پارلامەنت • 08 اقپان، 2019

سەناتورلار سوت جۇيەسىن جاڭعىرتۋ ماسەلەلەرى بويىنشا زاڭ جوبالارىن قارادى

253 رەتكورسەتىلدى

پارلامەنت سەناتىنىڭ كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ كەڭەيتىلگەن وتىرىسىندا «قازاقستان رەسپۋبليكاسى مەن يوردان حاشيميت كورولدىگى اراسىنداعى قىلمىستىق ىستەر بويىنشا ءوزارا قۇقىقتىق كومەك تۋرالى كەلىسىمدى راتيفيكاتسيالاۋ تۋرالى» قازاقستان رەسپۋبليكاسى زاڭىنىڭ جوباسى قارالدى. كەلىسىم 2017 جىلعى 1 قاراشادا استانادا جاسالعان بولاتىن. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.

زاڭ جوباسىنىڭ نەگىزگى ماقساتى ۋاعدالاسۋشى مەملەكەتتەردىڭ قىلمىستىق ىستەر بويىنشا تەرگەۋلەردى، قىلمىستىق قۋدالاۋدى جانە سوت تالقىلاۋىن جۇرگىزۋدە كومەك كورسەتۋى بولىپ تابىلادى.

كەلىسىم كۇدىكتىلەردىڭ جانە ايىپتالۋشىلاردىڭ كىناسىن دالەلدەۋ ءۇشىن قاجەتتى تەرگەۋ ارەكەتتەرىن جۇرگىزۋدى كوزدەيدى. سونىمەن قاتار، قۇقىقتىق كومەك كورسەتۋدىڭ شارتتارى مەن ءتارتىبى جانە ودان باس تارتۋدىڭ نەگىزدەرى ايقىندالعان.

سونداي-اق، «قازاقستان رەسپۋبليكاسى مەن يوردان حاشيميت كورولدىگى اراسىنداعى ادامداردى ۇستاپ بەرۋ تۋرالى كەلىسىمدى راتيفيكاتسيالاۋ تۋرالى» قازاقستان رەسپۋبليكاسى زاڭىنىڭ جوباسى قارالدى.

2017 جىلعى 1 قاراشادا استانادا جاسالعان كەلىسىم ءاربىر ۋاعدالاسۋشى مەملەكەتتىڭ ءوز اۋماعىندا جۇرگەن، ۇستاپ بەرۋگە اكەلەتىن قىلمىسى ءۇشىن سۇراۋ سالۋشى تاراپتىڭ اۋماعىندا قىلمىستىق قۋدالاۋ نەمەسە سوت ۇكىمىن ورىنداۋ ماقساتتارىندا ىزدەۋ سالىنعان ادامدى ۇستاپ بەرۋىنە باعىتتالعان.

سەناتورلار سونىمەن قاتار «قازاقستان رەسپۋبليكاسى مەن يوردان حاشيميت كورولدىگى اراسىنداعى سوتتالعان ادامداردى بەرۋ تۋرالى كەلىسىمدى راتيفيكاتسيالاۋ تۋرالى»   زاڭ جوباسىن قارادى.

كەلىسىمنىڭ ەرەجەلەرىنە سايكەس بەرۋ سوتتالعان ادامنىڭ نەمەسە ونىڭ زاڭدى وكىلىنىڭ جازباشا كەلىسىمى بولعان شارتتاردا جانە بەرۋگە ەكى تاراپتىڭ كەلىسىمى بولعان كەزدە جۇزەگە اسىرىلادى. ءاربىر تاراپ ءوزىنىڭ ۇلتتىق زاڭناماسىنا سايكەس بەرىلگەن سوتتالعان ادامعا قاتىستى كەشىرىم جاساۋدى، راقىمشىلىقتى نەمەسە جازانى جەڭىلدەتۋدى جۇزەگە اسىرۋعا قۇقىلى.

كوميتەت «قازاقستان رەسپۋبليكاسىنىڭ سوت جۇيەسى مەن سۋديالارىنىڭ مارتەبەسى تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى كونستيتۋتسيالىق زاڭىنىڭ جوباسىن تالقىلادى.

زاڭ جوباسىنىڭ ماقساتى سوت جۇيەسىن جاڭعىرتۋ، سۋديا كادرلاردى ساپالى دامىتۋ جانە جاڭارتۋ بولىپ تابىلادى.

كونستيتۋتسيالىق زاڭ جوباسىمەن جوعارعى سوتتىڭ جانە وبلىستىق سوتتاردىڭ جالپى وتىرىستارىنىڭ تورالقالارى جويىلادى. وبلىستىق سوتتىڭ كەڭەيتىلگەن جالپى وتىرىسى ەنگىزىلەدى، وعان وبلىستىق سوتتىڭ سۋديالارى جانە ءتيىستى وبلىستىڭ، رەسپۋبليكالىق ماڭىزى بار قالانىڭ، استانانىڭ اۋداندىق سوتتارىنىڭ سۋديالارى قاتىسادى.

وبلىستىق سوتتىڭ كەڭەيتىلگەن جالپى وتىرىسىنىڭ قۇزىرەتىنە جەرگىلىكتى سوتتىڭ ەكى سۋدياسىن جوعارعى سوتتىڭ كەڭەيتىلگەن جالپى وتىرىسىنا جىبەرۋ ماسەلەلەرىن قاراۋدى، جوعارى سوت كەڭەسىنىڭ، جوعارى سوت كەڭەسى جانىنداعى سوت ءجيۋريىنىڭ جانە كادر رەزەرۆى جونىندەگى كوميسسيانىڭ، جوعارعى سوت جانىنداعى سوت تورەلىگىنىڭ ساپاسى جونىندەگى كوميسسيانىڭ قۇرامىنا سۋديالاردىڭ كانديداتۋرالارىن قاراۋدى جانە جوعارعى سوتتىڭ كەڭەيتىلگەن جالپى وتىرىسىنا ءتيىستى ۇسىنىمدار شىعارۋدى جاتقىزۋ ۇسىنىلادى.

سۋديالارعا قاتىستى تارتىپتىك ىستەردى قاراۋ ءۇشىن جوعارى سوت كەڭەسىنىڭ جانىنان سوت ءجيۋريى قۇرىلادى، ول التى سۋديادان، كەڭەسشى داۋىس بەرۋ قۇقىعى بار جۇرتشىلىق وكىلدەرىنەن جانە سۋديالاردىڭ قاتارىنان جوعارى سوت كەڭەسىنىڭ ءبىر مۇشەسىنەن تۇرادى.

زاڭ جوباسىمەن سوت ءجيۋريىنىڭ سۋدياعا قاتىستى ماتەريالداردى قاراۋى ءۇشىن مىناداي نەگىزدەر بەلگىلەنەدى:

1) جوعارعى سوت توراعاسىنىڭ ۇسىنۋى;

2) وبلىستىق سوتتاردىڭ جانە جوعارعى سوتتىڭ جالپى وتىرىستارىنىڭ شەشىمدەرى;

3) تەكسەرۋلەردىڭ قورىتىندىسى بويىنشا راستالعان، بۇقارالىق اقپارات قۇرالدارىنىڭ جاريالانىمدارىندا قامتىلعان مالىمەتتەر مەن فاكتىلەر، جەكە جانە زاڭدى تۇلعالاردىڭ جولدانىمدارى;

4) سۋديا ادەبى جونىندەگى كوميسسيالاردىڭ شەشىمدەرى.

زاڭ جوباسىمەن اۋداندىق سوت توراعاسىنىڭ، وبلىستىق سوت توراعاسىنىڭ، سوت القالارى توراعالارىنىڭ جانە سۋدياسىنىڭ، جوعارعى سوت سۋدياسىنىڭ جانە سوت القالارى توراعالارىنىڭ لاۋازىمدارىنا كادر رەزەرۆى ەنگىزىلەدى، ونى جوعارى سوت كەڭەسى جانىنداعى كادر رەزەرۆى جونىندەگى كوميسسيا قالىپتاستىرادى. 

سەناتورلار، سونداي-اق «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سوت جۇيەسىن جاڭعىرتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭىنىڭ جوباسىن قارادى.

ء«بىلىم تۋرالى» قازاقستان رەسپۋبليكاسىنىڭ زاڭىنا قازاقستان رەسپۋبليكاسى جوعارعى سوتىنىڭ سوت تورەلىگى اكادەمياسىنا قاتىستى قۇزىرەتىن كوزدەيتىن تولىقتىرۋ ەنگىزىلەدى.

زاڭ جوباسىمەن «قازاقستان رەسپۋبليكاسىنىڭ جوعارعى سوت كەڭەسى تۋرالى» قازاقستان رەسپۋبليكاسىنىڭ زاڭىنا جوعارعى سوت كەڭەسىنىڭ  سۋديالاردى تارتىپتىك تەرىس قىلىقتار جاساعانى ءۇشىن نەمەسە «قازاقستان رەسپۋبليكاسىنىڭ سوت جۇيەسى مەن سۋديالارىنىڭ مارتەبەسى تۋرالى» قازاقستان رەسپۋبليكاسى كونستيتۋتسيالىق زاڭىنىڭ تالاپتارىن ورىنداماعانى ءۇشىن اتقاراتىن لاۋازىمىنان بوساتۋ ماسەلەلەرىن قارايتىنىن جانە سوت جۇيەسىندەگى سۋديا كادرلارىنىڭ جاي-كۇيى تۋرالى جىل سايىنعى ۇلتتىق باياندامانى قالىپتاستىراتىنىن قاراستىراتىن تولىقتىرۋلار كوزدەلەدى.

زاڭ جوباسىمەن كەڭەستىڭ زاڭگەر-عالىمدار مەن ادۆوكاتتار قاتارىنان شىققان مۇشەلەرىنىڭ ەڭبەگىنە اقى تولەۋ بەلگىلەنەدى، ول كەڭەسكە رەسپۋبليكالىق بيۋدجەتتەن بولىنگەن قاراجات ەسەبىنەن جۇرگىزىلەدى.

«قازاقستان رەسپۋبليكاسىنىڭ مەملەكەتتىك قىزمەتى تۋرالى» قازاقستان رەسپۋبليكاسىنىڭ زاڭىنا قازاقستان رەسپۋبليكاسىنىڭ جوعارعى سوتى جانىنداعى سوت تورەلىگى اكادەمياسىندا وقۋدى بىتىرگەن جانە بىلىكتىلىك ەمتيحانىن تاپسىرعان ادامداردىڭ وقۋدى بىتىرگەننەن كەيىن ءبىر جىل ىشىندە قازاقستان رەسپۋبليكاسىنىڭ مەملەكەتتىك قىزمەت تۋرالى زاڭناماسىنا سايكەس سوتتاردىڭ قىزمەتىن ۇيىمداستىرۋشىلىق جانە ماتەريالدىق-تەحنيكالىق قامتاماسىز ەتۋ ماسەلەسى جونىندەگى ۋاكىلەتتى ورگاندا جانە ونىڭ اۋماقتىق بولىمشەلەرىندە «ب» كورپۋسىنىڭ مەملەكەتتىك əكىمشىلىك لاۋازىمدارىنا ۋاكىلەتتى ورگانمەن كەلىسۋ بويىنشا كونكۋرس وتكىزىلمەستەن ورنالاسا الاتىنىن كوزدەيتىن تولىقتىرۋ ەنگىزىلەدى.

قۇجاتتار پالاتا قاراۋىنا بەرىلدى.

سوڭعى جاڭالىقتار

تويدىڭ سوڭى توپىرلاعان اۋرۋ

ايماقتار • بۇگىن، 10:22

ۇعىنا بىلگەنگە – ۇلت تاعدىرى

ساياسات • بۇگىن، 06:57

كوڭىلگە مەدەت بولعان ماقالا

رۋحانيات • بۇگىن، 06:56

54 ادام جازىلىپ شىقتى

كوروناۆيرۋس • بۇگىن، 06:39

ەل بولىپ ەڭسەرەمىز

ساياسات • بۇگىن، 06:20

بۋمەرانگ

رۋحانيات • بۇگىن، 05:54

قورعاۋشىلارعا دا قولداۋ قاجەت

ايماقتار • بۇگىن، 05:46

تويدىڭ سوڭى توپىرلاعان سىرقات

ايماقتار • بۇگىن، 05:43

اقيرەكتە – ارىستان باب...

تانىم • بۇگىن، 05:33

تەاتردىڭ ونلاين تارتۋى

رۋحانيات • كەشە

ۇقساس جاڭالىقتار