ايماقتار • 12 اقپان، 2019

شىمكەنتتە «باسپاناعا جول» قايىرىمدىلىق اكتسياسى باستالدى

273 رەتكورسەتىلدى

جۋىردا عانا شىمكەنتتەگى كوپبالالى انانىڭ ۋاقىتشا پاتەرگە ورنالاسۋىنا دەمەۋشىلىك جاساعان قمدب-نىڭ شىمكەنت قالاسى بويىنشا وكىلدىگى تاعى ءبىر جاعىمدى جاڭالىقپەن قۋانتىپ وتىر.

مۇنان بىلاي ءدىني باسقارمانىڭ شىمقالاداعى وكىلدىگى مەن «زەكەت» قورى بىرلەسىپ «باسپاناعا جول» قايىرىمدىلىق اكتسياسىن ۇيىمداستىرۋدى قولعا الادى.

تۇڭعىش رەت جاسالىنىپ جاتقان «باسپاناعا جول» قايىرىمدىلىق اكتسياسىنىڭ ماقساتى قيىنشىلىق قىسپاعىندا قالعان كوپبالالى وتباسىلارعا كومەكتەسۋ. ال، اكتسياعا جاعدايى تومەن، جەكە باسپاناسى جوق، پاتەر جالداپ تۇراتىن، جۇمىسسىز وتىرعان، اسىراۋشىسىنان ايىرىلعان جاندار قاتىسا الادى. وسىنداي جاعدايعا تۇسكەن وتباسىلارعا دەمەۋشىلەر ەسەبىنەن از دا بولسا پاتەر اقىلارىنا قول ۇشىپ بەرىپ، الەۋمەتتىك سىناقتان ءوتىپ كەتۋىنە جاردەمدەسەدى

قازىرگى تاڭدا شىمكەنت قالاسى بويىنشا وكىل يمام باقتىباي قاجى قىدىرباي ۇلى تاراپىنان ءتيىستى تاپسىرمالار بەرىلىپ، شارانى تۇراقتى ۇيىمداستىرۋ قالالىق «زەكەت» قورىنىڭ جەتەكشىلەرىنە جۇكتەلدى. ەندىگى كەزەكتە قايىرىمدىلىق شارالار شاھارداعى اباي، ءال-فارابي، ەڭبەكشى جانە قاراتاۋ اۋداندارىنىڭ مەشىتتەرىندە يمامداردىڭ قاتىسۋىمەن ءوتىپ تۇراتىن بولادى.

نۇرشات توكەن،

«Egemen Qazaqstan»

شىمكەنت

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار