سپورت • 14 اقپان، 2019

جانسايا جەتىنشى تۋردا تەڭ ءتۇستى

198 رەتكورسەتىلدى

اقش-تىڭ سەنت-لۋيس قالاسىندا ءوتىپ جاتقان شاحماتتان ايەلدەر اراسىنداعى Cairnc Cup ءتۋرنيرى ءوز مارەسىنە جاقىنداپ قالدى.

ايتۋلى جارىستى جانسايا ابدىمالىك جاپ-جاقسى باستاعان ەدى. تۇساۋكسەر كەزدەسۋىندە ول امەريكالىق اننا زاتونسكيحتى ۇتىپ، كەلەسى ويىندا فرانتسيالىق ماري سەباگپەن تەڭ ءتۇستى. ءۇشىنشى تۋردا ايگىلى رەسەيلىك شاحماتىشى الەكساندرا كوستەنيۋككە ەسە جىبەرگەنىمەن، ءتورتىنشى كەزەڭدە گرۋزيالىق بەلا حوتەناشۆيليدەن باسىم ءتۇستى. الايدا جارىس بەل ورتاعا جەتكەندە جەرلەسىمىز بىلگەنىنەن جاڭىلدى. بەسىنشى جانە التىنشى تۋردا اقش ويىنشىسى يرينا كرۋش پەن ءۇندىستاننىڭ وكىلى حاريكا درونوۆالليدەن جەڭىلدى. جەتىنشى كەزدەسۋىندە گرۋزيا سپورتشىسى نانا دزاگنيدزەمەن ۇپاي ءبولىستى.

قازىرگى كەزدە جانسايا جارىس كەستەسىندە التىنشى ورىندا كەلدى. ونىڭ ەنشىسىندە – 3 ۇپاي بار. ال كوش باسىنداعى جاعداي وزگەرىسسىز. ءبىرىنشى جانە ەكىنشى ورىنداردى رەسەيدىڭ قوس جۇلدىزى – ­الەكساندرا كوستەنيۋك پەن ۆالەنتينا گۋنينا يەلەنۋدە.


عالىم سۇلەيمەن،

«Egemen Qazaqstan»

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار