قازاقستان • 08 اقپان، 2019

ازىرەت سۇلتان كەسەنەسىنىڭ اينالاسىن تاياقپەن تۇرتۋگە دە بولمايدى

297 رەتكورسەتىلدى

تۇركىستان قالاسى اكىمىنىڭ حالىق الدىنداعى ەسەپتى كەزدەسۋىندە وبلىس اكىمى جانسەيىت تۇيمەباەۆ وسىلاي دەدى.

– كەسەنە اۋماعى - 88 گەكتار. ول جەردى تاياقپەن ءتۇرتۋ ءۇشىن يۋنەسكو-دان رۇقسات الامىز. بۇل تەك قانا سىزدەردىڭ بايلىقتارىڭىز ەمەس. ولار بىزگە «بۇل تۇركىستاننىڭ، وبلىستىڭ، قازاقستاننىڭ عانا ەمەس، بۇكىل ادامزاتتىڭ بايلىعى!» دەپ ايتىپ وتىر. پاريجگە دەلەگاتسيا جىبەرىپ جاتىرمىز. ءبىزدىڭ مادەنيەت مينيسترلىگىنىڭ وكىلدەرى سوناۋ فرانتسياداعى يۋنەسكو-نىڭ شتابىنا كەلىسسوزدەرگە بارادى. اينالاسىن، كۇلتوبەنى، حاندار وتىرعان ستاۆكانى قازىپ، ورنىنا كەلتىرۋ ءۇشىن بارىپ رۇقسات الامىز. كوردىڭىزدەر مە؟ سەبەبى دۇنيەدە مۇنداي جەرلەر كوپ ەمەس. ياعني، ءبىز ۇلكەن رۋحاني قازبا بايلىقتىڭ ۇستىندە وتىرمىز. سونى كورسەتۋىمىز كەرەك. سوندىقتان دا تۇركىستان جان-جاقتى دامۋى ءتيىس. بۇعان بارلىعىمىز بىرىگىپ اتسالىسۋىمىز قاجەت، – دەدى جانسەيىت قانسەيىت ۇلى.

تۇركىستاندى «قازاقستاننىڭ رۋحاني ورتالىعى رەتىندە قالىپتاستىرۋ ماقساتىندا باس جوسپارعا سايكەس، قالا قۇرىلىسى مەن ساۋلەتىن ءۇش باعىتتا جۇرگىزۋ كوزدەلگەن. ءبىرىنشى باعىتى بويىنشا 88،7 گەكتار جەرگە ورنالاسقان قوجا احمەت ياساۋي كەسەنەسىنىڭ ماڭىنداعى «تاريحي ايماقتاعى» 18 نىساندى قايتا جاڭعىرتۋ جوسپارلانىپ وتىر. وبلىس اكىمىنىڭ ايتۋىنشا، قازىرگى تاڭدا وڭىردەگى تاريحي جەرلەردى تەرەڭ زەرتتەۋ ءۇشىن ءتيىستى جوسپار جاسالعان. «ونىڭ ىشىندە ءبىرىنشى كەزەكتە تۇرعان جەردىڭ ءبىرى، وسى سىزدەر تۇرىپ جاتقان تۇركىستان قالاسى. بۇل شارۋالار حالىقارالىق ۇيىمدارمەن ۇيىمداسا اتقارىلاتىن بولادى. سەبەبى، تۇركىستان – قازاقستاننىڭ عانا ەمەس، ادامزات تاريحىندا ورنى بار مەكەن»، - دەدى وبلىس اكىمى

ايتا كەتەيىك، قالا اكىمى الىپبەك وسەرباەۆ ءوز ەسەبىندە بىلتىر تۇركىستانعا 28 ملرد. 313 مىڭ ينۆەستيتسيا تارتىلعانىن اتاپ ءوتتى. ونىڭ 19 ملرد تەڭگەسى جەكە ينۆەستيتسيا.

عالىمجان ەلشىباي،

«ەگەمەن قازاقستان»

تۇركىستان وبلىسى

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

ۇقساس جاڭالىقتار