قازاقستان • 12 اقپان، 2019

«جاسىل» ينۆەستيتسيا كولەمى – 80،2 ميلليارد تەڭگە

351 رەتكورسەتىلدى

الدىن الا ەسەپتەۋلەر بويىنشا، 2018 جىلى قورشاعان ورتانى قورعاۋعا باعىتتالعان ينۆەستيتسيا كولەمى 2 جارىم ەسەگە ءوسىپ، 80،2 ميلليارد تەڭگەنى قۇرادى. Finprom.kz-ءتىڭ حابارلاۋىنشا، بۇل اتالعان سالاعا قۇيىلعان كاپيتال كولەمى بويىنشا رەكوردتىق كورسەتكىش.

بۇعان دەيىن 2014 جىلى وسى باعىتقا 78،7 ميلليارد تەڭگە قاراجات بولىنگەن ەكەن. 2017 جىلعى كورسەتكىش 32 ميل­ليارد تەڭگە شاماسىندا. 

ساراپشىلار جىل ساناپ ۇلتتىق ەكو­نو­ميكاداعى «جاسىل» تەحنولو­گيالاردىڭ باسەكەگە قابىلەتتىلىگى ارتىپ كەلە جاتقانىن ايتادى. 2050 جىلعا قاراي «جاسىل» ەكونوميكاعا كوشۋدىڭ ناتيجەسىندە ىشكى جالپى ءونىمدى قوسىمشا 3 پايىزعا ءوسىرىپ، 500 مىڭنان استام جاڭا جۇمىس ورنىن اشۋعا، ونەركاسىپ پەن قىزمەت كورسەتۋ سالاسىندا جاڭا باعىتتاردى قالىپتاستىرۋعا، حالىقتىڭ تۇرمىس ساپاسىنىڭ جاڭا جوعارى ستاندارتتارىن جاساۋعا قول جەتكىزىلمەك. 2020 جىلعا قاراي ەلەكتر ەنەرگياسىن وندىرۋدەگى جەل ەنەرگياسى ستانسالارى مەن كۇن ەنەرگياسى ستانسالارىنىڭ ۇلەسىن 3 پايىزعا جەتكىزۋ مىندەتى العا قويىلىپ وتىرعانىن ايتا كەتۋ كەرەك. 

«جاسىل» ەكونوميكاعا سالىنعان ينۆەستيتسيا كولەمى بويىنشا اقمولا وبلىسى ايماقتار اراسىندا الدىڭعى ورىندا تۇر. 2017 جىلى وبلىستا وسى باعىتقا 3،8 ميلليارد تەڭگە جۇمسالسا، بىلتىر بۇل كورسەتكىش 6 جارىم ەسەگە ءوسىپ، 25،7 ميللياردقا جەتىپتى. 

ەكىنشى ورىندا – 12،7 ميلليارد تەڭگە كورسەتكىشپەن جامبىل وبلىسى تۇرسا، ۇشتىكتى 9،1 ميلليارد تەڭگەمەن اتىراۋ وبلىسى تۇيىندەپتى. 

بۇگىنگى تاڭدا ەلىمىزدە جاڭعىرمالى ەنەرگيا وندىرەتىن 65 نىسان بار ەكەن. Finprom.kz حابارلاعانداي، بۇل نىسانداردىڭ 12-ءسى جەل ەلەكتر ستانساسى، 19-ى كۇن ەلەكتر ستانساسى، 33-ءى گيدروەلەكتر ستانسا، تاعى 1-ەۋى – بيوگاز قوندىرعىسى. 2018 جىلدىڭ العاشقى جارتىسىندا 65 نىساننان بارلىعى 629،5 ميلليون كۆت-ساع ەلەكتر ەنەرگياسى وندىرىلگەن. 

قازىرگى تاڭدا اقمولا وبلىسىندا قۋاتى 50 مۆت بولاتىن «استانا ەكسپو-2017» جەل ەلەكتر ستانساسى سالى­نىپ جاتىر. بۇل ىسكە قوسىلعاننان كەيىن اۋاعا تارالاتىن پارنيك گازىنىڭ كولە­مىن جىلىنا 230 مىڭ تونناعا ازايتۋ­عا ءتيىس. «استانا ەكسپو-2017»-نىڭ قۋاتى 10 مىڭنان استام وتباسىن جاڭعىر­مالى ەنەرگيامەن قامتاماسىز ەتۋگە جەتەدى. 

اقمولا وبلىسىنداعى جوباعا «قازىنا كاپيتال مەنەدجمەنت» اق 3،6 ميلليارد تەڭگە قاراجات ءبولىپتى. قۇرىلىسىنا جالپى كولەمى 45 ميل­لياردتان استام قاراجات جۇمسالاتىن جەل ەلەكتر ستانساسىنا قازاقستاننىڭ دامۋ بانكى مەن ونىڭ ەنشىلەس كاسىپورنى «برك-ليزينگ» ينۆەستيتسيا بولگەنىن اتاپ وتكەن ءجون. 

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار