قازاقستان • 11 اقپان، 2019

ساپا ستاندارتىنا ساي مەديتسينالىق مەكەمەلەر انىقتالدى

447 رەتكورسەتىلدى

دەنساۋلىق ساقتاۋدى دامىتۋ رەسپۋبليكالىق ورتالىعى ەلىمىزدەگى مەديتسينالىق ۇيىمداردى اككرەديتتەۋ بويىنشا 2018 جىلدىڭ قورىتىندىسىن جاريالادى.

وتكەن جىلى اككرەديتتەۋگە ەلىمىزدەگى 95 مەديتسينالىق ۇيىم قاتىسقان. ونىڭ 65-ءى − مەملەكەتتىك، 30-ى − جەكەمەنشىك مەديتسينالىق ۇيىم. ساراپتامالىق باعالاۋ ناتيجەلەرى بويىنشا قاتىسۋشى ۇيىمداردىڭ 10-ى جوعارى ساناتتى، 43-ءى ءبىرىنشى ساناتتى جانە 38-ءى ەكىنشى ساناتتى مارتەبە العان. ال قالعان 4 مەديتسينالىق ۇيىم سىناقتان سۇرىنگەن.

دەنساۋلىق ساقتاۋدى دامىتۋ رەسپۋب­ليكالىق ورتالىعىنىڭ باس ديرەكتورى اينۇر ايىپحانوۆانىڭ ايتۋىنشا، بۇل اككرەديتتەۋ مەديتسينالىق قىزمەتتىڭ ساپاسى مەن قاۋىپسىزدىگىن ارتتىرۋدا ەرەكشە ءرول اتقارادى. «دۇنيەجۇزىلىك دەن­ساۋلىق ساقتاۋ ۇيىمىنىڭ اقپا­راتىنا سۇيەنسەك، دامۋشى ەلدەردە مەدي­تسينالىق قىزمەتتىڭ 70-80 پايىزى ساپاسىز كورسەتىلەدى. مەديتسينالىق ۇيىم­داردى اككرەديتتەۋ الەمدە بار باعا­لاۋ جۇيەسى. تمد ەلدەرىنىڭ ىشىندە تەك قازاقستاندا 2009 جىلدان بەرى جۇ­مىس ىستەپ كەلەدى. وكىنىشكە قاراي، ەلى­مىزدەگى 1378 مەديتسينالىق ۇيىمنىڭ قا­زىرگە دەيىن 30 پايىزى عانا اككرەديت­تەۋگە قاتىستى. ولار ساپالى ءارى قاۋىپسىز قىزمەت كورسەتۋ تالاپتارىن تولىق ورىندايتىنىن دالەلدەۋى ءۇشىن 3 جىلدا ءبىر رەت ەرىكتى تۇردە تەكسەرۋدەن ءوتىپ تۇرادى. بۇل جۇيە بىلتىردان باستاپ اقىلى تۇرگە اۋىستى. ونى 2017 جىلى حالىقارالىق International Society for Quality in Health Care سەرتيفيكاتىن العان ءبىزدىڭ ورتالىق قولىنا الىپ وتىر. بىزدە 200-دەن استام ساراپشى بار. ولاردى جىلىنا ەكى رەت كۋرستان وتكىزىپ وتىرامىز. ساراپشىلاردىڭ اراسىندا دارىگەرلەردەن بولەك مەدبيكەلەر مەن دەنساۋلىق ساقتاۋدى ۇيىمداستىراتىن اكىمشىلىك ساراپشىلار دا بار»، دەدى ا.ايىپحانوۆا.

سونداي-اق ول بىلتىردان باستاپ اككرەديتتەۋدىڭ تالاپتارى كۇشەيگەنىن جەتكىزدى. «بۇعان دەيىن 200 ءتۇرلى تالاپتى ورىنداعاندارعا كۋالىك بەرىلىپ كەلسە، بىلتىردان باستاپ جاڭا باعالاۋ ۇلگىسىن ەنگىزىپ، 500-دەن استام ستاندارتتى بەلگىلەدىك. وندا مەديتسينالىق قىزمەت كورسەتۋدىڭ جان-جاقتىلىعى، ياعني دارىگەرلەر مەن مەدبيكەلەردىڭ بىلىكتىلىگىنەن باستاپ ءدارى-دارمەك، تازالىق، ءورت قاۋىپسىزدىگى، ءتىپتى ناۋقاسقا دايىندالاتىن استىڭ قاۋىپسىزدىگىنە دەيىن تەكسەرىلەدى. بۇل ەرىكتى شارا بولعاندىقتان اككرەديتتەۋدەن وتپەي قالعان ۇيىمداردىڭ ءوزى الەۋمەتتىك مەديتسينالىق ساقتاندىرۋ قورىمەن كەلىسىمشارت جاساسىپ، ولاردان قارجى الۋعا مۇمكىندىگى بار. ەگەر اككرەديتتەۋ مىندەتتى بولىپ وزگەرەتىن بولسا، جاڭاعى 70 پايىز ۇيىم قاتىسا المايدى دا، حالىقتىڭ قولجەتىمدىلىگى تومەندەپ قالادى. سوندىقتان حالىقارالىق تاجىريبەگە ساي ءاربىر ەل اككرەديتتەۋدى ەنگىزگەننەن كەيىن الدىڭعى 20-30 جىلدا ەرىكتى تۇردە جۇرگىزەدى»، دەدى ورتالىق باسشىسى. 

جيىندا جوعارى ساناتتى العان University Medical Center كق، «ۇلتتىق نەيروحيرۋرگيا ورتالىعى» اق، «ۇلتتىق عىلىمي كارديوحيرۋرگيا ورتالىعى» اق، «ۇلتتىق عىلىمي مەديتسينالىق ورتالىق» اق، «رەپرودۋكتيۆتى مەديتسينا ينستيتۋتى» جشس، «ەكو ورتالىعى» جشس، «ورتالىق قالالىق كلينيكالىق اۋرۋحانا» شجق مكك، «ورتالىق كلينيكالىق اۋرۋحانا» اق، شىمكەنتتەگى «وبلىستىق كلينيكالىق اۋرۋحانا» شجق مكك جانە اقتاۋ قالاسىناعى «Sofie Medgroup/سوفي مەدگرۋپپ» كوپسالالى كلينيكاسى» جشس سياقتى 10 مەديتسينالىق مەكەمەگە اككرەديتتەۋ كۋالىگى تابىستالدى.  

قازىر ەلىمىزدە 413 ۇيىمنىڭ قولدانىستاعى اككرەديتتەۋ مارتەبەسى بار. ولاردىڭ 271-ءى مەملەكەتتىك، 142-ءسى جەكەمەنشىك مەكەمە. دەنساۋلىق ساقتاۋ مينيسترلىگىنىڭ وكىلدەرى، اككرەديتتەۋ جونىندەگى كوميسسيا مۇشەلەرى قاتىسقان باسقوسۋدا 2018 جىلى اككرەديتتەۋگە قاتىسقان مەديتسينالىق ۇيىمداردىڭ ۇزدىك تاجىريبەلەرى ءسوز بولدى.

مايگۇل سۇلتان، 

«Egemen Qazaqstan»

سۋرەتتەر دسدرو ءباسپاسوز قىزمەتىنەن الىندى.

سوڭعى جاڭالىقتار

تويدىڭ سوڭى توپىرلاعان اۋرۋ

ايماقتار • بۇگىن، 10:22

ۇعىنا بىلگەنگە – ۇلت تاعدىرى

ساياسات • بۇگىن، 06:57

كوڭىلگە مەدەت بولعان ماقالا

رۋحانيات • بۇگىن، 06:56

54 ادام جازىلىپ شىقتى

كوروناۆيرۋس • بۇگىن، 06:39

ەل بولىپ ەڭسەرەمىز

ساياسات • بۇگىن، 06:20

بۋمەرانگ

رۋحانيات • بۇگىن، 05:54

قورعاۋشىلارعا دا قولداۋ قاجەت

ايماقتار • بۇگىن، 05:46

تويدىڭ سوڭى توپىرلاعان سىرقات

ايماقتار • بۇگىن، 05:43

اقيرەكتە – ارىستان باب...

تانىم • بۇگىن، 05:33

تەاتردىڭ ونلاين تارتۋى

رۋحانيات • كەشە

ۇقساس جاڭالىقتار