قازاقستان • 12 اقپان، 2019

كاسپيوڭىرلىك كاسىپكەرلىك ورتالىعى اشىلادى

297 رەتكورسەتىلدى

جاستار جىلىنىڭ اياسىندا Yessenov University قابىرعاسىندا «جاس عالىمدار» كەڭەسى»، «جاس زەرتتەۋشىلەر كلۋبى»، «جاس كاسىپكەرلەر قاۋىمداستىعى»، بولاشاق زاڭگەرلەردەن قۇرىلعان «زاڭ كلينيكاسى» اشىلادى. اتالعان ۇجىمدىق توپتار الەمدىك عىلىمي-ءبىلىم بەرۋ كەڭىستىگىندە سۇرانىسقا يە بولاتىن جاس ماماندار دايارلاۋعا كۇش سالادى. 

بۇگىنگى تاڭدا وقۋ ورنىندا جاس كاسىپكەرلەر قاۋىمداستىعىنداعى بەس ستۋدەنتتىڭ ستارتاپ جوباسى قولداۋ تاپقان، ولار - بيوپاكەت جوباسى، ءوزىن ءوزى قۋاتتاندىراتىن اۆتوكولىك، اقىلدى تاياقشا، ماڭعىستاۋدا وسەتىن جەنشەن جانە ەمدىك سابىن شىعارۋ جوبالارى. قازىر بۇل جوبالاردى ەكونوميكالىق تۇرعىدان قولداۋ مەن نارىققا قالاي شىعارۋ جولدارىن اتالمىش ۋنيۆەرسيتەت جانىنان قۇرىلاتىن كاسپيوڭىرلىك كاسىپكەرلىك ورتالىعى ارقىلى ىزدەستىرىپ، جاستاردىڭ يدەياسىن ودان ءارى دامىتۋ جولىنداعى جۇمىستار جۇرگىزىلۋدە.

وقۋ ورنى رەكتورىنىڭ ايتۋىنشا، ۋنيۆەرسيتەت ازىرگە كاسىپكەرلىك جوبالاردى قولداۋدا ۋنيۆەرسيتەت ستۋدەنتتەرىمەن شەكتەلىپ وتىر، بولاشاقتا ماڭعىستاۋ وڭىرىنە قىزمەت ەتۋدى جوسپارلاعان. ياعني، اشىلاتىن ورتالىققا ماڭعىستاۋلىق كەز كەلگەن جاس ءوزىنىڭ جوباسىمەن كەلە الاتىنداي جاعداي جاسالادى. سونداي-اق، مامىر ايىندا ۋنيۆەرسيتەت قابىرعاسىندا كاسپي ايماعى ەلدەرى ۋنيۆەرسيتەتتەرىنىڭ ستۋدەنتتەرى اراسىندا «جاس كاسىپكەرلەر» حالىقارالىق فورۋمىن وتكىزۋ جوسپارلانعان.

سونىمەن قاتار ستۋدەنتتەردىڭ شىعارماشىلىق ويلاۋ قابىلەتتەرىنىڭ اشىلۋىنا، زياتكەرلىك جانە شىعارماشىلىق مۇمكىندىكتەرىنىڭ، كوشباسشىلىق قابىلەتتەرى مەن دارىندىلىعىن، اقپاراتتىق مادەنيەتىن قالىپتاستىرۋعا ىقپال ەتۋ ماقساتىندا ۋنيۆەرسيتەتتە ءارتۇرلى شىعارماشىلىق ۇيىرمەلەر، اتاپ ايتقاندا دومبىراشىلار ۇيىرمەسى، ستۋدەنتتىك تەاتر ۇيىرمەسى، بي ءانسامبلى، ۆوكال جانە كوركەمسوز وقۋ، سونداي-اق، ديزاين ۇيىرمەلەرى جۇمىس جاسايدى.

گۇلايىم شىنتەمىرقىزى،

«ەگەمەن قازاقستان»

ماڭعىستاۋ وبلىسى

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار