بيزنەس • 13 اقپان، 2019

ەقدب قازاقستانداعى كاسىپكەرلەردىڭ قارجى اينالىمى مەن جۇمىسپەن قامتۋ مۇمكىندىگىن ارتتىردى

243 رەتكورسەتىلدى

ەۋرازيالىق دامۋ جانە قايتا قۇرۋ بانكى قازاقستانداعى شاعىن جانە ورتا بيزنەستەگى (شوب) قارجى اينالىمى مەن جاڭا جۇمىسقا ورنالاسۋ مۇمكىندىكتەرىن ارتتىرۋىنا ءوز تاراپىنان ۇلەس قوسۋدا. بۇل تۋرالى بۇگىن قر ۇلتتىق ەكونوميكا ۆيتسە-ءمينيسترى سەرىك جۇمانعاريننىڭ توراعالىعىمەن وتكەن، قازاقستان ۇكىمەتى باسقارۋشى كوميتەتىنە تيەسىلى بانكتىڭ VI جىلدىق وتىرىسىندا اشىق ايتىلدى.

قازاقستاندا ەقدب قر ۇلتتىق ەكونوميكا مينيسترلىگىمەن بىرلەسىپ قارجىلاندىراتىن شاعىن جانە ورتا كاسىپكەرلىك سۋبەكتىلەرىن قارجىلاندىرۋ مەن دامىتۋ جانە بيزنەستەگى ايەلدەر باعدارلامالارىن جۇزەگە اسىرۋدا. تەك 2018 جىلى بۇكىل ەلدە وسى جوبالار اياسىندا 264 جەرگىلىكتى جانە حالىقارالىق كەڭەس بەرۋ جوبالارى ىسكە استى.

ەقدب مالىمدەگەندەي، قازاقستاندا 2015 جىلدان باستاپ ىسكە اسىپ باعالاۋدان وتكەن 172 جوبانىڭ 85 پايىزى تابىستى دەپ تابىلىپ، كليەنتتەردىڭ 80 پايىزعا جۋىعى قارجى اينالىمدارىنىڭ ۇلعايعانىن حابارلاعان. بانكتەن قولداۋ تاپقان شوب اراسىندا 56 پايىزدان استامى ءوز قىزمەتكەرلەر سانىنىڭ ورتا ەسەپپەن 14 پايىزعا ۇلعايعانى تۋرالى مالىمدەدى. سونداي-اق ايەلدەردىڭ جۇمىس ورىندارىنىڭ 20 پايىزعا ارتۋى انىقتالدى. سونىمەن قاتار، باعالانعان كاسىپورىنداردىڭ 8 پايىزى ەكسپورتتىق ساتۋ كولەمىنىڭ ۇلعايۋى تۋرالى مالىمدەگەن.

بيزنەستەگى ايەلدەر ءۇشىن ەقدب 92 ميلليون اقش دوللارى كولەمىندە جەرگىلىكتى ۆاليۋتامەن قارجىلاندىرۋ تەتىگىن (Local Currency Financing Facility) ۇيىمداستىرىپ جالپى قۇنى 64،5 ميلليون اقش دوللارىن قۇرايتىن ارنايى بەس بيزنەستەگى ايەلدەر (WiB) نەسيە جەلىلەرىن قۇردى.

سونىمەن قاتار، 2018 جىلى بيزنەستەگى ايەلدەر WiB باعدارلاماسىنا قاتىستى قارجىلىق ەمەس قىزمەتتەرگە، ونىڭ ىشىندە كونسالتينگ، بيزنەس-كوۋچينگ، تالىمگەرلىك پەن نارىقتى دامىتۋعا باعىتتالعان ءىس-شارالارعا 2،7 ميلليون اقش دوللارىنان استام قارجى تاعايىندالىپ يگەرىلدى.

ەقدب ايماقتاعى شوب كەڭەس بەرۋ سەكتورىنىڭ الەۋەتىن ۇزدىكسىز كاسىبي ترەنينگتەر، كونسالتينگتىك كۇندەر ارقىلى جىلىنا كەمىندە 20 جاڭا كونسالتينگتىك كومپانيانى كەڭەس بەرۋ جوبالارىنا تارتۋ ارقىلى قالىپتاستىرادى.

شوب سۋبەكتىلەرىنە كەڭەيتىلگەن قول جەتكىزۋ ەقدب-ءنىڭ ەكى جەكەمەنشىك سەكتور سەرىكتەستىگى، اتاپ ايتقاندا «تەڭىزشەۆرويل» جانە «شەلل قازاقستان» ارقىلى قامتاماسىز ەتىلۋدە. تاۋار مەن قىزمەتتى جەتكىزەتىن جەرگىلىكتى مەكەمەلەر مەن قاۋىمداستىقتار الەۋەتىن 2018 جىلدىڭ جەلتوقسان ايىندا «تەڭىزشەۆرويل» كومپانياسىمەن 4 جىلعا ۇزارتىلعان سەرىكتەستىك ارقىلى دامىتىپ كەلەدى. سونداي-اق، العاشقى كەزەڭىندەگى يننوۆاتسيالىق كاسىپورىندار مەن بيزنەستى ۇدەتۋ باعدارلاماسى «شەلل قازاقستان» ارقىلى 2019 جىلدىڭ اقپان ايىندا ۇزارتىلعان ارىپتەستىك شەڭبەرىندە جۇزەگە اسىرىلۋدا.

ايناش ەسالي،

«ەگەمەن قازاقستان»

الماتى

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار