تانىم • 15 اقپان، 2019

بىرگە بارايىق: ينتەللەكتۋال دوس تاپقىڭىز كەلە مە؟

234 رەتكورسەتىلدى

جاڭا ورتاعا تۇسكەندە ارالاساتىن ادام تاپپاي قينالاتىن كەز بولادى. جۇمىس بارىسىمەن نەمەسە وتباسى جاعدايىمەن تۇرعىلىقتى مەكەنجايىن اۋىستىرعان جاندارعا بىزدە ءبىر ۇسىنىس بار. ايتپاقشى، بۇل – دەمالىس كۇندەرى قايدا بارۋعا بولاتىنىنا باس قاتىرىپ وتىرعان استانالىقتار مەن قالا قوناقتارىنا جاقسى مۇمكىندىك. 

تەگىن. وسى ءسوزدى ۇناتپايتىن ادام جوق شىعار. اسىرەسە، ءدال بۇگىنگىدەي نارىقتىق قوعامدا. فاتيما جاندوسوۆا ەرىكتى، ءوز قالاۋىمەن كەلگەن، دەمالىس كۇندەرىن وزگەشە وتكىزۋدى قالايتىندار ءۇشىن تەگىن ورتا قالىپتاستىرادى. ول «نە؟ قايدا؟ قاشان؟» ينتەللەكتۋالدىق ويىنىن ۇيىمداستىرادى. بۇل جەكسەنبى سايىن وتەدى. 2015 جىلى جاز مەزگىلىنەن قولعا العان ول بۇل جوباسىنىڭ ومىرشەڭ ەكەنىن ايتادى. «ۇنەمى، تۇراقتى تۇردە كەلىپ جۇرەتىن 7-8 ادام بار. ال ءار وتىرىسىمىزعا كەمىندە 20 ادامنان قاتىسادى. ولاردىڭ كەبىرەۋى جاي سىرتتاي باقىلاپ كەتەدى، ەندى بەرەۋى قاتىسۋشىعا قىزىعىپ، ەرىپ كەلەدى. تۇراقتى ويىنشىلارىمىزبەن بىرگە ساياحاتقا، كاراوكەگە بارىپ تۇرامىز. بۇل – جاقسى ورتا، دوس تابۋدىڭ تاماشا مۇمكىندىگى. وسى ءۇشىن «OceanArt» ورتالىعىنا العىس ايتامىن!»، دەيدى فاتيما.

مۇنداي ينتەللەكتۋالدىق ويىن ويناتاتىن ورىندار مەگاپوليس قالالاردا بۇرىننان بار. كەيبىرى ءتىپتى مۇنى ءتيىمدى كاسىپ كوزىنە اينالدىرعان. ال فاتيما ونى تەگىن جۇرگىزەدى. «بۇل ادامعا ەركىندىك سىيلايدى. بىزگە كوبىنە وسى جەتىسپەيدى عوي. كەلۋشىلەر قاتىسۋ ءۇشىن اقشا تولەمەيدى. بىراق وزدەرى وتىراتىن داستارقانعا تاتتىلەر الا كەلەدى. ويتكەنى كەيدە ويىن قىزىپ كەتىپ، ءبىراز ۋاقىتتىڭ قالاي وتكەنىن بايقاماي قالامىز»، دەيدى ول.

ال وسىنداي ورتالىق ءسىزدىڭ قالادا، وڭىردە بولماسا نەمەسە اتالعان ورتالىقتىڭ ورىسشا وتەتىن ويىنىن قۇپ كورمەسەڭىز، ءوزىڭىز ۇيىمداستىرىڭىز، بۇل – سىزگە تاماشا يدەيا. ول ەش قارجىنى قاجەت ەتپەيدى. تەلەفونعا تەلمىرگەن قوعامدى ءبىر-بىرىمەن شۇيىركەلەسۋگە شاقىراتىن نيەتىڭىز بولسا، بولعانى.

استانالىقتار مەن قالا قوناقتارى ءۇشىن «OceanArt» ورتالىعىنىڭ مەكەنجايىن ۇسىنامىز: شۇبار مولتەك اۋدانى، ميرنايا كوشەسى 12/1.

ايدانا شوتبايقىزى،

«Egemen Qazaqstan»

سوڭعى جاڭالىقتار

ەڭبەكاقى كولەمىن ۇلعايتتى

ايماقتار • بۇگىن، 07:26

بابىر بابا شاپانى

تانىم • بۇگىن، 07:23

ولار ەشكىمنەن كەم ەمەس

رۋحانيات • بۇگىن، 07:18

جالعىز قولمەن جيھاز جاسايدى

ايماقتار • بۇگىن، 07:17

زاماناۋي كارىز جۇيەلەرى كەرەك

ايماقتار • بۇگىن، 07:13

سەرگەلدەڭگە سالعان سەرتيفيكات

ايماقتار • بۇگىن، 07:02

سازگەردىڭ «ماڭگى كوكتەمى»

تانىم • بۇگىن، 06:58

ەر قازاق ەدى ەراعا

تانىم • بۇگىن، 06:56

ەلىمىزدەگى ەڭ الىپ كىتاپ

ايماقتار • بۇگىن، 06:55

تاعايىنداۋ

پرەزيدەنت • بۇگىن، 06:50

جۇرت تىلەگى نازارعا الىندى

ايماقتار • بۇگىن، 06:24

ۇقساس جاڭالىقتار