ايماقتار • 13 اقپان، 2019

شىمكەنتتەگى دەندروساياباقتان اسپان الەمىن تاماشالاۋعا بولادى

261 رەتكورسەتىلدى

  قوعام قايراتكەرى اسانباي اسقاروۆتىڭ كەزىندە ىرگەسى قالانعان شىمكەنت دەندروساياباعىنا اسپان الەمىن تاماشالايتىن الىپ تەلەسكوپ ورناتىلادى. بۇل تۋرالى اتالعان مەكەمەنىڭ جاۋاپتى باسشىلارى حابارلايدى.

مۇنان بولەك  اۋماعى 117 گەكتار القاپتى الىپ جاتقان ساياباقتىڭ بايدىبەك بي كوشەسىندەگى نەگىزگە قاقپاسى جوندەۋدەن ءوتىپ، ا.بايتۇرسىنوۆ جانە ق.تولەمەتوۆ كوشەلەرىنىڭ بويىندا دا الىپ قاقپالار بوي كوتەردى. كەلىپ-كەتۋشىلەرگە ىڭعايلى بولۋ ءۇشىن ارنايى اۆتوتۇراقتار سالىندى. ال، ا.بايتۇرسىنوۆ كوشەسى باعىتىنا اكىمدىك بيىل اسفالت توسەپ بەرۋگە ۋادە بەرگەن.

         قازىرگى تاڭعا دەيىن ساياباققا 230 ءتۇرلى 95 مىڭ ءتۇپ اعاش داراقتارى ەگىلگەن. 5 گەوگرافيالىق فلورالىق زوناعا بولىنگەن. بيىل ورمان بەلدەۋىنىڭ قورىن مولايتۋ ماقساتىندا قىلقان جاپىراقتى اعاش كوشەتتەرى وتىرعىزىلماق. وسىعان وراي كوكتەمگى اعاش ەگۋ ناۋقانىنا دايىندىق باستالىپ، داراقتاردىڭ بۇتاقتارى  بۇتالانۋدا. قالالىقتاردىڭ سۇيىكتى دەمالىس ورنىنا بيۋدجەتتەن 295 ملن. تەڭگە ءبولىنىپ،  اۋقىمدى اباتتاندىرۋ جۇمىستارى جۇرگىزىلىپ جاتىر.

ەستەرىڭىزگە سالار بولساق، شىمكەنت قالالىق ءماسليحاتىنىڭ ءحى سەسسياسىندا دەندروساياباققا ۇلت ماقتانىشى اسانباي اسقاروۆتىڭ ەسىمىن بەرۋ تۋرالى قر ۇكىمەتىنە ۇسىنىس جىبەرىلگەن بولاتىن. قازاقستان رەسپۋبليكاسى ۇكىمەتىنىڭ قاۋلىسىنان كەيىن بۇل جەلەكتى ايماققا قازاقتىڭ ءبىرتۋار پەرزەنتىنىڭ اتى بەرىلدى.

نۇرشات توكەن،

 «Egemen Qazaqstan»

شىمكەنت

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار