ايماقتار • 15 اقپان، 2019

بەردىبەك ساپارباەۆ اقتوبە وبلىسىندا كوپبالالى وتباسىلارعا قالاي كومەك كورسەتىلەتىنىن ايتتى

320 رەتكورسەتىلدى

ەلباسىنىڭ حالىقتىڭ ءال-اۋقاتىن كوتەرۋ تۋرالى تاپسىرماسىن ورىنداۋ اياسىندا اقتوبە وبلىسىندا 2019 جىلى كوپبالالى، تابىسى تومەن وتباسىلار مەن از قامتىلعان ازاماتتاردى الەۋمەتتىك جاعىنان قولداۋدىڭ قوسىمشا شارالارى ەنگىزىلەتىن بولادى. بۇل تۋرالى اقتوبە وبلىسى اكىمىنىڭ ءباسپاسوز قىزمەتى  حابارلادى.

مۇنى ءوڭىر باسشىسى بەردىبەك ساپارباەۆ حالىقپەن ەسەپتىك كەزدەسۋ كەزىندە ايتقان.

«كوپبالالى وتباسىلارعا باسپانا ساتىپ الۋ ءۇشىن باستاپقى جارنانى سۋبسيديالاۋدى ەنگىزۋدى، از قامتىلعان وتباسىلارعا بەرىلەتىن ءبىر جولعى جاردەماقىنى 70 مىڭنان 140 مىڭعا دەيىن كوبەيتۋدى، از قامتىلعان وتباسىلاردىڭ بالالارىنا مەكتەپكە دەيىنگى مەكەمەلەردەگى تاماقتانۋ تولەمىن  70%-عا تومەندەتۋدى جوسپارلاپ وتىرمىز، كوپبالالى وتباسىلاردىڭ وقۋشىلارى ىستىق تاماقپەن تولىقتاي قامتاماسىز ەتىلەتىن بولادى. حالىقتىڭ الەۋمەتتىك جاعىنان ءالجۋاز توپتارىن وقىتۋعا، قايتا وقىتۋعا قوسىمشا 200 ملن تەڭگە بولىنەدى، جالپى، حالىقتىڭ الەۋمەتتىك جاعىنان ءالجۋاز توپتارىنىڭ ىشىنەن 3 مىڭ اقتوبەلىك قايتا وقىتىلادى، تاعى بەس مىڭ ادام تۇراقتى جۇمىس ورنىنا ورنالاستىرىلادى. كوپبالالى انالاردى جۇمىسقا ورنالاستىرۋدا ەشقانداي قيىندىق تۋىندامايتىن بولادى. اتالعان شارالاردى جۇزەگە اسىرۋ ءۇشىن قوسىمشا كەمىندە 1 ملرد تەڭگە بولىنەدى»،- دەدى ب.ساپارباەۆ.

وبلىس اكىمى، جالپى الەۋمەتتىك سالاعا كەتەتىن شىعىن وبلىس بيۋدجەتىنىڭ 50%-ىن قۇرايتىنىن ايتتى.

بىلتىر كوپبالالى جانە از قامتىلعان وتباسىلاردى قولداۋ ماقساتىندا 20 مىڭنان اسا ادام اتاۋلى الەۋمەتتىك جاردەماقى الىپ، 22،2 مىڭنان اسا بالا «مەكتەپكە جول» جانە «قامقور» اكتسيالارى اياسىندا مەكتەپكە جينالدى، 14،6 مىڭ وقۋشى تەگىن تاماقپەن قامتىلدى، 120 مىڭ بالا قازاقستان مەن شەتەلدەردىڭ جازعى ساۋىقتىرۋ لاگەرلەرىندە دەمالدى.

بۇدان باسقا، جەتىم جانە اتا-انا قامقورىنسىز قالعان 136 بالا باسپانالى بولدى. ءتۇرلى اكتسيالار اياسىندا 265 مىڭ اقتوبەلىككە 3،4 ملرد تەڭگە كولەمىندە قايىرىمدىلىق كومەك كورسەتىلدى.

سوڭعى جاڭالىقتار

ۇقساس جاڭالىقتار