14 اقپان، 2019

قازاقستاندا WECON كونفەرەنتسيالارىنىڭ جاڭا ماۋسىمى باستالادى

254 رەتكورسەتىلدى

ەۋروپالىق قايتا قۇرۋ جانە دامۋ بانكى كىشى جانە ورتا بيزنەستى باسقاراتىن كاسىپكەر – ايەلدەرگە ارنالعان http://wecon.kz/«WECON — Women Entrepreneurship Conference'19» كونفەرەنتسياسىنىڭ ەكىنشى ماۋسىمى باستالاتىندىعىن مالىمدەيدى. قر ۇلتتىق ەكونوميكا مينيسترلىگىنىڭ قولداۋىمەن وتەتىن ءماجىلىس «بيزنەستەگى ايەلدەر» باعدارلاماسىن العا جىلجىتاتىن ماڭىزدى شارا.

بۇل باعدارلاما قازاقستاندا 2015 جىلدان بەرى ارەكەت ەتىپ كەلەدى جانە ونى ەققدب مەن قازاقستان رەسپۋبليكاسى ۇكىمەتىمەن قارجىلاندىرىلادى. باعدارلامانىڭ نەگىزگى ماقساتى قارجىلاندىرۋعا، كەڭەس بەرۋلەرگە جانە نوۋ – حاۋلارعا قاتىناس قۇرۋدا ايەلدەرمەن باسقارىلاتىن كاسىپورىندارعا قولعابىس جاساۋ ارقىلى ايەل كاسىپكەرلىگىن جانە بيزنەستە ايەلدىڭ قاتىسۋىن دامىتۋ بولىپ تابىلادى.

WECON كونفەرەنتسيالارى – بۇل قازاقستانداعى كاسىپكەر ايەلدەردى قولداۋعا باعىتتالعان ءىس – شارالاردىڭ جاڭارتپاشىلىق فورماتى. جاڭا ماۋسىمداعى ماجىلىستەر اقتاۋ، پەتروپاۆلوۆسك، پاۆلودار، تاراز، كوكشەتاۋ، تالدىقورعان جانە قىزىلوردا.

ءوز كەزەگىندەن كاسىپكەر ايەلدەر ءۇشىن ەققدب 92 ميلليون اقش دوللارىنا ەكۆيۆالەنتتى سوماعا جەرگىلىكتى ۆاليۋتادا قارجىلاندىرۋ مەحانيزمدەرىن ۇسىنىپ وتىر جانە 64،6 ميلليون اقش دوللارىنا ەكۆيۆالەنتتى سوماعا بەس نەسيە جەلىلەرىن ءبولدى.

ال 2018 جىلى 2،7 ميلليون اقش دوللارىنان اساتىن سوما مەڭگەرىلىپ، «بيزنەستەگى ايەلدەر» باعدارلاماسى بويىنشا كورسەتىلەتىن قارجىلىق ەمەس قىزمەتتەرگە ءبولىندى، ونىڭ ىشىنە كەڭەس بەرۋ، بيزنەس-وقىتۋ، مەنتورينگ جانە نارىقتى دامىتۋ جونىندەگى ءىس-شارالار كىردى. WECON كونفەرەنتسيالارى تاجىريبە الماسىپ، بيزنەسىڭدى اياقتان تۇرعىزىپ، دامىتۋعا كومەكتەسەتىن بيزنەس-قۇرالدار جونىندە پايدالى اقپاراتتارعا قول جەتكىزۋدىڭ توتە جولى.

جوعارىداعى 7 بىردەي قالادا وتەتىن ءىس-شارالار باعدارلاماسى كۇنى بويى جۇرەدى. WECON كونفەرەنتسيانىڭ بارلىق قاتىسۋشىلارىنا جەرگىلىكتى كاسىپكەر ايەلدەردىڭ ىسكەرلىگىنىڭ تاريحىمەن تانىسۋعا، بيزنەس-ترەنينگ كەزىندە ەۋروپالىق قايتا قۇرۋ جانە دامۋ بانكىنىڭ وكىلدەرىنەن كەڭەس الۋعا، سونىمەن بىرگە تيمبيلدينگ جانە نەتۆوركينگ سەسسيالارى كەزىندە وزگە كونفەرەنتسيا قاتىسۋشىلارىمەن بايلانىس الماسۋعا جاعداي جاسالادى.

كونفەرەنتسياعا قاتىسۋ تەگىن. شاقىرۋ قاعازىن الۋ ءۇشىن WECON كونفەرەنتسياسىنىڭ رەسمي سايتىندا wecon.kz. ءوتىنىش قالدىرۋ كەرەك.

ايناش ەسالي،

«Egemen Qazaqstan»

الماتى

سوڭعى جاڭالىقتار

ۇقساس جاڭالىقتار