ايماقتار • 28 اقپان، 2019

تۇركىستان: بارلىق ەمحانادا كوپبالالى انالار ءۇشىن «اشىق ەسىك» كۇندەرى وتۋدە

396 رەتكورسەتىلدى

تۇركىستان وبلىسىنىڭ بارلىق اۋداندىق ەمحانالارىندا كوپبالالى انالارعا ارنالعان «اشىق ەسىك» كۇندەرى وتۋدە. اتالعان ءىس-شارا دەنساۋلىق ساقتاۋ مينيسترلىگى مەن تۇركىستان وبلىسى اكىمدىگىنىڭ ۇيىمداستىرۋىمەن قولعا الىندى. بۇل تۋرالى تۇكىستان وبلىسى اكىمىنىڭ ءباسپاسوز قىزمەتى حابارلادى.

«اشىق ەسىك» كۇندەرى اياسىندا دارىگەرلەر كوپبالالى انالاردى اقىسىز مەديتسينالىق تەكسەرۋدەن وتكىزىپ، مەديتسينالىق ساراپتامالاردان وتۋگە شاقىرادى. بۇعان دەيىن “اشىق ەسىك” كۇنى سارىاعاش، ارىس، شاردارا، تۇلكىباس، بايدىبەك اۋداندىق ورتالىق اۋرۋحانالارىنىڭ ەمحانا بولىمىندە ءوتتى. ەمدەۋ ورتالىقتارىندا جوسپارلانعان انا مەن بالا دەنساۋلىعىن جاقسارتۋ جانە مەديتسينالىق قىزمەتكە قول جەتىمدىلىكتى ارتتىرۋ ماقساتىندا اۋقىمدى شارالار ءوتىپ جاتىر. مەديتسينالىق جانە الەۋمەتتىك پسيحولوگيالىق كومەك جۇزدەگەن كوپبالالى اناعا جالپى تاجىريبەلى دارىگەر، گينەكولوگ، پسيحولوگ، نەۆروپاتولوگ، پەدياتر، حيرۋرگ، تراۆماتولوگ-ورتوپەد ماماندارى قابىلداپ، ەم كورسەتۋدە.

ايتا كەتەرلىگى، تۇركىستان وبلىسىنىڭ بارلىق اۋداندىق ەمحانالارىندا كوپ بالالى انالار كەزەكتەن تىس قابىلدانادى. سونداي-اق، تەگىن مەديتسينالىق كومەكتىڭ كەپىلدەندىرىلگەن كولەمى نەگىزىندە دارىگەردىڭ نۇسقاۋىمەن ءدارى-دارمەكپەن تولىق قامتاماسىز ەتىلەدى. قازىرگى تاڭدا ءاربىر اۋداندىق اۋرۋحانادا 10 ارنايى پالاتا جۇمىس ىستەيدى. «اشىق ەسىك» كۇندەرى شاراسى ناۋرىز ايىنىڭ سوڭىنا دەيىن جالعاسادى.

سوڭعى جاڭالىقتار

ءۇي جانۋارىنان ۆيرۋس جۇعا ما؟

كوروناۆيرۋس • بۇگىن، 18:39

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

تاسقىننىڭ بۇگىنگى احۋالى

ايماقتار • بۇگىن، 15:42

سالەحاردتان كەلگەن تسيكلون

ايماقتار • بۇگىن، 15:30

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

ۇقساس جاڭالىقتار