قازاقستان • 12 اقپان، 2019

ب. ساعىنتاەۆ وبلىس اكىمدەرىنە سۋ تاسقىنىنىڭ الدىن الۋ ءۇشىن تاپسىرمالار جۇكتەدى

217 رەتكورسەتىلدى

بۇگىن ۇكىمەت وتىرىسىندا پرەمەر-مينيستر باقىتجان ساعىنتاەۆ سۋ تاسقىنى قاۋپىنە بايلانىس اكىمدەرگە بىرقاتار تاپسىرما بەردى.

«قازگيدرومەتتىڭ بولجامى بويىنشا كەيبىر وزەندەردە ىلعال قورى نورمادان اسىپ تۇر. قار ءالى دە جاۋىپ جاتىر. ونىڭ ۇستىنە قازىر بولجامداردان كورىپ وتىرمىز، اقپاننىڭ ءۇشىنشى ونكۇندىگىندە اۋا تەمپەراتۋراسى كوتەرىلەدى دەپ كۇتىلۋدە. وسىعان دايىن بولۋمىز قاجەت. سول سەبەپتى اكىمدەرگە بىرقاتار تاپسىرما بار. ء«بىرىنشى -تاسقىن قاۋپىنىڭ الدىن الۋ جانە جويۋ بويىنشا جول كارتاسىن ساپالى قامتاماسىز ەتۋ. جۇمىستى ۇيلەستىرۋ ىشكى ىستەر مينيسترلىگىنە جۇكتەلەدى»، - دەدى ۇكىمەت باسشىسى.

ەكىنشىدەن، ب.ساعىنتاەۆ اكىمدەرگە يەسىز گيدروقۇرىلعىلاردى كوممۋنالدىق مەنشىككە بەرۋ جۇمىستارىن اياقتاۋدى تاپسىردى.

ء«ۇشىنشى - سۋ قورعاۋ ايماقتارى مەن بەلدەۋلەرىندە تۇراتىن ادامدار مەن نىسانداردى قاۋىپسىز جەرگە كوشىرۋ. ءتورتىنشى، ىشكى ىستەر مينيسترلىگى اكىمدەرمەن بىرلەسىپ، سۋ تاسقىنى ماۋسىمىنا كۇشتەر مەن قۇرالداردىڭ تولىق دايىندىعىن، قاۋىپ تونگەن جاعدايدا حالىقتى ۋاقىتىلى حاباردار ەتۋدى قامتاماسىز ەتەتىن بولسىن. توتەنشە جاعداي بولعاندا شۇعىل شارا قولدانۋ قاجەت. بۇل ماسەلەلەردىڭ بارلىعى، اسقار ۇزاقباي ۇلى، ءسىزدىڭ باقىلاۋىڭىزدا»، - دەدى باقىتجان ساعىنتاەۆ.

سوڭعى جاڭالىقتار

ۇقساس جاڭالىقتار