12 اقپان، 2019

تالدىقورعاندا كاسىبي باعدارلاۋ تاقىرىبىندا دوڭگەلەك ۇستەل ءوتتى

283 رەتكورسەتىلدى

تالدىقورعان قالاسىنداعى نازارباەۆ زياتكەرلىك مەكتەبىندە «جاستاردى كاسىبي باعدارلاۋ ماسەلەلەرى: قازىرگى جاعداي جانە ولاردىڭ جۇزەگە اسۋ جولدارى» تاقىرىبىندا دوڭگەلەك ۇستەل ءوتتى.

ءىس-شارا بارىسىندا «Didakt-kz» كاسىبي باعىت-باعدار بەرۋ جانە مانساپتى جوسپارلاۋ ورتالىعىنىڭ ماماندارى قاتىسىپ، تاجىريبەلەرىن ورتاعا سالدى.

- ءبىز جاستار اراسىندا جىل سايىن ارنايى الەۋمەتتىك زەرتتەۋ جۇرگىزەمىز. ناتيجەسىنە قاراپ، مەكتەپ بىتىرۋشىلەرى وزدەرىنىڭ مۇمكىندىكتەرىن، تاڭداعان كاسىپتەرىنە قاتىستى تالاپتاردى جانە ەڭبەك نارىعىن جەتكىلىكسىز تۇسىنەتىنىن بايقايمىز. قازىرگى كۇنى وقۋشىلاردىڭ كاسىپتىك باعىتىن جىلدام ايقىنداۋ  – زامان تالابى. ويتكەنى ءار 2-3 جىل سايىن جاڭا ماماندىقتار پايدا بولادى. وسىنداي جاعدايلاردا ءبىز بالالاردىڭ مەتاداعدىلارىن دامىتۋىمىز كەرەك، - دەيدى «Didakt-kz» كاسىبي باعىت-باعدار بەرۋ جانە مانساپتى جوسپارلاۋ ورتالىعىنىڭ ديرەكتورى گۇلبارام ادامباەۆا.

جەتىسۋ مەملەكەتتىك ۋنيۆەرسيتەتىنىڭ ستۋدەنتتەرى مەن جوعارى سىنىپ وقۋشىلارى قاتىسقان دوڭگەلەك ۇستەلدە تالدىقورعان قالالىق اكىمدىگى، ءبىلىم ءبولىمى مەن كاسىپكەرلەر پالاتاسىنىڭ وكىلدەرى دە ءسوز الىپ، ماماندىق تاڭداۋ مەن جۇمىستا جەتىستىككە جەتۋ جولدارى جايلى اڭگىمەلەدى.

سونداي-اق دونگەلەك ۇستەلدە 8-9 سىنىپ وقۋشىلارى مەن ولاردىڭ اتا-انالارىنا ارنالعان كاسىبي باعدار بويىنشا دياگنوستيكالىق تەست، «ح ادامدار: ماماندىقتار الەمىنە ساياحات» اتتى اۋقىمدى كۆەست ويىنى دا ۇيىمداستىرىلدى.

قالماحانبەت مۇقامەتقالي،

«Egemen Qazaqstan»

الماتى وبلىسى

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

ۇقساس جاڭالىقتار