ايماقتار • 08 اقپان، 2019

ءماجىلىس دەپۋتاتتارىنا  پەسچان اۋىلى  تۇرعىندارىنىڭ سۇراعى از بولمادى

153 رەتكورسەتىلدى

پارلامەنت ءماجىلىسىنىڭ دەپۋتاتتارى گۇلجان قاراعۇسوۆا، ۆاسيلي ولەينيك، سەرگەي سيمونوۆ، الەكساندر سۋسلوۆ،تاتيانا ياكوۆلەۆا وڭىردەگى تەرەڭكول اۋدانى تۇرعىندارىمەن كەزدەستى.

اۋدانداعى پەسچان اۋىلدىق اۋماعى-ءتورتىنشى دەڭگەيلى بيۋدجەت ەنگىزىلگەن اۋىلداردىڭ ءبىرى.

اۋىل اكىمى التىناي دۇيسەمباەۆانىڭ ايتۋىنشا،3 مىڭنان استام  تۇرعىنى بار اۋىلدا ءتۇرلى سالىقتىق تۇسىمدەرىنەن جەرگىلىكتى بيۋدجەتكە 5 ميلليون 300 مىڭ تەڭگە قارجى جينالعان.

ويتكەنى، تۇرعىنداردان سالىق جيناۋ بارىسىندا بىرقاتار ماسەلەلەر بار. بىرىنشىدەن، زاڭ بويىنشا جەكە كولىككە سالىناتىن سالىق ءتورتىنشى توقساننىڭ سوڭىنا دەيىن جينالۋى ءتيىس.  جەلتوقسان ايىندا جينالعان سالىق كەلەسى جىلعا تۇسەدى. 

سونداي-اق، اۋىل بەلسەندىلەرى جىلجىمايتىن م ۇلىكتى قايتا باعالاۋ تالاپتارىن وزگەرتۋ قاجەت دەپ ەسەپتەيدى.

دەپۋتاتتار ءتورتىنشى دەڭگەيلى بيۋدجەتكە قاتىستى پەسچان اۋىلىندا ايتىلعان  بۇل ماسەلەلەر پارلامەنت دەڭگەيىندە قارالاتىنىن جەتكىزدى.

سونىمەن قاتار، №2 مەكتەپ مۇعالىمدەرى ەڭبەكاقىنىڭ دۇرىس ەسەپتەلمەيتىنىنە دە نازار اۋدارتتى.

ال، «ديپلوممەن اۋىلعا!» كەلگەن  جاس مامان شەتەل ءتىلىن ءبىلىپ، وقىتۋدىڭ جاڭا جۇيەسىن مەڭگەرگەن. ولار 15-20 جىلدىق ءوتىلى بار ۇستازداردان الدەقايدا كوپ جالاقى الادى دەيدى.

دەپۋتاتتار «ديپلوممەن-اۋىلعا!» باعدارلاماسى اياسىندا قاراستىرىلعان جەڭىلدىكتەردى مۇعالىمدەر مەن دارىگەرلەرگە عانا ەمەس، ەندى

تۇرعىن ءۇي-كوممۋنالدىق شارۋاشىلىعى سالاسىندا ەڭبەك ەتەتىن تەحنيكالىق ماماندىق يەلەرىنە دە بەرۋ كەرەك دەگەن تۋرالى ۇسىنىس ايتتى.

ياعني، بۇل اتالعان سالاداعى مامان تاپشىلىعى ماسەلەسىن وڭتايلى شەشۋگە مۇمكىندىك بەرەدى. بۇل ماسەلە دە  پارلامەنتتە قارالاتىن  بولدى.

- بۇل  باستامانى ورىندى دەپ ەسەپتەيمىن. ولار دا ۇستاز، دارىگەرلەر سياقتى الەۋمەتتىك كومەك الۋعا قۇقىلى، - دەدى گۇلجان قاراقۇسوۆا تەرەڭكول اۋىلىنداعى سۋ تازارتۋ ستانساسىندا بولعان كەزدەسۋدە.

دەپۋتاتتار اۋدان ورتالىعىنداعى جاڭعىرتۋدان وتكىزىلگەن سۋ تازارتۋ ستانساسىنىڭ جۇمىسىمەن تانىستى. نىسان وتكەن جىلى پايدالانۋعا بەرىلگەن.

اۋدان ورتالىعىنداعى تۇرعىن ۇيلەر ورتالىقتاندىرىلعان سۋ جۇيەسىنە قوسىلعان.

فاريدا بىقاي،

«ەگەمەن قازاقستان»

پاۆلودار وبلىسى

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار