ايماقتار • 11 اقپان، 2019

كاسىپكەرلىك ەرەكشە ىنتالاندىرىلادى

281 رەت كورسەتىلدى

قىزىلوردادا «قر پرەزيدەنتىنىڭ بەس الەۋمەتتىك باستاماسىنىڭ جۇزەگە اسىرىلۋىن باقىلاۋ جونىندەگى» وبلىستىق قوعامدىق كەڭەستىڭ كەزەكتى وتىرىسى ءوتىپ، وندا بەس باستامانىڭ ءتورتىنشىسى «شاعىن نەسيە بەرۋدى كوبەيتۋ» ماسەلەسى قارالدى.

جيىندا وبلىستىق كاسىپكەرلەر پالاتاسىنىڭ ديرەكتورى عالىمبەك جاقسىلىقوۆ:.

- وتكەن جىلى ءبىزدىڭ وبلىسىمىز «بيزنەستى جۇرگىزۋدىڭ جەڭىلدىگى رەيتينگىسى» بويىنشا رەسپۋبليكادا كوش باستادى. رەيتينگ جۇرگىزىلگەن 197 ەلدى مەكەننىڭ العاشقى جەتىلىگىنە ءبىزدىڭ 4 اۋدان جانە قىزىلوردا قالاسى ەندى. سونداي-اق، ايماقتا جۇمىس جاساپ تۇرعان شاعىن جانە ورتا كاسىپكەرلىك سۋبەكتىلەرىنىڭ ءوسىمى بويىنشا دا 2018 جىلى ءبىزدىڭ ءوڭىر رەسپۋبليكادا العاشقى ورىندا بولدى. ءوسىم 13،1 پايىز. وتكەن جىلدىڭ قورىتىندىسىمەن جۇمىس جاساپ تۇرعان شاعىن جانە ورتا كاسىپكەرلىك سۋبەكتىلەرىنىڭ كولەمى تىركەلگەندەرىمەن سالىستىرعاندا 74،9 پايىزدان 82،9 پايىزعا ءوستى،-دەدى.

مەملەكەت باسشىسىنىڭ قازاقستان حالىققا ارناعان جولداۋىندا ەكونوميكانىڭ باسىم باعىتىن نەسيەلەندىرۋدى كەڭەيتۋ تۋرالى تاپسىرما بەرىلدى. بۇل ماقساتتا ەكونوميكانىڭ باسىم سالالارىن نەسيەلەندىرۋگە 600 ملرد.تەڭگە قارجى دا قاراستىرىلىپ وتىر. بۇل باستامانىڭ «بيزنەستىڭ جول كارتاسى» باعدارلاماسىنان ەرەكشەلىگى ءىرى كاسىپكەرلىك سۋبەكتىلەرى دە قاتىسا الادى.  جيىندا وسى مۇمكىندىكتەردى ءتيىمدى پايدالانۋدىڭ جولدارى تالقىلاندى.

باقتيار تايجان،

«Egemen Qazaqstan»

 قىزىلوردا وبلىسى

سوڭعى جاڭالىقتار

ZOOM اكتسيالارى قىمباتتادى

تەحنولوگيا • بۇگىن، 18:02

اپەننين تۇبەگىنە اتتاندى

سپورت • بۇگىن، 16:38

ۇقساس جاڭالىقتار