قازاقستان • 13 اقپان، 2019

ارىستانبەك مۇحامەدي ۇلى «قارا ارحەولوگيامەن» قالاي كۇرەسۋ كەرەكتىگىن ايتتى

289 رەتكورسەتىلدى

مادەنيەت جانە سپورت ءمينيسترى ارىستانبەك مۇحامەدي ۇلى «قارا ارحەولوگيامەن» كۇرەسۋدىڭ ادىستەرىن ايتتى. 

«قارا ارحەولوگياعا» زاڭسىز ارحەولوگيالىق جۇمىستار جاتادى. ارنايى قۇزىرەتتى مەكەمەنىڭ تاپسىرماسىنسىز جۇزەگە اساتىن مۇنداي جۇمىستار كوپ. بۇل سۇراقتىڭ شەشىمىن تابۋ جانە ارحەولوگيالىق جۇمىستاردى جۇيەلەۋ ءۇشىن زاڭدا ارنايى نورمالار بار. بۇل ماسەلەنى شەشۋ جانە رەتتەۋ ماقساتىندا زاڭ جوباسىندا ارحەولوگيالىق جۇمىستاردى جوسپارلاۋ بويىنشا نورما بار. بۇل نورما «قارا ارحەولوگيا» پروبلەماسىن شەشۋگە قانشالىقتى مۇمكىندىك بەرەدى جانە ونى ىسكە اسىرۋ تەتىگى قانداي بولادى؟» دەپ ءماجىلىستىڭ پلەنارلىق وتىرىسىندا دەپۋتات سەرگەي زۆولسكي مينيسترگە ونىڭ «تاريحي-مادەني مۇرا وبەكتىلەرىن قورعاۋ جانە پايدالانۋ تۋرالى» قر زاڭىنىڭ جوباسى تۋرالى بايانداماسىنان كەيىن سۇراق قويدى.

ءوز جاۋابىندا ا. مۇحامەدي ۇلى بۇل ماسەلەنىڭ وزەكتىلىگىن اتاپ ءوتتى. «قازىرگى ۋاقىتتا قازاقستاندا بۇل جاعداي باسقارىلمايدى. ءبىز شىندىقتى ايتۋعا ءتيىسپىز. جەكە تۇلعالار ارحەولوگيالىق جۇمىستاردى جۇرگىزۋ ءۇشىن ليتسەنزيا الادى. تالاپتار وتە قاراپايىم، سولاي ءىس جۇزىندە بارلىعى ليتسەنزيا الادى. وندا مىندەتتى تۇردە عىلىمي قىزمەتكەر بولۋى كەرەك»،  دەدى مينيستر. ۆەدومستۆو باسشىسىنىڭ ايتۋىنشا، قازىرگى ۋاقىتتا قازاقستاندا تابىلعان ارتەفاكتىلەردى باقىلاۋ تەتىگى جوق.

«بىزدە تابىلعان باقىلاۋ تەتىگى جوق. جەكە ارحەولوگيالىق ەكسپەديتسيالار شىعادى، ال ولار كەيىن ارتەفاكتىلەردى قايدا تاپسىرىپ، قولدانادى؟ ءبىز ودان بەيحابارمىز. كوپتەگەن بىرەگەي ارتەفاكتىلەردى وسىلاي جوعالتامىز. سوندىقتان، ەگەر سىزدەر قولداۋ بىلدىرسەڭىزدەر، زاڭ بويىنشا قاتاڭ قاداعالاۋعا جانە وسى قۇبىلىستاردىڭ جولىن كەسۋگە شاقىرامىن. ارحەولوگيالىق ەكسپەديتسيالار مۇراجايلار ارقىلى وتەتىن نورمانى ەنگىزۋ قاجەت. سول كەزدە مۇراجايلار وسى ارحەولوگيالىق توپتاردىڭ نەمەن اينالىساتىنىن قاداعالايتىن بولادى»، - دەپ اتاپ ءوتتى ول.

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار