ناۋرىز، 2019

ءاربىر الماتىلىقتىڭ تۇرعىن ءۇي قۇرىلىس جيناق بانكىندە شوتى بار

704 رەتكورسەتىلدى

 

قازىرگى ۋاقىتتا الماتى قالاسىنىڭ 186 214 تۇرعىنى بولاشاقتا ءۇيلى بولۋ ءۇشىن تۇرعىن ءۇي قۇرىلىس جيناق بانكىندە قاراجات جيناقتاۋدا. بۇگىندە ولاردىڭ شوتىنداعى قاراجات مولشەرى 108،8 ملرد تەڭگەنى قۇرايدى. جىل باسىنان بەرى 1 000 قالا تۇرعىنى قونىس تويلارىن اتاپ ءوتتى. ولاردىڭ اراسىندا الماتى قالاسىنىڭ تۇرعىنى كۇنىم ءالجانوۆا دا بار. زەينەتكەر تۇرعىن ءۇي قۇرىلىس جيناق بانكىنىڭ كومەگىمەن قاراجات جيناپ، ءوز نەمەرەسىنە استانا قالاسىندا پاتەر ساتىپ الدى.

وسىعان وراي، بۇگىن الماتى قالاسىندا تۇرعىن ءۇي قۇرىلىس جيناق بانكىنىڭ جاڭا مەكەنجاي بويىنشا ورنالاسقان بولىمشەسىنىڭ (شەۆچەنكو ك-ءسى، 155/6) اشىلۋ سالتاناتى بارىسىندا بانك قىزمەتكەرلەرى مەن سالىمشىلارى جاڭا پاتەر يەسىنىڭ قۋانىشىنا ورتاقتاسىپ، ءوز قۇتتىقتاۋلارىن جەتكىزدى.

–  مەنىڭ نەمەرەم قازىر 12 جاستا، ەندى ونىڭ استانادا ءوز باسپاناسى بار. التى جىلدان كەيىن ول مەكتەپ ءبىتىرىپ، استاناعا وقۋعا باراتىنى انىق.  ءدال سول كەزدە نەمەرەمنىڭ جەكە باسىندا ءوز پاتەرى بولاتىنىنا قۋانىشتىمىن. ونىڭ دەپوزيتىنە قاراجاتتى ول دۇنيەگە كەلگەن ساتتەن باستاپ سالا باستادىق. وسىلايشا، تۇرعىن ءۇي باعاسىنىڭ جارتىسىن جيناعاننان كەيىن، دەپوزيتتى ماماسىنا قايتا تابىستاپ، جەتپەگەن سوماسى بويىنشا جىلدىق 5 پايىزبەن تۇرعىن ءۇي زاەمىن الدىق. نەسيەنى ءبىز 6 جىل تولەيتىن بولامىز، –  دەپ قۋانىشىمەن بولىسەدى كۇنىم ءالجانوۆا.

اسىرەسە، قالا تۇرعىندارى تۇرعىن ءۇي قۇرىلىس جيناق بانكى ارقىلى ەكى بولمەلىك پاتەرلەردى كوبىرەك تاڭدايدى. قازىرگى ساتتە سالىمشىلار ء ۇشىن «نۇرلى جەر» باعدارلاماسى بويىنشا «سايالى» ىقشام اۋدانىندا تىكەلەي پاتەر ساتىپ الۋعا مۇمكىندىك تۋعان.

–  قازاقستاندىقتاردىڭ ىشىندە اسىرەسە الماتىلىقتار ءوز باسپانالارى ءۇشىن بەلسەندى تۇردە قاراجات جيناۋدا جانە سول ارقىلى قولجەتىمدى شارتتار بويىنشا زاەمدار الىپ وتىر. سول ءۇشىن ءبىز ارنايى الماتى قالاسىنىڭ ورتالىعى سانالاتىن المالى اۋدانىندا بانكتىڭ جاڭا بولىمشەسىن اشۋدى ءجون كوردىك. جاڭا بولىمشەگە كەلگەن قالا تۇرعىندارى ءۇشىن ەندى تولىقتاي قىزمەت تۇرلەرى ۇسىنىلادى. ولار دەپوزيت اشۋمەن قاتار، زاەمدى رەسىمدەپ، نەسيە الۋلارىنا بولادى. سونداي-اق، بولىمشەدە بانك مەنەدجەرلەرىنەن باسقانوتاريۋس تا قىزمەت كورسەتەدى. بۇل كليەنتتەردىڭ ۋاقىتتارىن ۇنەمدەۋگە جانە بارلىق قىزمەت تۇرلەرىن ءبىر جەردەن الۋعا مۇمكىندىك بەرەدى، –  دەيدى الماتى قالالىق فيليالىنىڭ ديرەكتورى گۇلزات سيمتيكوۆا.

سيمتيكوۆانىڭ ايتۋىنشا، زاەمنىڭ باسىم بولىگى – 94،1 پايىزى بانك كليەنتتەرىنە پاتەرلەر مەن جەكە ۇيلەر ساتىپ الۋعا، 4 پايىزى – جوندەۋ جۇمىستارىن جۇرگىزۋگە، 1،2 پايىزى ءۇي سالۋعا، تاعى 0،7 پايىزى جەر تەلىمىن ساتىپ الۋعا بەرىلەدى.

ايناش ەسالي،

«Egemen Qazaqstan»

الماتى

سوڭعى جاڭالىقتار

ۇقساس جاڭالىقتار