ايماقتار • 11 اقپان، 2019

قازاقستاندىق كاسىپكەرلەرگە سۋبسيديا ءۇشىن 30 ملرد تەڭگە ءبولىندى

223 رەتكورسەتىلدى

قازاقستاندىق كاسىپكەرلەرگە سۋبسيديا بەرۋ ءۇشىن 30 ملرد تەڭگە ءبولىندى. بۇل – «بيزنەستىڭ جول كارتاسى 2020» مەملەكەتتىك باعدارلاماسى اياسىنداعى باسىمدىق بەرىلگەن جوبالاردىڭ جالپىۇلتتىق جوسپارى» بويىنشا قولجەتىمدى نەسيە مەحانيزمىن جۇزەگە اسىرۋدى كوزدەيدى، دەپ حابارلايدى «دامۋ» كاسىپكەرلىكتى دامىتۋ قورى» اق ءباسپاسوز قىزمەتى. وسىلايشا «دامۋ» قورى قولجەتىمدى نەسيە مەحانيزمىن جۇزەگە اسىرۋعا كىرىستى.

وسى ماقساتتا ەكىنشى دەڭگەيلى بانكتەر ۇلتتىق بانك پەن بىرىڭعاي جيناقتاۋشى زەينەتاقى قورى ەسەبىنەن 600 ملرد تەڭگە الادى.

سىرتتان تارتىلعان جانە بانكتەردىڭ ءوز قاراجاتى كەلەسى باعىتتار بويىنشا باسىمدىق بەرىلگەن جوبالاردى قارجىلاندىرۋعا باعىتتالادى:

ياعني، اگروونەركاسىپ كەشەنىندەگى وڭدەۋگە – 100 ملرد تەڭگە، اگروونەركاسىپ كەشەنىندەگى وندىرىسكە – 100 ملرد تەڭگە، وڭدەۋ ونەركاسىبى مەن قىزمەت كورسەتۋ سالاسى – 400 ملرد تەڭگە بولىنەدى.

ءوز كەزەگىندە ەكىنشى دەڭگەيلى بانكتەرگە قارجى سالۋدىڭ نەگىزگى تالاپتارى تومەندەگىدەي بولادى:

ەدب ءوز كاپيتالىنىڭ مينيمال شەگى – كەم دەگەندە 60 ملرد تەڭگە;

 بەرىلگەن نەسيەنىڭ جالپى جالپى سوماسىنان كەم دەگەندە 17 پايىزى شوب جوبالارىن قارجىلاندىرۋعا جۇمسالادى.

جوبالاردى دامۋ قورى ارقىلى سۋبسيديالاۋ تەك وڭدەۋ ونەركاسىبى مەن قىزمەت كورسەتۋ جانە اگروونەركاسىپ كەشەنىندەگى وڭدەۋ سالاسىنداعى جوبالارعا عانا قاتىستى. بۇل جوبالار «بيزنەستىڭ جول كارتاسى 2020» مەملەكەتتىك باعدارلاماسىنىڭ قازىرگى كەزدەگى تالاپتارىنا ساي كەلۋى كەرەك.

كاسىپكەرلەردى قارجىلاندىرۋدىڭ نەگىزگى تالاپتارى:

بورىشكەرلەر نەسيەسىنىڭ نومينالدى سىياقى مولشەرلەمەسى – جىلىنا 15%-عا دەيىن;

سۋبسيديا كولەمى – نومينالدى سىياقى مولشەرلەمەسىنىڭ 7 پايىزى;

ءبىر بورىشكەرگە بەرىلەتىن ليميت – شەكسىز;

ينۆەستيتسيا ءۇشىن الىنعان نەسيەنى سۋبسيديالاۋ مەرزىمى – 7 جىلعا دەيىن;

قاراجات:

 – اينالىم قاراجاتىن تولىقتىرۋ مەن ينۆەستيتسياعا;

  – قايتا قالپىنا كەلەتىن نەگىزدەگى اينالىم قاراجاتىن تولىقتىرۋعا بەرىلەدى.

 «اتالعان مەحانيزمدى جۇزەگە اسىرۋ بارىسىندا سۋبسيديالاۋ قۇرالدارىن دامىتۋعا قور 30 ملرد تەڭگە الادى. وسىنىڭ ارقاسىندا قازاقستاننىڭ وڭدەۋ ونەركاسىبى جانە اگروونەركاسىپ كەشەنى سالاسىن دامىتىپ، جاڭعىرتۋعا باعىتتالعان جوبالار قارجىلاندىرىلادى»، – دەدى «دامۋ» قورىنىڭ باسقارما توراعاسى اباي سارقۇلوۆ.

قولجەتىمدى نەسيە مەحانيزمىجەكە كاسىپكەرلىك سۋبەكتىلەرى، ونىڭ ىشىندە ەكونوميكانىڭ قازاقستان وڭىرلەرى ءۇشىن باسىمدىق بەرىلگەن سالالارىنداعى جوبالاردىڭ دامۋىنا سەرپىن بەرەدى.

ايناش ەسالي،

«Egemen Qazaqstan»

الماتى

سوڭعى جاڭالىقتار

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

الەمدەگى احۋال قانداي؟

كوروناۆيرۋس • بۇگىن، 10:57

قىزىلوردا: تاعى 3 ادام تىركەلدى

ايماقتار • بۇگىن، 09:57

مما: UFC-ءدى سىنعا الدى

سپورت • بۇگىن، 09:20

ۇقساس جاڭالىقتار