قازاقستان • 11 اقپان، 2019

دارىلىك زاتتاردىڭ جاعىمسىز اسەرلەرىنە بايلانىستى رەتتەۋ شارالارى جۇرگىزىلەدى

263 رەتكورسەتىلدى

2018 جىلى قازاقستاندا دارىلىك زاتتاردىڭ جاعىمسىز اسەرلەرى جونىندە 3200 حابارلاما تىركەلگەن. بۇل تۋرالى ورتالىق كوممۋنيكاتسيالار قىزمەتى حابارلادى.

«ەگەر ءسىز كورسەتىلىمدەرىنە قاراي جانە دارىگەردىڭ تاعايىنداۋى بويىنشا ەم قابىلداساڭىز، بىراق وسى نەمەسە باسقا پرەپاراتتى نەمەسە مەديتسينالىق بۇيىمدى قولدانۋدان بولعان جاعىمسىز اسەردى بايقاساڭىز، ونداي جاعدايدا ەمدەۋشى دارىگەرىڭىزبەن بىرگە دارىلىك زاتتاردى ۇلتتىق ساراپتاۋ ورتالىعىنىڭ سايتىندا ەلەكتروندىق كارتا-حابارلاما تولتىرۋ ارقىلى حابارلاۋىڭىزعا بولادى» دەپ مالىمدەدى دزۇسو باس ديرەكتورىنىڭ مىندەتىن اتقارۋشى قانات ەرجانوۆ.

دزۇسو ارىقاراي 48 ساعاتقا دەيىنگى مەرزىمدە كەلىپ تۇسكەن دەرەكتەردى تالداپ، كۇردەلى جاعىمسىز رەاكتسيالار تۋرالى فارماتسيا كوميتەتىنە مالىمدەيدى. بەرىلگەن اقپارات پەن جۇرگىزىلگەن ساراپتامانىڭ نەگىزىندە فارماتسيا كوميتەتى رەتتەۋ شارالارىن جانە پرەپاراتتى قولدانۋعا تىيىم سالۋ، اينالىمىن شەكتەۋ، سەرياسىن توقتاتۋ جانە ت.ب. شەشىمدەر قابىلدايدى.

ايتا كەتسەك، 2008 جىلدان باستاپ قازاقستان رەسپۋبليكاسى دۇنيەجۇزىلىك دەنساۋلىق ساقتاۋ ۇيىمىنىڭ دارىلىك پرەپاراتتاردىڭ جاعىمسىز اسەرلەرىن مونيتورينگتەۋ جونىندەگى جاھاندىق باعدارلاماسىنىڭ تولىق قۇقىلى مۇشەسى بولىپ تابىلادى جانە وسى ۇيىمعا ءبىزدىڭ ەلىمىزدەن دەرەكتەر جولدايدى.

سوڭعى جاڭالىقتار

الەمدەگى احۋال قانداي؟

كوروناۆيرۋس • بۇگىن، 10:57

قىزىلوردا: تاعى 3 ادام تىركەلدى

ايماقتار • بۇگىن، 09:57

مما: UFC-ءدى سىنعا الدى

سپورت • بۇگىن، 09:20

جۇدىرىقتاي جۇمىلايىق

رۋحانيات • بۇگىن، 07:45

كاسىپكەرلەر تىلەگى ەسكەرىلدى

بيزنەس • بۇگىن، 07:40

ۇقساس جاڭالىقتار