قازاقستان • 08 اقپان، 2019

«ءتىل-قازىنا» ۇعپ ورتالىعى 2018 جىلعى جۇمىس ناتيجەسىن قورىتىندىلادى

527 رەتكورسەتىلدى

قازاق ءتىلى ءəلىپبيىنىڭ كيريلليتسادان لاتىن گرافيكاسىنا كوشىرىلۋى بويىنشا قانداي ماقساتتى شارالار اتقارىلدى؟ ش.شاياحمەتوۆ اتىنداعى ء«تىل-قازىنا» ۇلتتىق عىلىمي-پراكتيكالىق ورتالىعى 2018 جىلعى اتقارىلعان جۇمىس ناتيجەسىن قورىتىندىلاپ، ءالىپبي رەفورماسىنىڭ الداعى مىندەتتەرىن تارقاتتى.

مەملەكەت باسشىسى نۇرسۇلتان نازارباەۆتىڭ قازاق ءتىلىن جاڭا الىپبيگە كوشىرۋگە بايلانىستى جارلىعى شىققاننان بەرى بىرقاتار ماقساتتى ءىس-شارا اتقارىلعانى بەلگىلى. ەڭ الدىمەن، پرەمەر-ءمينيستردىڭ وكىمىمەن «قازاق ءتىلى ءالىپبيىن لاتىن گرافيكاسىنا 2025 جىلعا دەيىن كەزەڭ-كەزەڭمەن كوشىرۋ جونىندەگى ءىس-شارالار جوسپارى» بەكىتىلىپ، قۇرىلعان ۇلتتىق كوميسسيا ۇيىمداستىرۋشىلىق جəنە زاڭنامالىق سيپاتتاعى بىرقاتار باستاماعا مۇرىندىق بولدى. وسى تاراپتا اتقارىلعان جۇمىستار رەتىن بايانداعان ش.شاياحمەتوۆ اتىنداعى ء«تىل – قازىنا» ۇلتتىق عىلىمي-پراكتيكالىق ورتالىعىنىڭ اتقارۋشى ديرەكتورى ەربول تىلەشوۆ لاتىن الىپبيىنە بايلانىستى اتقارىلعان جۇمىستار رەتىنە توقتالدى.

– اتاپ ايتقاندا، ۇلتتىق كوميسسيا جانىنان قۇرىلعان جۇمىس توپتارىنىڭ جۇمىستارى ۇيلەستىرىلدى. مادەنيەت جانە سپورت مينيسترلىگى جانىنداعى ورفوگرافيالىق جۇمىس توبى جاڭا ءالىپبيدىڭ ەملە ەرەجەلەرىن دايىنداپ، عىلىمي جانە پراكتيكالىق ساراپتاۋلاردان وتكىزدى. 11 ماۋسىمدا استانا قالاسىندا «قازاق جازۋىنىڭ تاريحى جانە لاتىن الىپبيىنە كوشۋدىڭ عىلىمي-تاجىريبەلىك نەگىزدەرى» اتتى عىلىمي-تەوريالىق كونفەرەنتسيا وتكىزىلدى. بۇل كونفەرەنتسياعا ەلىمىزدىڭ ءتىل ءبىلىمى سالاسىنداعى بارلىق جەتەكشى عالىم شاقىرىلدى. وسى كونفەرەنتسيادا لاتىن گرافيكاسىنداعى قازاق ءالىپبيى نەگىزىندەگى «قازاق ءتىلى ەملە ەرەجەلەرىنىڭ تۇجىرىمداماسى» بەكىتىلدى، – دەگەن ول ەملە ەرەجەلەرى ەلىمىزدەگى بارلىق ءتىلتانۋشى عالىمعا تانىستىرىلعانىن جەتكىزدى. ودان بولەك، ورفوگرافيالىق جانە ادىستەمەلىك جۇمىس توپتارىنا ەنبەيتىن تاۋەلسىز ساراپشىلارعا دا ساراپتاۋعا ۇسىنىلىپ، جاڭا ءالىپبي ەملەسىنىڭ سىناما جۇمىستارى تامىز ايىندا استانا، الماتى قالالارىندا جانە اقمولا، قاراعاندى، شىعىس قازاقستان، اقتوبە، قىزىلوردا وبلىستارىندا وتكىزىلگەن. جالپى سىناماعا بارلىق مينيسترلىك، رەسپۋبليكالىق اقپارات قۇرالدارىنىڭ وكىلدەرى، مەملەكەتتىك قىزمەتكەرلەر، مۇعالىمدەر سياقتى ءارتۇرلى الەۋمەتتىك توپتار قامتىلعان بولاتىن.

– جاڭا ءالىپبيدىڭ ەملەسىن بۇلايشا سىناقتان وتكىزىپ وتىرعان سەبەبىمىز، ءالىپبيدى اۋىستىرۋ – تەك لينگۆيستيكالىق قۇبىلىس ەمەس، سونىمەن قاتار، الەۋمەتتىك قۇبىلىس دەپ قاراۋىمىز قاجەت. سوندىقتان بۇل ورايدا الەۋمەتتىڭ كوزقاراسى ايقىندالىپ، جان-جاقتى ساراپتاۋلاردان كەيىن شەشىمدەر قابىلداناتىن بولادى. قازان-قاراشا ايلارىندا ەلىمىزدىڭ بارلىق وڭىرىندە جاپپاي ەملە ەرەجەلەردىڭ جوباسىن تالقىلاۋ جۇمىستارى جۇرگىزىلدى. ول 20 مىڭنان استام ادامدى قامتىدى. ەملە ەرەجەلەر جوباسى باق ارقىلى جالپى كوپشىلىككە تانىستىرىلىپ، ونىڭ نەگىزگى باعىتتارى جونىندە عىلىمي ماقالالار جازىلدى. بۇل جالپى حالىقتىڭ ەملە ەرەجەلەرمەن تانىسۋىنا، ونى تۇسىنۋىنە ۇلكەن مۇمكىندىكتەر تۋدىردى. ماماندار، عالىمدار تاراپىنان بەرىلگەن كەيبىر ەسكەرتۋلەر ەسكەرىلدى. سونىمەن قاتار بۇل ايلاردا ەلىمىزدەگى جالپى ءالىپبي رەفورماسىن ناسيحاتتاۋ جۇمىستارى دا بارلىق وڭىردە كەڭىنەن جۇرگىزىلگەنىن اتاپ وتۋگە ءتيىسپىز، – دەدى ەربول تىلەشوۆ.

ايا ءومىرتاي،

«ەگەمەن قازاقستان»

سوڭعى جاڭالىقتار

تويدىڭ سوڭى توپىرلاعان اۋرۋ

ايماقتار • بۇگىن، 10:22

ۇعىنا بىلگەنگە – ۇلت تاعدىرى

ساياسات • بۇگىن، 06:57

كوڭىلگە مەدەت بولعان ماقالا

رۋحانيات • بۇگىن، 06:56

54 ادام جازىلىپ شىقتى

كوروناۆيرۋس • بۇگىن، 06:39

ەل بولىپ ەڭسەرەمىز

ساياسات • بۇگىن، 06:20

بۋمەرانگ

رۋحانيات • بۇگىن، 05:54

قورعاۋشىلارعا دا قولداۋ قاجەت

ايماقتار • بۇگىن، 05:46

تويدىڭ سوڭى توپىرلاعان سىرقات

ايماقتار • بۇگىن، 05:43

اقيرەكتە – ارىستان باب...

تانىم • بۇگىن، 05:33

تەاتردىڭ ونلاين تارتۋى

رۋحانيات • كەشە

ۇقساس جاڭالىقتار