12 اقپان، 2019

جەزقازعاندا «65 يگى ءىس» جوسپارى جۇزەگە اسىرىلادى

600 رەتكورسەتىلدى

ەلىمىزدىڭ وركەندەۋىنە وزىندىك ۇلەس قوسىپ كەلە جاتقان جەزقازعان شاھارى قالا مارتەبەسىن 1954 جىلدىڭ 20 جەلتوقسانىندا العان. ياعني، بيىل مىستى ولكە استاناسى ءوزىنىڭ 65 جىلدىق بەلەسىن اتاپ وتەدى.

وسى مەرەيلى مەجەگە بايلانىستى جەزقازعان قالاسىندا «65 يگى ءىس» دەپ اتالعان جوسپاردىڭ قۇرىلعانى تۋرالى قالا اكىمى قايرات بەگىموۆ ەسەپتىك كەزدەسۋ بارىسىندا مالىمدەدى.

– 2019 جىلى بىزگە قىرۋار جۇمىس اتقارۋعا تۋرا كەلەدى. سەبەبى، بۇل جىل ماڭىزدى، قوعامدىق-ساياسي، تاريحي ءمانى بار وقيعالارعا تولى. ول – «جاستار جىلى» جانە جەزقازعاننىڭ 65 جىلدىق مەرەيتويى، – دەدى قالا باسشىسى. – بۇل ءوزىمىزدىڭ جەتىستىكتەرىمىزدى كورسەتۋگە جانە تۋعان ولكەمىزدى وركەندەتۋ جولىندا  كۇشىمىزدى شوعىرلاندىرۋعا مۇمكىندىك بەرەدى. 

قالا اكىمى «65 يگى ءىس» جوسپارى نەگىزىندە جۇزەگە اسىرىلماقشى   جوبالاردىڭ ماڭىزدىلارىن اتاپ ءوتتى. ولاردىڭ ىشىندە جاڭا كوپقاباتتى تۇرعىن ءۇيدىڭ قۇرىلىسى، كەڭەس بەرۋ-دياگنوستيكالىق ورتالىقتىڭ اشىلۋى، عارىشكەرلەر گۇلزارىن، «جاستار» ساياباعىن، ق.ساتباەۆ اتىنداعى الاڭدى قايتا قالپىنا  كەلتىرۋ سياقتى شاراپاتتى شارۋالار بار. سونداي-اق، 2019 جىلى جەزقازعاندا 900 وقۋشىعا ارنالعان، جوبالىق قۇنى 1،9 ملرد تەڭگە بولاتىن جاڭا مەكتەپ سالىنادى. بۇعان قوسا، شاعىن جانە ورتا بيزنەس نىساندارىن دا كوپتەپ اشۋ جوسپاردا بار.

جەزقازعاندىقتار مەملەكەت باسشىسىنىڭ تاپسىرماسى بويىنشا قولعا الىنعان «سارىارقا» گاز قۇبىرى ماگيسترالىنىڭ قۇرىلىسىنا ۇلكەن ءۇمىت ارتىپ وتىر. «گاز قۇبىرىن تارتۋ شالعايداعى تۇرعىنداردىڭ تۇرمىستىق جاعدايىن جاقسارتۋعا مۇمكىندىك بەرەدى جانە ايماعىمىزدىڭ دامۋىنا وڭ اسەرىن تيگىزەدى»، دەيدى جازقازعان قالاسىنىڭ اكىمى.

جەزقازعان ءۇشىن مەرەيلى جىلدا الەۋمەتتىك سالانىڭ دامۋىنا ەرەكشە كوڭىل بولىنبەك. مىسالى، قالاداعى ەكى مەكتەپتە ءىت-كابينەتتەر جابدىقتالاتىن بولادى. التى مەكتەپتە جابدىقتار مەن اسحانالارداعى جيھازدار جاڭارتىلىپ، سپورت قۇرالدارى ساتىپ الىنادى دەپ جوسپارلانعان. سونىمەن قاتار، الداعى ۋاقىتتا جاڭا سپورت نىساندارى – 320 ورىنعا ارنالعان دەنە شىنىقتىرۋ-ساۋىقتىرۋ كەشەنى، سپورتتىڭ ەسكەك ەسۋ تۇرىنە ارنالعان كەشەن، تاەكۆوندو ورتالىعى بوي كوتەرمەكشى. ولاردىڭ قۇرىلىسى بيىل باستالادى. 

قالا باسشىلىعى مەملەكەت-جەكەمەنشىك ارىپتەستىگى نەگىزىندە بيزنەس وكىلدەرىمەن قارىم-قاتىناستى دۇرىس جولعا قويا بىلگەن. وسى جۇيە اياسىندا كاسىپكەرلەر بيىل جالپى سوماسى 5 ملرد تەڭگە بولاتىن جوبالاردى جۇزەگە اسىرماقشى ەكەن. ياعني، جەزقازعان قالاسىنىڭ كەلبەتىن جاڭعىرتىپ، ونىڭ كوشەلەرىن جارىقتاندىرۋ مەن اباتتاندىرۋ باعىتىندا يگى ىستەر قولعا الىنادى. سونىمەن قاتار، قالادا جاڭا سۋپەرماركەت بوي كوتەرەدى. كاسىپكەرلەردىڭ ۋادەسى بويىنشا، بۇل ساۋدا ورنىندا الەۋمەتتىك-باعدارلانعان باعالار قويىلاتىن  بولادى.

ءبىر سوزبەن ايتقاندا، ەلباسىنىڭ تىكەلەي تاپسىرماسى بويىنشا سوڭعى كەزدەرى جاسارا، جاڭعىرا تۇسكەن جەزقازعان قالاسى ءوزىنىڭ 65 جىلدىق تاريحي بەلەسىن بەرەكەلى تىرلىكپەن، لايىقتى تارتۋلارمەن قارسى الۋعا بەت تۇزەگەن.

قايرات ءابىلدا،

«ەگەمەن قازاقستان»

قاراعاندى وبلىسى، جەزقازعان قالاسى

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

ۇقساس جاڭالىقتار