ايماقتار • 13 اقپان، 2019

قاراعاندى وبلىسىندا بيىل 4000 پاتەر پايدالانۋعا بەرىلەدى

248 رەتكورسەتىلدى

قاراعاندى وبلىسىندا تۇرعىنداردى باسپانامەن قامتاماسىز ەتۋ جۇمىستارى قارقىندى جۇرگىزىلۋدە. مىسالى، بيىلدىڭ وزىندە 1000-نان اسا قاراعاندىلىق جاڭا پاتەرلەرگە قول جەتكىزدى. ال، «نۇرلى جەر» باعدارلاماسى بويىنشا 2019 جىلى قاراعاندى وبلىسىندا 4 مىڭ پاتەر پايدالانۋعا بەرىلەدى.

بۇل تۋرالىقاراعاندى قالالىق ءماسليحاتىنىڭ دەپۋتاتى، قاراعاندى وبلىستىق قۇرىلىسشىلار قاۋىمداستىعىنىڭ توراعاسى تولەگەن ءاشىموۆ مالىمدەدى. بيىل نەسيەلىك باسپانا باعدارلاماسى بويىنشا قاراعاندى قالاسىندا 10 ءۇي، جەزقازعان قالاسىندا 18 پاتەرلى 1 ءۇي پايدالانۋعا بەرىلەدى دەپ جوسپارلانعان. بۇدان بولەك، وبلىس اۋماعىندا جالعا بەرۋ شارتىمەن تاپسىرىلاتىن 12 ءۇيدىڭ قۇرىلىسى باستالادى.

جالعا بەرىلەتىن جانە نەسيەلىك تۇرعىن ۇيلەر مەن ينجەنەرلىك-كوممۋنيكاتسيالىق جەلىلەر قۇرىلىسىنا 10 ملرد 480 ملن تەڭگە كولەمىندە قاراجات قاراستىرىلعان.

سونداي-اق، تولەگەن ءاشىموۆ پرەزيدەنت تاپسىرماسىمەن قابىلدانعان «7-20-25» باعدارلاماسىنىڭ اياسىندا قاراعاندىدا وبلىستىق بيۋدجەتتەن تۇرعىن ءۇي سەرتيفيكاتتارى ءۇشىن 1 ملرد تەڭگە بولىنەتىنىن اتاپ ءوتتى. ولار وڭىردەگى سۇرانىسقا يە دارىگەرلەر مەن مۇعالىمدەرگە جانە ءتارتىپ ساقشىلارىنا بەرىلەدى دەپ جوسپارلانعان. ياعني، شامامەن العاندا 700 وتباسى باسپانالى بولۋ مۇمكىندىگىنە قول جەتكىزەدى. جەكە تۇرعىن ءۇي سالۋعا نيەت بىلدىرگەندەر دە ينفراقۇرىلىمدىق تۇرعىدان قامقورلىقتان تىس قالمايدى. ولار ءۇشىن ينجەنەرلىك-كوممۋنيكاتسيالىق جەلىلەر قۇرىلىسىنا (13 جوبا) رەسپۋبليكالىق جانە وبلىستىق بيۋدجەتتەن 2 798،8 ميلليون تەڭگە بولىنگەن.

قايرات ءابىلدا،

«ەگەمەن قازاقستان»

قاراعاندى

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار