قازاقستان • 12 اقپان، 2019

جەمقورلىقتىڭ الدىن الۋ ءۇشىن جۇمىلا جۇمىس ىستەۋ كەرەك

257 رەتكورسەتىلدى

قوعامدىق دامۋ مينيسترلىگىنىڭ قوعامدىق كەلىسىم كوميتەتىندە ء«دىني ەكسترەميزمنىڭ الدىن الۋ جۇمىستارىن ۇيىمداستىرۋ سالاسىندا زاڭناما بۇزۋشىلىعىنا جول بەرمەۋ» تاقىرىنبىندا سەمينار-كەڭەس ءوتتى.

قوعامداعى سىبايلاس جەمقورلىققا قارسى مادەنيەت دەڭگەيىن ارتتىرۋ جانە ءدىني ەكسترەميزمنىڭ الدىن الۋ جۇمىستارىن ۇيىمداستىرۋ سالاسىندا زاڭناما بۇزۋشىلىعىنا جول بەرمەۋ ماقساتىندا وتكىزىلگەن باسقوسۋعا مەملەكەتتىك قىزمەتشىلەر، ۆەدومستۆولىق مەكەمەلەر، وڭىرلىك ءدىن ىستەرى باسقارمالارى مەن ورتالىقتارى، ءدىني بىرلەستىكتەر مەن قوعامدىق ۇيىمدار وكىلدەرى، سونىمەن قاتار وسى باعىتتا جۇمىس ىستەيتىن ۇەۇ مۇشەلەرى، ولاردىڭ ىشىندە «تەرروريزمگە قارسى كوميتەت»، ء«دىنتانۋشىلار كونگرەسى»، «ارداگەرلەر ۇيىمى» قوعامدىق بىرلەستىكتەرى، «ارلان» جاستار پاتريوتتىق ورتالىعى»، «ۇلاعات» قوعامدىق قورى جانە باسقالارى قاتىستى.

جيىندا قوعامدىق دامۋ ۆيتسە-ءمينيسترى بەرىك ارىن ءسوز سويلەپ، قۇقىق بۇزۋشىلىقتاردى ازايتۋعا باعىتتالعان سىبايلاس جەمقورلىققا قارسى قابىلدانعان زاڭداردى قاتاڭ ساقتاۋ قاجەتتىگى جايىندا اتاپ ءوتتى.

«سىبايلاس جەمقورلىق كورىنىستەرى قوعامنىڭ پروگرەسسيۆتى دامۋىنا كەدەرگى كەلتىرەدى. سوندىقتان مەملەكەت پەن بارلىق ازاماتتىق قوعام ينستيتۋتتارى وسى جاعىمسىز قۇبىلىسقا قارسى تۇرۋ ءۇشىن كۇش-جىگەردى بىرىكتىرۋى ءتيىس. اتاپ ايتقاندا، تەك قانا جەكە كوماندالاردا عانا ەمەس، تۇتاستاي قوعامدا قۇقىق بۇزۋشىلىقتاردى جاسايتىن جاعدايلار مەن سەبەپتەردى انىقتاي وتىرىپ، جويۋعا جانە سىبايلاس جەمقورلىققا مۇلدەم توزبەۋشىلىك اتموسفەراسىن قۇرۋى قاجەت» دەدى ءمينيستردىڭ ورىنباسارى.

سەمينارعا سپيكەرلەر رەتىندە قاتىسقان مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ، باس پروكۋراتۋرانىڭ، قاراعاندى ​​مەن پاۆلودار وبلىستارىنىڭ ءدىن ىستەرى جونىندەگى باسقارمالارىنىڭ جانە قازاقستان ءمۇسىلماندارى دىني باسقارماسىنىڭ، ەلىمىزدەگى پراۆوسلاۆ جانە كاتوليك شىركەۋلەرىنىڭ وكىلدەرى بايانداما جاسادى. مەملەكەتتىك ورگانداردىڭ وكىلدەرى قازاقستانداعى زاڭناما بۇزۋشىلىقتارىنىڭ الدىن الۋ جانە وسى باعىتتا اتقارىلىپ جاتقان شارالاردىڭ وڭ ناتيجەلەرىن جەتكىزدى. ءدىني ەكسترەميزمنىڭ الدىن الۋ جونىندەگى جۇمىستى ۇيىمداستىرۋ سالاسىنداعى قۇقىق بۇزۋشىلىقتاردى بولدىرماۋ ماقساتىندا قاتىسۋشىلارعا تاجىريبەگە ەنگىزىلگەن تەتىكتەر (مەحانيزمدەر) تۋرالى، اتاپ ايتقاندا، مونيتورينگ، سىبايلاس جەمقورلىق تاۋەكەلدەرىن تالداۋ، ستاندارتتار، قارجىلىق باقىلاۋ شارالارى جانە ت.ب. بويىنشا تۇسىندىرمەلەر بەرىلدى. ءدىني قىزمەتكەرلەر ءاربىر الەمدىك جانە ءداستۇرلى دىندە ادامنىڭ ءومىرىن رەتتەيتىن، ونىڭ ەتيكالىق ستاندارتتارىن كورسەتەتىن نۇسقاۋلار بار ەكەنىن جانە ولار ءارتۇرلى بولسا دا، جالپى ماعىناسى جەمقورلىقتان باس تارتۋ ەكەنىن اتاپ كورسەتتى.

سەمينار بارىسىندا قاتىسۋشىلار ءدىني ەكسترەميزمنىڭ الدىن الۋ جونىندەگى جۇمىستى ۇيىمداستىرۋ سالاسىنداعى زاڭ بۇزۋشىلىقتىڭ الدىن الۋ جانە جولىن كەسۋ بويىنشا اشىق ديالوگ جۇرگىزىپ، ناتيجەلى پىكىر الماستى.

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار