قازاقستان • 12 اقپان، 2019

تۇگەندەۋ ناتيجەسىندە ارتىق الاڭدار انىقتالدى

273 رەتكورسەتىلدى

ماڭعىستاۋ وبلىسى بويىنشا مەملەكەتتىك ورگانداردىڭ اۋماقتىق بولىمشەلەرى ورنالاسقان ارتىق الاڭداردى وڭتايلاندىرۋ بويىنشا وبلىستىڭ مەملەكەتتىك ورگاندارى ورنالاسقان الاڭدارعا تۇگەندەۋ جۇرگىزىلگەن بولاتىن. بۇل تۋرالى ماڭعىستاۋ وبلىستىق وڭىرلىك كوممۋنيكاتسيالار قىزمەتىندە وتكەن بريفينتە مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ اۋماقتىق دەپارتامەنتىنىڭ سىبايلاس جەمقورلىق پروفيلاكتيكاسىنىڭ باس مامانى نۇرگۇل مۇقاتاي مالىمدەدى.

تۇگەندەۋ جۇمىستارى پرەزيدەنتتىڭ 2018 جىلعى 5 قازانداعى حالىققا جولداۋىندا ايتىلعان تاپسىرماسى بويىنشا، قارجى مينيسترلىگىنىڭ جانە مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ «مەملەكەتتىك ورگانداردىڭ الاڭدارمەن قامتاماسىز ەتۋدىڭ زاتتاي نورمالارىن ساقتاماۋلارىن انىقتاۋ بويىنشا جۇمىستاردى بىرلەسىپ جۇرگىزۋ تۋرالى» بىرلەسكەن بۇيرىعى نەگىزىندە اگەنتتىكتىڭ اۋماقتىق دەپارتامەنتى وبلىستىق مەملەكەتتىك م ۇلىك جانە جەكەشەلەندىرۋ دەپارتامەنتىنىڭ، وبلىس اكىمدىگىنىڭ قارجى باسقارماسىنىڭ ماماندارىمەن بىرلەسىپ جۇرگىزىلدى.

تۇگەندەۋ بارىسىندا 232 مەملەكەتتىك مەكەمە قامتىلدى، ولاردىڭ ىشىندە 60  ورتالىق مەملەكەتتىك ورگاندار، 172 - جەرگىلىكتى اتقارۋ ورگاندارى بار. جۇمىس توبى مەملەكەتتىك ورگانداردىڭ الاڭدارمەن قامتاماسىز ەتۋدىڭ نورمالارىن ساقتاماۋى بويىنشا 7142،485 شارشى مەتردى انىقتادى. باسشىلاردىڭ قىزمەتتىك بولمەلەرى بويىنشا ارتىق الاڭدارى - 4130،9 ش.م.

2685،53 ش.م ارتىق الاڭ ءتۇرلى سەبەپتەرگە بايلانىستى وڭتايلاندىرۋعا جاتپايدى. ونىڭ سەبەپتەرى: ارتىق الاڭنىڭ كولەمىنىڭ تىم از بولۋى، عيماراتتىڭ ىشكى قۇرىلىسىنىڭ ەرەكشەلىكتەرى. سوندىقتان ولاردى ىقشامداۋ تۋرالى ۇسىنىس بەرۋ مۇمكىن بولماي وتىر. سونىمەن بىرگە، ارتىق الاڭى بار كەيبىر بالانس يەلەرى ىشىندە ەرەكشە رەجيمدەگى قۇقىق قورعاۋ ورگاندارى دا بار.

قاتارداعى اكىمشىلىك قىزمەتكەرلەردى نورماعا سايكەس ورنالاستىرۋ ماقساتىندا انىقتالعان ارتىق الاڭداردى باسقا قۇرىلىمدىق بولىمشەلەرگە بەرۋ، جالعا بەرۋ ارقىلى ارتىق ورنالاسىپ وتىرعان 379،25 ش.م كولەمىندەگى الاڭدى ماقساتتى جۇمساپ، كەمشىلىكتى جويۋعا بولادى. جۇرگىزىلگەن تۇگەندەۋ بارىسىندا بوساتىلعان الاڭدار بويىنشا وبلىستىڭ كوممۋنالدىق مەنشىگىنە بەرۋ تۋرالى ۇسىنىستار كەلتىرىلدى. اتالعان شارا ناتيجەسىندە جىل سايىن 1 049 000 تەنگە ۇنەمدەۋ بيۋدجەت قورىنا تۇسەدى دەپ كۇتىلۋدە.

تۇگەندەۋدىڭ ناتيجەسى بويىنشا وڭىردە انىقتالعان ارتىق الاڭداردىڭ 3303، 465 شارشى مەترى وڭتايلاندىرۋعا جاتادى.

جەرگىلىكتى اتقارۋ ورگاندارىنىڭ ۇسىنعان اقپاراتىنا سايكەس، تۇگەندەۋ ناتيجەسىندە انىقتالعان 299،7 ش.م. ارتىق الاڭدارعا باسقا مەملەكەتتىك زاڭدى تۇلعالاردى ورنالاستىرۋعا نەمەسە م ۇلىكتىك جالعا بەرۋ ماسەلەسى قاراستىرۋدا.

گۇلايىم شىنتەمىرقىزى،

«ەگەمەن قازاقستان»

ماڭعىستاۋ وبلىسى

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار