قازاقستان • 11 اقپان، 2019

ە. دوساەۆ ەلىمىزدىڭ بىرقاتار ءوڭىرىن ارالادى

260 رەتكورسەتىلدى

مەملەكەت باسشىسىنىڭ بيىلعى 30 قاڭتارداعى ۇكىمەتتىڭ كەڭەيتىلگەن وتىرىسىندا بەرگەن تاپسىرماسى بويىنشا پرەمەر-ءمينيستردىڭ ورىنباسارى ەربولات دوساەۆ جۇمىس ساپارى اياسىندا اقتوبە، باتىس قازاقستان، اتىراۋ جانە ماڭعىستاۋ وبلىستارىندا بولىپ قايتتى.

ساپار بارىسىندا ە. دوساەۆ الەۋمەتتىك ينفراقۇرىلىم نىساندارىمەن تانىسىپ، ەكونوميكانىڭ ناقتى سەكتورىن ساۋىقتىرۋ جانە وڭىرلەردە شاعىن جانە ورتا بيزنەستى دامىتۋ ماسەلەلەرى جونىندە كەڭەس وتكىزدى.

جۇمىس ساپارلارى بارىسىندا ترانسفورماتور زاۋىتى، ماشينا جاساۋ كاسىپورىندارى، روبوتتى دانەكەرلەۋ ادىستەرىن قولدانا وتىرىپ مەتالل قۇراستىرىلىمدارىن شىعارۋ، كەراموگرانيت پەن كەراميكا پليتالار شىعارۋ سەكىلدى ونەركاسىپتىك نىساندار، سونداي-اق ءجۇندى العاشقى وڭدەۋ جانە جۇننەن توقىلعان بۇيىمدار شىعارۋ كەشەنى تەكسەرىلدى.

ءبىلىم بەرۋ جانە دەنساۋلىق ساقتاۋ سالاسىندا كورسەتىلەتىن قىزمەتتەردىڭ ساپاسىنا نازار اۋدارىلدى. وسى ماقساتتا اۋىلدىق جەرلەردەگى دارىندى بالالارعا ارنالعان ينتەرنات، ستۋدەنتتىك جاتاقحانا، كاسىپتىك تەحنيكالىق ءبىلىم بەرۋگە جاڭا تەحنولوگيالار ەنگىزىلىپ جاتقان اگرارلىق-تەحنيكالىق كوللەدج، سونداي-اق كوپبەيىندى ەمحانا مەن سالىنىپ جاتقان پەريناتالدى ورتالىق تەكسەرىلدى.

ءوڭىردىڭ اكتيۆىمەن كەزدەسۋلەردە يندۋستريالاندىرۋدى دامىتۋ قورىتىندىلارى تالقىلاندى، اسىرەسە، وڭدەۋشى سەكتور جۇمىستارى، سونداي-اق مەملەكەت باسشىسىنىڭ حالىقتىڭ تابىسى مەن ءال-اۋقاتىن ارتتىرۋعا باعىتتالعان ناقتى ەكونوميكانى ساۋىقتىرۋعا جانە بيزنەستى دامىتۋعا قاتىستى تاپسىرمالارىن ورىنداۋ ساپاسى تالقىلاندى. بۇدان وزگە، الەۋمەتتىك سالادا جەرگىلىكتى اتقارۋشى ورگاندار جۇزەگە اسىرىپ جاتقان جۇمىستار قارالدى.

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار