مەديتسينا • 13 اقپان، 2019

اقتوبە وبلىسىندا ءموبيلدى توپتار مۇقتاج وتباسىلارعا كومەك كورسەتىپ جاتىر

239 رەتكورسەتىلدى

اقتوبە وبلىسىندا ءموبيلدى توپتار مۇقتاج ازاماتتاردىڭ مەكەنجايلارىنا بارىپ، ولاردىڭ جانۇيالارىنىڭ تۇرمىستىق جاعدايىمەن تانىسۋدا. اتالمىش جۇمىستىڭ ناتيجەسىندە مۇمكىندىگىنشە الەۋمەتتىك كومەكتەر كورسەتۋ مەحانيزمى قاراستىرىلىپ جاتىر. بۇل تۋرالى اقتوبە وبلىسى اكىمىنىڭ ءباسپاسوز قىزمەتى حابارلادى.

ءموبيلدى توپتاردىڭ قۇرامىنا قوعام قايراتكەرلەرى، ءماسليحات دەپۋتاتتارى،  مەملەكەتتىك ورگانداردىڭ وكىلدەرى مەن ماسەلەگە بەي-جاي قارامايتىن ازاماتتار كىردى.

12 اقپاندا ىشكى ساياسات باسقارماسىنىڭ باسشىسى بۇلبۇل ەلەۋسىنوۆا، پروكۋراتۋرا ورگاندارىنىڭ ارداگەرى ماريا تاجىباەۆا، سونىمەن قاتار، «Shanyraq» قوعامدىق قورىنىڭ وكىلدەرى 34 جاستاعى سانىمگۇل سۇيىنباەۆاعا كومەك كورسەتتى. ول جولداسىمەن بىرگە ءتورت بالا تاربيەلەپ وتىر، كەنجەلەرى ءبىر جاستا. جانۇيا ساياجاي الابىندا تۇرادى. ءۇيدىڭ گاز بەن تۇرعىن ءۇي قۇجاتتارى جوق. پەش جاعىپ جىلىتىلادى.

«جولداسىمنىڭ ايلىعى از، وتباسىمىزعا جەتپەيدى، نەسيەلەرىمىز بار. بۇگىن مەن ماسەلەمدى قوعامدىق قابىلداۋعا ايتىپ، جاۋابىن تەز الدىم»،- دەيدى كوپبالالى انا.

ءموبيددى توپ مۇشەلەرى تۇرمىس جاعدايىمەن تانىسىپ، وتباسىنا ازىق-ت ۇلىك، تۇرمىستىق كەرەك-جاراقتار، كەڭسە تاۋارلارىن اكەلدى. «Shanyraq»قوعامدىق قورى وتباسىنا كومىر الىپ بەرەدى. قۇجاتتار مەن گاز جۇرگىزۋ ماسەلەسى اكىمدىكتىڭ باقىلاۋىندا.

«سانىمگۇل سۇيىنبايعا بارىنشا كومەك كورسەتىلەتىن بولادى. ءوزىم زەينەتتەمىن، بىراق ءموبيلدى توپتاردىڭ قۇرامىندا مۇقتاج جانداردىڭ ۇيىنە بارىپ ءجۇرمىن. كەيبىر وتباستارىنا زاڭ تۇرعىسىنان كەڭەس بەرەم. حالىقتىڭ تۇسىنىستىكپەن قارايتىنى كورىنىپ تۇر، بيلىككە كورسەتكەن كومەگى ءۇشىن ريزا»،- دەدى ءموبيلدى توپ مۇشەسى ماريا تاجىباەۆا.

تاعى ءبىر مۇقتاج وتباسى «اۆياتور» اۋدانىنداعى قاۋساپ تۇرعان ۇيدە تۇرادى. گۇلجاينار شامسينا جولداسىمەن بىرگە ءتورت بالا تاربيەلەپ وتىر، ولاردىڭ ەكەۋى مەكتەپكە بارادى. وتباسىعا ازىق-ت ۇلىك جاعىنان كومەك كورسەتىلدى، جۋىردا باسپانا كەزەگىنە تۇرۋعا جاردەمدەسەدى. شامسيندەرگە كومەككە وبلىستىق ءماسليحات حاتشىسى ءسانيا قالدىعۇلوۆا مەن دەپۋتات سەرگەي ۆيشنياك كەلدى.

«مەنىڭ جاعدايىمدى ەستىپ، كەلگەندەرىڭىزگە راحمەت. بالالار سىيلىقتارعا ريزا. ماسەلەمىزدى ايتىپ كەلەتىن وسىنداي قوعامدىق قابىلداۋلاردىڭ بولعانىنا قۋانىشتىمىز. جالعىز ەمەس ەكەنىمىزدى بىلەمىز»،- دەدى ريزاشىلىعىن بىلدىرگەن گۇلجاينار شامسينا.

سونداي-اق، وتباسىعا بالالارىن مەكتەپكە اپارۋ ءۇشىن جاردەم بەرىلەتىن بولادى.

«ەكى كۇننىڭ ىشىندە قوعامدىق قابىلادۋلارعا 2 مىڭنان اسا ادام جۇگىنگەن. ءموبيلدى توپتار وتباسىلاردىڭ ۇيلەرىنە بارىپ، جاعدايلارىن كورىپ جاتىر. بىزدەر سول جەردە بىردەن قولدانىستاعى زاڭناما اياسىندا قولدان كەلگەن كومەگىمىزدى كورسەتەمىز»،- دەدى س.قالدىعۇلوۆا

اقتوبە وبلىسىندا قۇرىلعان ءموبيلدى توپتار جەتى ءتۇرلى باعىتتا جۇمىس جاسايدى. بالالاردى مەكتەپكە دەيىنگى مەكەمەلەرگە بەرۋ، باسپانا كەزەگىنە تۇرۋ، مەديتسينالىق كومەك كورسەتۋ، زاڭ تۇرعىسىنان كەڭەس بەرۋ، جىلۋ، گاز جۇرگىزۋ، كوممۋنالدى قىزمەتتەرگە مۇمكىندىگىنشە جەڭىلدىك جاساۋ.

بۇلبۇل ەلەۋسىنوۆا: «وسى سۇراقتاردىڭ بارلىعى بۇرىن دا بيلىك باقىلاۋىندا بولعان. بىراق، تەز ارادا شەشۋدى قاجەت ەتەتىن سۇراقتار دا جوق ەمەس. كەيبىر جۇگىنۋلەر ەگجەي-تەگجەي قاراۋدى تالاپ ەتەدى. سوندىقتان تۇسىنىستىكپەن قاراۋلارىڭىزدى سۇرايمىز. بىردە ءبىر جۇگىنۋ نەمەسە ۇسىنىس قاراۋسىز قالمايدى» دەپ ءسوزىن تۇيىندەدى.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار