ايماقتار • 11 اقپان، 2019

اقتوبەدە جاڭا جىلىجاي كەشەنى جۇمىس ىستەي باستادى

231 رەتكورسەتىلدى

مەملەكەت باسشىسىنىڭ تاپسىرماسىنا سايكەس، اقتوبە وبلىسىندا ءوڭىردىڭ ازىق-ت ۇلىك قاۋىپسىزدىگىن ارتتىرۋعا جانە ازىق-ت ۇلىك سالاسىنداعى يمپورتتى الماستىرۋعا باعىتتالعان جوبالاردى جۇزەگە اسىرۋ جالعاسۋدا.

اتاپ ايتقاندا، اقتوبە قالاسىندا «گرين كاپيتال» جشس ونەركاسىپتىك ۇلگىدەگى تاعى ءبىر جىلىجاي كەشەنى ىسكە قوسىلدى، وندا قىزاناقتىڭ العاشقى ءتۇسىمى كۇتىلىپ وتىر. 2021 جىلعا دەيىن جىلىجاي كەشەنىنىڭ جالپى اۋدانى 20 گەكتاردان اساتىن بولادى. جوبا بويىنشا جەكە ينۆەستيتسيالاردىڭ كولەمى 20 ملرد. تەڭگەدەن اسادى، بۇگىنگى تاڭدا 7،2 ملرد تەڭگە قاراجات سالىندى. 9 اقپان، سەنبى كۇنى وبلىس اكىمى بەردىبەك ساپارباەۆ اقتوبە قالاسىن جۇمىس ساپارىمەن ارالاۋ بارىسىندا كەشەننىڭ قىزمەتىمەن تانىستى.

جىلىجاي باسشىسى اناستاسيا پوپوۆا: «بۇل سوڭعى كليماتتىق جاعدايلار مەن كونسترۋكتيۆتى شەشىمدەردى قولدانا وتىرىپ جاسالعان سوڭعى ۇلگىدەگى جىلىجاي. العاشقى 5 گەكتاردا تەك قىزاناق وتىرعىزىلدى. ءبىز جىلىنا شامامەن 1،5 مىڭ توننا جيناۋدى جوسپارلاپ وتىرمىز. جىلىجاي قىزاناقتارىنىڭ ەرەكشەلىگى جوق، بىراق ءبىز وسىرگەن نەگىزگى سورتتىڭ ءدامى جوعارى دەپ ماقتانىشپەن ايتۋعا بولادى. ءبىز تابيعي وسىمدىكتىڭ تابيعي مودەلىن عانا قولدانامىز - تابيعي توزاڭدانۋ جانە ەنتوموفاگتار، ياعني ءبارى تابيعاتتاعىداي جاسالادى»، - دەدى وبلىس اكىمىنە.

جىلىجاي كەشەنى كەڭەيتۋدەن كەيىن اقتوبەلىكتەردى تەك قىزاناقپەن عانا ەمەس، كوكونىس، بايالدى جانە ءتاتتى بۇرىشپەن قامتاماسىز ەتەدى. بولاشاقتا كوكونىستەردى ىشكى نارىققا جەتكىزۋدە باسىمدىق ارتىپ، ارتىعى ەكسپورتقا جىبەرىلەدى.

ءوڭىر باسشىسى ءونىم تۇرلەرىن كەڭەيتۋدىڭ جوسپارلارىن ماقۇلدادى.

«بۇل وتە دۇرىس، ويتكەنى اقتوبەدە قاجەتتىلىك تەك قىزاناققا عانا ەمەس»، - دەدى كەشەن ۇجىمىنىڭ ەڭبەگىنە ساتتىلىك تىلەگەن وبلىس اكىمى.

بۇدان سوڭ وبلىس اكىمى «نۇر اقتوبە» تۇرعىن ءۇي الابىندا «نۇرلى جەر» باعدارلاماسى بويىنشا سالىنىپ جاتقان از قاباتتى تۇرعىن ۇيلەردىڭ قۇرىلىس بارىسىمەن تانىستى. اتاپ وتەيىك، وسى مەملەكەتتىك باعدارلامانىڭ اياسىندا بىلتىر وبلىستا 908 مىڭ شارشى مەتردەن استام تۇرعىن ءۇي نەمەسە 7875 جاڭا پاتەر پايدالانۋعا بەرىلدى، ال بيىلعى جىلى ايماق بيلىگى كەم دەگەندە 1 ملن. شارشى مەتر تۇرعىن ءۇيدى تاپسىرۋ مىندەتىن العا قويدى.

سونداي-اق، بەردىبەك ساپارباەۆ قارعالى تۇرعىن ءۇي اۋدانىنداعى ساتپاەۆ كوشەسىنىڭ بويىنداعى كوپىردىڭ جاعدايىن كوردى. بۇعان الەۋمەتتىك جەلى قولدانۋشىلارىنىڭ 2018 جىلى سالىنعان جول وتكەلىنىڭ اعىمداعى جاي-كۇيىنە قاتىستى جازعان شاعىمدارى سەبەپ بولدى. اقتوبە قالاسى اكىمىنىڭ ورىنباسارى ىبىراي كوزباەۆ قۇرىلىسشىلاردىڭ كىشىگىرىم كەمشىلىكتەرگە جول بەرگەنىن راستاپ، ونى مەردىگەر اۋا-رايى جىلىعان سوڭ ءوز ەسەبىنەن تولىعىمەن دۇرىستايتىنىن ايتتى. وبلىس باسشىسى جۇمىس ساپاسىن قاتاڭ قاداعالاۋدى تاپسىردى.

سونىمەن قاتار، وبلىس اكىمى 41-ءشى رازەزد اۋماعىنا بارىپ، بەتون ونىمدەرىن شىعاراتىن زاۋىتتىڭ قۇرىلىس بارىسىمەن تانىستى. جوبانىڭ قۇنى شامامەن 1،5 ملرد. تەڭگەگە جەتەدى. سالىنىپ وتىرعان ينۆەستيتسيا - جەكەنىكى. جوبا كەستە بويىنشا جۇزەگە اسىرىلۋدا. ءوندىرىس اعىمداعى جىلدىڭ تامىز ايىندا ىسكە قوسىلماق.120 ادام تۇراقتى جۇمىس ورنىمەن قامتىلادى.

وبلىس اكىمى باتىس-3 ىقشاماۋدانىنداعى «قىزعالداق» تۇرعىن ءۇي كەشەنىنىڭ قۇرىلىسىمەن دە تانىستى. 3،2 ملرد. تەڭگەنى قۇرايتىن جوبانىڭ تاپسىرىس بەرۋشىسى - «اقتوبە» اكك. تۇرعىن ءۇي كەشەنى جالپى اۋدانى 24 مىڭ شارشى مەتردى قۇرايتىن 305 پاتەرگە ارنالعان ەكى ۇيدەن تۇرادى. قازىرگى ۋاقىتتا ءبىرىنشى ءۇيدىڭ قۇرىلىسى ءجۇرىپ جاتىر، ەكىنشىسىنىڭ قۇرىلىسى ناۋرىز ايىندا باستالادى. ءۇيدىڭ قۇرىلىسىن جىل اياعىنا دەيىن اياقتاۋ جوسپارلانعان.

تەمىر قۇسايىن،

"ەگەمەن قازاقستان"

اقتوبە وبلىسى

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ۇقساس جاڭالىقتار