ايماقتار • 10 اقپان، 2019

پارلامەنت دەپۋتاتتارى شقو-دا 8 اۋداندا كەزدەسۋ وتكىزدى

276 رەتكورسەتىلدى

پارلامەنت ءماجىلىسىنىڭ دەپۋتاتتارى 31 قاڭتار مەن 8 اقپان ارالىعىندا وبلىستىڭ 8 اۋدانى مەن وسكەمەن، سەمەي جانە ريددەر قالالارىندا بولىپ، جۇرتشىلىقپەن كەزدەستى. 

«نۇر وتان» پارتياسى وبلىستىق فيليالىنىڭ ءباسپاسوز قىزمەتىن تاراتقان مالىمەتتەرىنە سۇيەنسەك، حالىق قالاۋلىلارى نۇرتاي سابيليانوۆ، امانجان جامالوۆ، يۆان كليمەنكو، ميحايل چيركوۆ، مۇرات تەمىرجانوۆ جانە سەرگەي زۆولسكي اياگوز، ءۇرجار، كاتونقاراعاي، گلۋبوكوە، شەمونايحا، بورودۋليحا، كوكپەكتى اۋداندارى مەن سەمەي، ريددەر جانە وسكەمەن قالالارىنىڭ تۇرعىندارىمەن جۇزدەسىپ، ۇسىنىس-پىكىرلەرىن تىڭداپتى. دەپۋتاتتاردىڭ قورىتىندى كەزدەسۋى ۇلان اۋدانىنداعى ساراتوۆ اۋىلىندا بولدى.

ەلدى-مەكەندە وتكەن كەزدەسۋگە جۇزدەن استام ادام جينالدى. «كەزدەسۋ بارىسىندا تۇرعىندار ماڭىزدى ماسەلەلەردى كوتەردى. راسىمەن دە، جوعارى ءبىلىم، ورتا كاسىپتىك ءبىلىم بەرۋگە قاتىستى ماسەلەلەر وزەكتى. قازىرگى تاڭدا شارۋاشىلىقتا ەڭبەك ەتەتىن ماماندار جوقتىڭ قاسى. ەگىستىكتە ەڭبەك ەتەتىن، كومباين مەن تراكتور جۇرگىزەتىن ناعىز ماماندار وتە از. وسى رەتتە، وزىممەن بىرگە شىعىس قازاقستان اۋىل شارۋاشىلىعى سالاسىندا ەڭبەك ەتەتىن ازاماتتارىنىڭ اتىنان وننان اسا ۇسىنىس پەن ءوتىنىش حاتتارىن اكەتىپ بارامىن. ولار ءار باعىتتا، ءار ماسەلەگە قاتىستى»، – دەيدى پارلامەنتى ءماجىلىسىنىڭ دەپۋتاتى مۇرات تەمىرجانوۆ.     

امانجان جامالوۆ ءوزىن وسكەمەننىڭ مەديتسيناسى تاڭعالدىرعانىن جاسىرمادى. «انا مەن بالا» ورتالىعىن كورىپ تاڭقالدىم. مۇنداي جوعارى دارەجەدەگى ەمدەۋ مەكەمەلەرى تەك استانادا بار دەپ ويلاۋشى ەدىم. بۇل ورتالىق الەمدە بار سوڭعى ۇلگىدەگى قۇرال-جابدىقتارمەن قامتىلعان. سونداي-اق، وبلىس ورتالىعىندا تمد ەلدەرى ىشىندەگى كەز كەلگەن قيىندىقتاعى وتا جاساۋعا قابىلەتتى روبوت تۇر»، دەيدى دەپۋتات.

ازامات قاسىم،

 «Egemen Qazaqstan»

وسكەمەن

سوڭعى جاڭالىقتار

ديقان ديزەلدى تومەن باعاعا الادى

ەكونوميكا • بۇگىن، 07:11

كوروناۆيرۋسسىز قوستاناي

ايماقتار • كەشە

ۇقساس جاڭالىقتار