ايماقتار • 14 اقپان، 2019

استانادا ەۆروپالىق دەڭگەيدەگى گاسترونوميالىق بازار اشىلادى

192 رەتكورسەتىلدى

ونىڭ ەرەكشەلىگى ورگانيكالىق، فەرمەرلىك ونىمگە باسىمدىق بەرىلۋىندە. بۇل تۋرالى استانا اكىمدىگىنىڭ ءباسپاسوز قىزمەتى حابارلادى.

بازاردىڭ ىشكى جاعدايى قازىرگى بار بازارلاردان وزگەشەلىگىمەن ەرەكشەلەنەدى. جالپى نىسانداعى ساتۋشىلار مەن قىزمەت كورسەتۋشى پەرسونالدان باستاپ، ءوز زەرتحانالارى، ساتىلاتىن ونىمگە قويىلاتىن بىرىڭعاي سەس ستاندارتتارى بولادى. «جوبا قالا تۇرعىندارىنا تەك قانا ساپالى جانە تاڭداۋلى ءونىم ۇسىناتىن جاڭا باعىتتاعى بازاردى ۇسىنادى» دەپ حابارلادى «استانا» اكك.

ءبىرىنشى قاباتتا فەرمەرلىك نارىق، ناۋبايحانا، دۇڭگىرشەكتەر، 7 كينوزال ورنالاسادى. ەكىنشى قاباتتا فاستفۋد، تەحنيكا جانە ەلەكترونيكا دۇكەندەرى، قىزمەتتىك جانە قويما بولمەلەرى بولادى دەپ جوسپارلانۋدا. بۇنداي بازارلار لوندون، امستەردام، ليسسابون، بارسەلونا، موسكۆا، ودەسسا سياقتى بىرقاتار ەۋروپالىق قالادا وتە كوپ.  

«ورگانيكالىق، فەرمەرلىك ونىمدەردىڭ باسىم بولۋى، تۇتىنۋشىلاردىڭ ءونىمدى بىردەن وندىرۋشىلەردەن الۋى بازاردىڭ باستى ەرەكشەلىگى. سونىمەن قاتار، بازار اۋماعىندا ۇنەمى الەۋمەتتىك جارمەڭكەلەر، جەرگىلىكتى شارۋا قوجالىقتارى مەن فەرمەرلەردىڭ قاتىسۋىمەن وتەتىن فەستيۆالدار ۇيىمداستىرۋ مەن وتكىزۋ جوسپارلانۋدا. جوبانى جۇزەگە اسىرۋ ارقىلى شامامەن 1500 جۇمىس ورنى پايدا بولادى» دەپ اتاپ ءوتتى «استانا» اكك. «گاسترونوميالىق نارىق» جوباسى بەيسەكوۆا جانە ش.قوسشىعۇل ۇلى كوشەلەرىنىڭ قيىلىسىندا - «Keruen Global» جشس-مەن بىرلەسىپ جۇزەگە اسادى. بازاردىڭ قۇرىلىسى 2019 جىلدىڭ ەكىنشى توقسانىنا جوسپارلاندى.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار